Fraserburg

Fraserburg
Bo: Sonsak in Fraserburg. Links: Die Nederduits Gereformeerde Kerk in die hoofstraat. Middel regs: Die dorp se Poskantoor. Onder regs: Huis deur trekboere gebou voor die dorp se stigting.
Fraserburg
Koördinate: 31°54′52″S 21°30′43″O
Land	Suid-Afrika
Provinsie	Noord-Kaap
Distriksmunisipaliteit	Namakwa
Plaaslike Munisipaliteit	Karoo Hoogland
Oppervlak
- Stad	2,10 km²  (0,8 vk m)
Hoogte	1 267 m (4 157 vt)
Bevolking (2001)
- Stad	2 404
- Digtheid	1 145/km² (2 965,5/myl2)
Tydsone	SAST (UTC+2)
Poskode	6960

Fraserburg is 'n dorp in die Hantam Karoo in die provinsie Noord-Kaap, Suid-Afrika. By Faserburg is 'n paleo-oppervlak uit die Perm gevind met spore van Synapsida uit daardie tyd. Die dorp lê 1267 m bo seevlak.

Skemer in Fraserburg, Die tipe windpompe is algemeen in die Karoo te sien.

Die Synapsida-spoor

Geskiedenis

Die eerste vaste nedersetters was vroeg in die 19e eeu hier teenwoordig en het begin om die San na die noorde te verdryf. In 1851 het die NG Kerk 'n nuwe gemeente hier gestig. Die plaas Rietfontein van A.A. Visser is gekies en die dorp is dieselfde jaar opgemeet. Die dorp is Fraserburg genoem ter ere van ds. Colin Fraser van die NG gemeente Beaufort-Wes, die moedergemeente, en die grootvader van die vrou van president M.T. Steyn, mev. Rachel Isabella Steyn, asook 'n Beaufortse ouderling, ene Meyburgh.

Distrik

Die distrik is 11 500km² groot. Merinowol is die belangrikste produk. Trofeejag in die wintermaande is 'n groeiende ekonomiese bedryf.

Besienswaardighede

• Sowat 5km noordwes van die dorp , by Gansfontein, is fossielvoetspore van prehistoriese diere in die rotsoppervlak.
• Die oorspronklike opstal van die plaas Rietfontein is nog steeds te sien.
• Die kruithuis bokant die dorp is tydens die Tweede Vryheidsoorlog as 'n ammunisie-opslagplek gebruik.

Mense gebore

• A.G. Visser is in die distrik gebore.

Sien ook

• Lys van dorpe in Suid-Afrika

Bron

• Op Pad in Suid-Afrika. BPJ Erasmus. 1995. ISBN 1-86842-026-4