Seymour, Oos-Kaap

Seymour
Seymour
Koördinate: 32°32′60″S 26°46′0″O
Land	Suid-Afrika
Provinsie	Oos-Kaap
Distriksmunisipaliteit	Amathole
Plaaslike Munisipaliteit	Nkonkobe
Tydsone	SAST (UTC+2)
poskode	5750
Skakelkode(s)	+27 (0)46

Seymour is 'n dorpie in die Oos-Kaap wat vernoem is na luitenant-kolonel Seymour, militêre sekretaris van die goewerneur sir George Cathcart.

Dit is in 1853 gestig as middelpunt van die Katrivier-nedersetting van die Hottentotte en het later jare ontwikkel in 'n vooruitstrewende gemeenskap waarin wol en algemene boerdery gedy het.

Seymour was vroeër 'n kernpunt van die NG gemeente Greykerk, hoewel die kerkgebou en pastorie nie hier was nie, maar naby aan die dorpie Balfour. Die Greykerk het vroeër talle ander name gehad, maar is uiteindelik vernoem na die gewilde goewerneur sir George Grey. Later jare is dit by die NG gemeente Fort Beaufort ingelyf.

Sien ook

• Lys van dorpe in Suid-Afrika

Bronne

• Olivier, ds. P.L. (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.
• Raper, P.E., Dictionary of South African Place Names, Lowry Publishers, Johannesburg, 1987.
• Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.