Asmara

Asmara أسمرة ኣስመራ
Kaart	Wapen
	Vlag
Land	Eritrea
Streek	Maekel
Koördinate	15°19′N 38°55′O
Stigting	12de eeu
Oppervlakte:
- Totaal	45 vk km
Hoogte bo seevlak	2 325 m
Bevolking:
- Totaal (2017)	804 000
- Bevolkingsdigtheid	53,38/vk km
Tydsone	UTC +3
Burgemeester	Semere Russom

Asmara (Arabies: أسمرة, Tigrinya: ኣስመራ, voorheen Asmera) is die hoofstad en grootste stad van Eritrea met 'n bevolking van 804 000 in 2017 en 'n oppervlakte van 45 km². Die stad is in die sentrum van Eritrea in die Groot Skeurvallei geleë. Asmara is bekend vir sy goed bewaarde koloniale Italiaanse Modernistiese argitektuur. Die Modernistiese stad van Asmara is in 2017 deur Unesco as wêrelderfenisgebied gelys.

Geskiedenis

Asmara was 'n dorp tot ongeveer 1880, toe dit 'n streeksadministrasiesentrum in Ethiopië geword het. Dit het in 1900 die hoofstad van die Italiaanse kolonie van Eritrea geword. Teen die einde van die dertiger jare het die Italianers die voorkoms van die stad geweldig verander. Hulle het verskillende geboue volgens 'n nuwe stadsplan gebou, soos die katedraal Chiesa della Beata Vergine del Rosario (Asmara) en die Fiat Tagliero-vulstasie. Asmara het byvoorbeeld die bynaam Piccola Roma (klein Rome) gehad. Daar is nog baie geboue met 'n Italiaanse inskripsie en styl.

In die oorlog van onafhanklikheid met Ethiopië in 1993 het daar hewige gevegte plaasgevind, veral rondom die lughawe. Min van hierdie oorlog kan in Asmara gesien word. Die stad is skaars beskadig. Nadat Eritrea in 1991 'n amptelik onafhanklike staat geword het, is die stad hernu. Hulle het oral in die stad gebou en beskadigde huise is opgeknap. Dit word nou beskou as een van die skoonste stede in Afrika.

Religie

Die Christendom en Islam is die twee grootste godsdienste in Eritrea. Vier groot landmerke van die stad is die katedraal Chiesa della Beata Vergine del Rosario en die Kidane Mehret-katedraal van die Katolieke geloof, die Enda Mariam-katedraal, van die Eritrese Ortodokse Tewahedo-kerk, en die groot moskee van Asmara van die Islamitiese geloof. Die godsdienstige meerderheid in Asmara is die Eritrese Ortodokse Tewahedo Kerk . Die bevolking in die Sentraal-streek (Eritrea) is 89 persent Christen (byna 84 persent Ortodokse, 4 persent Rooms-Katolieke en meer as 1 persent Protestante) en 5 persent Moslem. .

Susterstede

• Florence (Italië)
• Khartoem (Soedan)

Galery

• 
  Die groot moskee van Asmara
• 
  Hoofstraat van Asmara
• 
  Stadhuis, gebou in die jare 1930
• 
  Katedraal Chiesa della Beata Vergine del Rosario (Asmara)
• 
  Pertolstasie in die Art Deco-styl uit 1938

Eksterne skakels

• Wikimedia Commons het meer media in die kategorie Asmara.
• (en) Toerisme-inligting oor Asmara op Wikivoyage
• (en) (fr) Amptelike Unesco-bladsy