Paralimpiese Somerspele 2020

in Wikipedia, die vrye ensiklopedie
Jump to navigation Jump to search
XVIe Paralimpiese Somerspele
Paralimpiesespele van 2020

Gehou in Tokio, Japan
Deelnemende lande 162
Deelnemende atlete 4 403
Items 539 in 22 sporte
Openingseremonie 24 Augustus 2021
Sluitingseremonie 5 September 2021
Amptelik geopen deur Keiser Naruhito
Atlete-eed Shingo Kunieda
Rie Urata
Beampte-eed Yumiko Taniguchi
Olimpiese vlam Yui Kamiji
Karin Morisaki
Shunsuke Uchida
Vorige Spele 2016: Rio de Janeiro (Brasilië)
Volgende Spele 2024: Parys (Frankryk)

Die Paralimpiese Somerspele 2020 (Japannees: 東京2020パラリンピック競技大会, Hepburn: Tōkyō Nizeronizero Pararinpikku Kyōgi Taikai) sou oorspronklik tussen 25 Augustus en 6 September 2020 in Tokio, Japan, aangebied gewees het,[1] met die nuwe datums van 24 Augustus tot 5 September 2021.[2] Tydens die geleentheid het 4 535 atlete uit 162 nasies aan 539 items in 22 verskillende sportsoorte deelgeneem.[3]

Die Japannese Nasionale Stadion in Tokio
Kaart van deelnemende nasies in 2020:

   Neem vir die eerste keer deel

   Het reeds vantevore deelgeneem

   Neem nie deel nie

     Gasheerstad Tokio

Dit was die 16de aanbieding van die Paralimpiese Somerspele en die tweede keer wat Tokio die spele organiseer het na hulle eerste spele in 1964, waarmee Tokio die eerste stad geword het om twee keer Paralimpiese Somerspele aan te bied. Verder was dit ná die Paralimpiese Winterspele 1998 in Nagano die derde Paralimpiese Spele in Japan.

Die opening- en sluitingseremonies het in die Japannese Nasionale Stadion in Tokio plaasgevind. Soos gebruiklik het die lande in alfabetiese volgorde die stadion ingestap met Griekeland eerste en die gasheer Japan laaste, maar aangesien die plaaslike taal Japannees is, is dié taal se alfabet gebruik om die volgorde te bepaal. Beide Charl du Toit (atletiek) en Kgothatso Montjane (rolstoeltennis) het die Suid-Afrikaanse vlag ingedra.[4] Die Spele is amptelik deur keiser Naruhito geopen. Dit was die eerste Paralimpiese Spele wat deur die keiser geopen is. Die Somerspele van 1964 is deur Yoshiaki Kasai geopen en die Winterspele van 1998 deur die destydse kroonprins Naruhito (die huidige keiser).

As gevolg van die wêreldwye Covid-19-pandemie het die Internasionale Olimpiese Komitee met die Japannese reëlingskomitee ooreengekom om die Paralimpiese Somerspele 2020 vir een jaar uit te stel. Die sportgeleentheid het egter steeds sy amptelike naam behou as die Paralimpiese Somerspele van die jaar 2020. Dit was die eerste keer dat 'n Paralimpiese Spele uitgestel en in 'n onewe jaar aangebied is.[5][6] Verder het die Japannese regering en die Internasionale Olimpiese Komitee aangekondig dat dit sonder enige toeskouers sou plaasvind.[7][8][9]

Die Olimpiese Somerspele 2020 is tussen 23 Julie en 8 Augustus 2021 in Tokio gehou.

Toewysing[wysig | wysig bron]

Seiko Hashimoto, hoof van Tokio se reëlingskomitee

As deel van 'n formele ooreenkoms tussen die Internasionale Paralimpiese Komitee en die Internasionale Olimpiese Komitee uit 2001 is die wenner van die bod vir die Olimpiese Somerspele 2020 ook die gasheer vir die Paralimpiese Somerspele 2020.[10] Tokio is op 7 September 2013 in Buenos Aires deur die Internasionale Olimpiese Komitee gekies as die gasheer vir die Olimpiese Somerspele in 2020. Ander kandidate was Istanboel en Madrid.

Die stemming het as volg verloop:

Stemming vir gasheer van die Olimpiese Somerspele 2020[11]
Stad Land Rondte 1 Rondte 2 Rondte 3
Tokio Vlag van Japan Japan 42 60
Istanboel Vlag van Turkye Turkye 26 49 36
Madrid Vlag van Spanje Spanje 26 45

Sporte[wysig | wysig bron]

Tydens die Paralimpiese Somerspele 2020 was daar in nuwe Paralimpiese sportsoorte soos pluimbal en taekwondo meegeding, terwyl seilvaart en 7-per-kant sokker nie meer op die Paralimpiese program was nie.[12]

22 Paralimpiese sporte is tydens die Spele beoefen. Tydens die Spele is 539 medaljes oorhandig.

Stadions[wysig | wysig bron]

Tokiobaai, waar 'n aantal kompetisies gehou is
Nippon Budokan het die Judo-kompetisies aangebied
Die Ariake Coliseum in Kōtō, Tokio
Die Internasionale Uitsaai- en Hoofpersentrum

Die plekke soos volgens die amptelike webwerf van die Paralimpiese Spele 2020.[13]

Erfenissone[wysig | wysig bron]

  • Japannese Nasionale Stadion – Atletiek en seremonies (opening/sluiting)
  • Nippon Budokan – Judo
  • Tokio Ruiterpark – Ruitersport
  • Tokio Internasionale Forum – Bankdruk
  • Tokio Metropolitaanse Gimnasium – Tafeltennis
  • Yoyogi Nasionale Stadion – Rolstoelpluimbal, rolstoelrugby[14]

Tokiobaaisone[wysig | wysig bron]

  • Aomi Stedelike Sportsentrum – 5-per-kant sokker
  • Ariake-arena – rolstoelbasketbal (hoofplek)
  • Ariake Coliseum – rolstoeltennis
  • Yumenoshimastadion – Boogskiet
  • Makuhari Messe – doelbal, sitvlugbal, Taekwondo, rolstoelskerm
  • Odaiba Marienepark – Paradriekamp
  • Yumenoshimastadion – swem
  • Tokiobaai – Boccia
  • Tokio Gate-brug – roei, Parakanovaart

Afgeleë sportplekke[wysig | wysig bron]

  • Musashino Woudsportplek – rolstoelbasketbal (groepfase)
  • Camp Asaka – skyfskiet
  • Izu Velodrome – Baanfietsry
  • Fuji-snelweg – Padfietsry

Kalender[wysig | wysig bron]

Die oorspronklike kalender vir die Paralimpiese Somerspele 2020 is met 364 dae uitgestel om te verseker dat al die items op die oorspronklik beplande dag van die week plaasvind, waarvolgens die nuwe kalender van 24 Augustus tot 5 September geloop het.[15]

Die volgende tabel dui die Spele se daaglikse program aan. 'n Blou blokkie beteken dat wedstryde plaasgevind het, maar dat geen medaljes op die spel was nie. 'n Geel blokkie dui aan dat medaljes toegeken is, die getal dui op die aantal medaljeparades wat die dag gehou is.

 OS  Openingseremonie  ●  Wedstryde  1  Wedstryde met medaljes  SS  Sluitingseremonie
Augustus/September 24
Di
25
Wo
26
Do
27
Vr
28
Sa
29
So
30
Ma
31
Di
1
Wo
2
Do
3
Vr
4
Sa
5
So
Items
IPC logo (2019).svg Seremonies OS SS
Football 5-a-side pictogram (Paralympics).svg 5-per-kant sokker 1 1
Athletics pictogram (Paralympics).svg Atletiek 13 16 19 17 21 17 18 17 24 5 167
Powerlifting pictogram (Paralympics).svg Bankdruk 4 4 4 4 4 20
Boccia pictogram (Paralympics).svg Boccia 4 3 7
Archery pictogram (Paralympics).svg Boogskiet 1 1 2 2 1 1 1 9
Goalball pictogram (Paralympics).svg Doelbal 2 2
Fietsry Cycling (track) pictogram (Paralympics).svg Baan 4 5 5 3 51
Cycling (road) pictogram (Paralympics).svg Pad 19 6 5 4
Judo pictogram.svg Judo 4 4 5 13
Triathlon pictogram.svg Paradriekamp 4 4 8
Paracanoe pictogram (Paralympics).svg Parakanovaart 4 5 9
Rowing pictogram.svg Roei 4 4
Wheelchair basketball pictogram (Paralympics).svg Rolstoelbasketbal 1 1 2
Wheelchair badminton pictogram (Paralympics).svg Rolstoelpluimbal 7 7 14
Wheelchair rugby pictogram (Paralympics).svg Rolstoelrugby 1 1
Wheelchair fencing pictogram (Paralympics).svg Rolstoelskerm 4 4 2 4 2 16
Wheelchair tennis pictogram (Paralympics).svg Rolstoeltennis 1 1 2 2 6
Equestrian pictogram.svg Ruitersport 3 2 1 5 11
Sitting volleyball pictogram (Paralympics).svg Sitvlugbal 1 1 2
Shooting pictogram (Paralympics).svg Skyfskiet 3 2 2 1 2 2 1 13
Swimming pictogram (Paralympics).svg Swem 16 14 14 14 13 15 14 15 15 16 146
Taekwondo pictogram.svg Taekwondo 2 2 2 6
Table tennis pictogram (Paralympics).svg Tafeltennis 5 8 8 5 5 31
Totaal 24 30 44 55 62 54 58 45 48 55 49 15 539
Kumulatief 24 54 98 153 215 269 327 372 420 475 524 539
Augustus/September 24
Di
25
Wo
26
Do
27
Vr
28
Sa
29
So
30
Ma
31
Di
1
Wo
2
Do
3
Vr
4
Sa
5
So
Items

Deelnemende nasies[wysig | wysig bron]

Hier volg 'n alfabetiese lys van al die Nasionale Paralimpiese Komitees wat deelneem. Waar beskikbaar word die aantal atlete per land in hakies aangedui:

Suid-Afrikaanse deelname[wysig | wysig bron]

Tydens die vorige Paralimpiese Spele het Suid-Afrika 17 medaljes (7 goud, 6 silwer en 4 brons) ingepalm en in die 22ste plek geëindig.

Suid-Afrika het 34 atlete na die Spele gestuur. Hulle eindig in die algehele 34ste plek met 7 medaljes. Hiervan is 4 goud-, 1 silwer en 2 bronsmedaljes.[16]

Goud
Silwer
Brons

Aantal medaljes[wysig | wysig bron]

Hier is die top tien lande wat medaljes tydens die Spele verower het.

 Plek  Land  Deelnemers Goud Goud Silwer Silwer Brons Brons Totaal
1 Vlag van die Volksrepubliek China Volksrepubliek China (CHN) 255 96 60 51 207
2 Vlag van Verenigde Koninkryk Verenigde Koninkryk (GBR) 221 41 38 45 124
3 Vlag van Verenigde State van Amerika Verenigde State (USA) 242 37 36 31 104
4 Russian Paralympic Committee flag (2021).svg RPC (Russiese atlete) 246 36 33 49 118
5 Vlag van Nederland Nederland (NED) 74 25 17 17 59
6 Vlag van Oekraïne Oekraïne (UKR) 138 24 47 27 98
7 Vlag van Brasilië Brasilië (BRA) 258 22 20 30 72
8 Vlag van Australië Australië (AUS) 174 21 29 30 80
9 Vlag van Italië Italië (ITA) 113 14 29 26 69
10 Vlag van Azerbeidjan Azerbeidjan (AZE) 36 14 1 4 19
11 Vlag van Japan Japan (JPN) 260 13 15 23 51
34 Vlag van Suid-Afrika Suid-Afrika (RSA) 34 4 1 2 7

Sien ook[wysig | wysig bron]

Verwysings[wysig | wysig bron]

  1. (en) "IPC Historical Results Archive". Internasionale Paralimpiese Komitee. Besoek op 22 Januarie 2018.
  2. (en) "Tokyo Olympics and Paralympics: New dates confirmed for 2021". BBC. 30 Maart 2020. Geargiveer vanaf die oorspronklike op 30 April 2020. Besoek op 8 Augustus 2021.
  3. (en) "Top moments from the Opening Ceremony of the Tokyo 2020 Paralympic Games". Olimpiese Somerspele 2020. 25 Augustus 2021. Besoek op 5 September 2021.
  4. (en) "Medal prospects Charl du Toit, Kgothatso Montjane named SA's flag bearers for Tokyo Paralympics". Nuus24. 23 Augustus 2021. Besoek op 5 September 2021.
  5. (en) Justin McCurry (24 Maart 2020). "Tokyo Olympics postponed to 2021 due to coronavirus pandemic". The Guardian. ISSN 0261-3077. Geargiveer vanaf die oorspronklike op 15 April 2020. Besoek op 5 September 2021.
  6. (en) "Tokyo 2020: Olympic Games organisers 'agree postponement'". BBC. 24 Maart 2020. Geargiveer vanaf die oorspronklike op 21 Mei 2020. Besoek op 5 September 2021.
  7. (en) Michael Houston (8 Julie 2021). "Tokyo to be under state of emergency for duration of Olympics". Inside the Games. Besoek op 5 September 2021.
  8. (en) "Tokyo Olympic Games: Spectators barred as state of emergency announced". BBC. 8 Julie 2021. Besoek op 5 September 2021.
  9. (en) "Fans barred from all Olympic events in Tokyo as COVID-19 fears grow". Inside the Games. 8 Julie 2021. Besoek op 5 September 2021.
  10. (en) "Paralympics 2012: London to host 'first truly global Games'". BBC. 21 Mei 2012. Geargiveer vanaf die oorspronklike op 15 April 2020. Besoek op 5 September 2021.
  11. (en) "Past Olympic Host City Election Results". GamesBids. Geargiveer vanaf die oorspronklike op 30 April 2020. Besoek op 5 September 2021.
  12. (en) "IPC announces final Tokyo 2020 Paralympic sports programme". Internasionale Paralimpiese Komitee. 31 Januarie 2015. Geargiveer vanaf die oorspronklike op 24 Maart 2020. Besoek op 5 September 2021.
  13. (en) tokyo2020.jp. "Paralympic venues". Geargiveer vanaf die oorspronklike op 24 April 2020. Besoek op 5 September 2021.
  14. (ja) "東京五輪、26競技の会場決定 自転車・サッカー除き". Nihon Keizai Shimbun. 9 Junie 2015. Geargiveer vanaf die oorspronklike op 9 Desember 2019. Besoek op 5 September 2021.
  15. (en) "Tokyo Olympics to start in July 2021 after coronavirus rescheduling". The Guardian. 30 Maart 2020. Besoek op 5 September 2021.
  16. (en) "Team RSA at the Tokyo 2020 Paralympics". Tokyo2020.com. 5 September 2016. Besoek op 5 September 2021.

Eksterne skakels[wysig | wysig bron]


Paralimpiese Spele Logo van die Paralimpiese Spele

Somerspele: Rome 1960Tokio 1964Tel Aviv 1968Heidelberg 1972Toronto 1976Arnhem 1980New York & Stoke Mandeville 1984Seoel 1988Barcelona 1992Atlanta 1996Sydney 2000Athene 2004Beijing 2008Londen 2012Rio de Janeiro 2016Tokio 2020Parys 2024Los Angeles 2028Brisbane 2032
Winterspele: Örnsköldsvik 1976Geilo 1980Innsbruck 1984Innsbruck 1988Tignes-Albertville 1992Lillehammer 1994Nagano 1998Salt Lake City 2002Turyn 2006Vancouver 2010Sotsji 2014Pyeongchang 2018Beijing 2022Milaan/Cortina 2026
Internasionale Paralimpiese KomiteeNasionale Paralimpiese Komitee