Jiangsu

Moenie verwar word met Jiangxi nie.

Jiangsu 江苏省 (Chinees)
Provinsie
Tongli-kanaaldorpie in Jiangsu
Ligging van Jiangsu in die Volksrepubliek China
Koördinate: 32°54′0″N 119°48′0″O
Land	Volksrepubliek China
Hoofstad	Nanjing
Grootste stad	Nanjing
Regering
• Tipe	Regering van Jiangsu
• Sekretaris	Wu Zhenglong
• Goewerneur	Xu Kunlin
Oppervlak
• Totaal	102 600 km2 (39 600 vk. myl)
Bevolking
• Totaal	84 748 016
• Digtheid	830/km2 (2 100/vk. myl)
Tydsone	UTC+08:00 (SST)
Etniese groepe	Han (99,6%), Hui (0,2%)
Webwerf	www.jiangsu.gov.cn

Suzhou-tempel en pagoda

Jiangsu (Chinees: 江苏省, ) is 'n provinsie van die Volksrepubliek China. In 2020 het die provinsie 'n bevolking van sowat 84,75 miljoen gehad.

Die naam kom van jiang, 'n verkorte vorm vir die naam van die stad Jiangning (nou Nanjing), en su, vir die stad Suzhou. Die afkorting vir hierdie provinsie is "苏" (sū), die tweede karakter van sy naam.

Ligging en kenmerke

Jiangsu grens aan Shandong in die noorde, Anhui in die weste, en Zhejiang en Sjanghai in die suide. Jiangsu het meer as 1000 km kuslyn langs die Geelsee en die Yangtzerivier vloei deur die suidelike dele van die gebied.

Die provinsie is redelik plat, ryk aan water en effens heuwelagtig. Dit besit China se grootste binnelandse see en die Grootkanaal lê grootliks in hierdie provinsie (lengte 690 km).

Jiangsu is een van die mees bevolkte en welvarende provinsies. Die suide is egter baie meer welaf as die noorde. Die bevolking praat Mandaryns en Wu.

Stede in Jiangsu-provinsie

• Changshu is geleë op die Grootkanaal, wat in die jaar 609 geopen is. Die stad het 'n belangrike funksie vir die handel in landbouprodukte na die Noorde gehad. Dit is nou 'n tekstielstad. Die stad is welvarend, maar minder welaf as Nanjing, Suzhou en Wuxi.
• Changzhou
• Huai'an
• Jiangdu
• Jiangyan
• Jingjiang
• Jurong
• Lianyungang, 'n belangrike hawestad in die noorde en een van die eerstes wat omstreeks 1680 deur die Qing-dinastie vir buitelandse handel oopgestel is. Die ander drie was Ningbo, Xiamen en Canton. Teen die einde van die 20ste eeu was die stad weer een van die 14 stede wat vir buitelandse handel oopgestel is.
• Liyang

Nanjing Xinjiekou se luglyn

• Nanjing is die provinsiale hoofstad en was verskeie kere in die verlede die hoofstad van China, ook bekend as 'n stad met baie opvoedkundige instellings.
• Nantong is bekend vir sy tekstiel- of katoenbedryf. Die hawestad, noord van Sjanghai, was een van 14 stede wat vir buitelandse handel bestem was en is een van die vinnigsgroeiende aan die kus. 'n Unieke dialek word in die stad gepraat.
• Qidong
• Rugao
• Suqian

'n Tuin in Suzhou

• Suzhou is bekend vir sy klassieke tuine, kanale, brûe en geboue, en word deur baie toeriste besoek. Reeds in die 15de eeu is die stad as mooier as enige ander Chinese stad beskou en word gelykgestel aan Beijing, Hangzhou en Guilin. Suzhou is die tweede belangrikste industriële stad en een van die rykste stede in China. Die sybedryf is steeds baie belangrik.
• Taicang
• Taixing
• Taizhou is 'n vroeëtydse hawestad. Die ekonomie groei teen 'n jaarlikse koers van 10%.
• Wujiang
• Wuxi is een van die belangrikste stede in die provinsie na Nanjing. Baie buitelandse maatskappye is hier geleë en dit staan ook bekend as Klein-Shanghai. Dit is sentraal geleë tussen Sjanghai, Nanjing en Suzhou. Wuxi is 'n modelstad en pragtig geleë op die Taihu.
• Xinghua
• Xuzhou
• Yancheng is die grootste stadsprefektuur in die provinsie met meer as 16 000 km². Dit is lank reeds belangrik vir soutproduksie.
• Yangzhou was 'n belangrike stad vanweë sy ligging aan die Grootkanaal. Reeds in die 13de eeu is die stad deur Marco Polo besoek. Tot aan die begin van die 21ste eeu het Yangzhou geen spoorverbinding gehad nie en daar is amper geen hoë geboue nie. Die stad handhaaf 'n interessante kookkuns. Soos Suzhou, het die stad bekende klassieke tuine.
• Zhenjiang is die ou provinsiale hoofstad. Shen Kuo, 'n bekende sterrekundige, het in die 11de eeu hier gewerk.

Eksterne skakels

• Wikimedia Commons het meer media in die kategorie Jiangsu.
• (zh) Amptelike webwerf van die Jiangsu Provinsiale Regering
• (en) "Jiangsu". Encyclopædia Britannica. Besoek op 24 Maart 2021.