Paralimpiese Spele

in Wikipedia, die vrye ensiklopedie
Vlag van die Paralimpiese Spele sedert 2019

Paralimpiese Spele is die Olimpiese Spele vir atlete met liggaamlike gestremdhede, uitgesluit dowe en verstandelik gestremde persone. Vir dowes word die Dooflimpiese Spele georganiseer en die Spesiale Olimpiade word vir verstandelik gestremde persone georganiseer.

Geskiedenis[wysig | wysig bron]

Portret van Ludwig Guttman op 'n Russiese posseël in 2013
Vlag van die Paralimpiese Spele 2010–2019
Vlag van die Paralimpiese Spele 2004–2010
Vlag van die Paralimpiese Spele 1994–2004
Vlag van die Paralimpiese Spele 1988–1994
Vlag van die Paralimpiese Spele tot 1987
Die Paralimpiese atleet Oscar Pistorius

In 1948 organiseer Sir Ludwig Guttman 'n sportwedstryd in Engeland vir veterane uit die Tweede Wêreldoorlog met rugbeserings. Vier jaar later neem atlete uit Nederland ook aan die Spele deel en die internasionale byeenkoms wat tans die Paralimpiese Spele heet, word gebore.

In 1976 neem groepe met verskillende tipes gestremdhede aan die Spele in Toronto deel, en in dieselfde jaar word die eerste Paralimpiese Winterspele in Swede georganiseer.

Tans bestaan die Paralimpiese Spele vir atlete uit 6 verskillende groepe van gestremdhede. Die klem val op wat die atlete kan vermag, eerder as op hulle gestremdhede en waartoe hulle nie in staat is nie. Die aantal atlete wat deelneem het baie gegroei sedert die begin, van 400 atlete in Rome in 1960 tot 3195 tydens die Spele in Atlanta in 1996.

Die Paralimpiese Spele word altyd in dieselfde jaar as die Olimpiese Spele gehou en sedert 1988 word dit ook altyd op dieselfde perseel gehou. Sedert 2012 is die stad wat die Olimpiese Spele organiseer ook verplig om die Paralimpiese Spele te organiseer.[1]

In 2018 is die Paralimpiese Winterspele in Pyeongchang, Suid-Korea, beslis. Die volgende Paralimpiese Somerspele sal in 2020 in Tokio, Japan, aangebied word.

Paralimpiese Somerspele[wysig | wysig bron]

Paralimpiese Winterspele[wysig | wysig bron]

Rekords[wysig | wysig bron]

Trischa Zorn van die Verenigde State is die mees gedekoreerde Paralimpiër in die geskiedenis. Sy neem vanaf 1980 tot en met 2004 aan die swem vir visueel gestremde atlete deel. In totaal wen sy 55 medaljes, waarvan 41 goud.

Ragnhild Myklebust van Noorweë hou die rekord vir die meeste medaljes op die Paralimpiese Winterspele. Sy neem in 1988, 1992, 1994 en 2002 aan die ys-sleeresies, heg-en-steg-skiwedloop en tweekamp deel. In totaal wen sy 22 goue medaljes, 3 silwer medaljes en 2 brons.

Sien ook[wysig | wysig bron]

Verwysings[wysig | wysig bron]

  1. (en) "Paralympics 2012: London to host 'first truly global Games'". BBC. Geargiveer vanaf die oorspronklike op 15 April 2020. Besoek op 18 Maart 2018.

Eksterne skakels[wysig | wysig bron]


Paralimpiese Spele Logo van die Paralimpiese Spele

Somerspele: Rome 1960Tokio 1964Tel Aviv 1968Heidelberg 1972Toronto 1976Arnhem 1980New York & Stoke Mandeville 1984Seoel 1988Barcelona 1992Atlanta 1996Sydney 2000Athene 2004Beijing 2008Londen 2012Rio de Janeiro 2016Tokio 2020Parys 2024Los Angeles 2028Brisbane 2032
Winterspele: Örnsköldsvik 1976Geilo 1980Innsbruck 1984Innsbruck 1988Tignes-Albertville 1992Lillehammer 1994Nagano 1998Salt Lake City 2002Turyn 2006Vancouver 2010Sotsji 2014Pyeongchang 2018Beijing 2022Milaan/Cortina 2026
Internasionale Paralimpiese KomiteeNasionale Paralimpiese Komitee