Paralimpiese Winterspele 2022

in Wikipedia, die vrye ensiklopedie
Jump to navigation Jump to search
XIIIe Paralimpiese Winterspele
Paralimpiesespele van 2022

Gehou in Beijing, China
Deelnemende lande 46 Nasionale Paralimpiese Komitees
Deelnemende atlete 564
Items 78 in 6 sporte
Openingseremonie 4 Maart 2022
Sluitingseremonie 13 Maart 2022
Amptelik geopen deur President Xi Jinping
Atlete-eed
Beampte-eed
Olimpiese vlam Li Duan
Vorige Spele 2018: Pyeongchang (Suid-Korea)
Volgende Spele 2026: Milaan/Cortina d'Ampezzo (Italië)

Die Paralimpiese Winterspele 2022 (Chinees: 2022年冬季残疾人奥林匹克运动会; pinyin: 2022 Nián Dōngjì Cánjí Rén Àolínpǐkè Yùndònghuì) is tussen 4 en 13 Maart 2022 in Beijing, Volksrepubliek China, aangebied.[1] Dit was die 13de Paralimpiese Winterspele wat aangebied is en ná die Paralimpiese Somerspele 2008 die tweede Paralimpiese Spele in die Chinese hoofstad Beijing.

Beijing het daarmee die eerste stad geword wat beide die Paralimpiese Somerspele en Winterspele gehou het. Verder was dit ná Pyeongchang (2018) en Tokio (2020) die derde agtereenvolgende Paralimpiese Spele in 'n Asiatiese stad. Daarbenewens het Beijing ná Nagano (1998) en Pyeongchang (2018) die derde Asiatiese stad geword waar Paralimpiese Winterspele gehou is.

Die opening- en sluitingseremonies het in die Beijing Nasionale Stadion, ook bekend as "voëlnes", plaasgevind. Soos gebruiklik het die lande in alfabetiese volgorde die stadion ingestap met Griekeland eerste en die gasheer die Volksrepubliek China laaste, maar aangesien die plaaslike taal Mandaryns is, is dié taal se alfabet gebruik om die volgorde te bepaal. Nes die Olimpiese Somerspele 2020 ses maande voorheen, wat weens die wêreldwye Covid-19-pandemie vir een jaar uitgestel is, het dit sonder enige toeskouers plaasgevind. Die spanne van Azerbeidjan, Israel en Puerto Rico het vir die eerste keer aan Paralimpiese Winterspele deelgeneem.[2] Suid-Afrika het nie aan hierdie Paralimpiese Winterspele deelgeneem nie. Beide Russiese en Belarussiese atlete is weens die Russiese inval in Oekraïne een dag voor die openingseremonie van die Paralimpiese Winterspele 2022 uitgesluit.[3]

Die Olimpiese Winterspele 2022 is tussen 4 en 20 Februarie (in die maand net voor die Paralimpiese Winterspele) ook in Beijing gehou.

Toewysing[wysig | wysig bron]

Setel van die Chinese reëlingskomitee in Beijing
Bing Dwen Dwen en Shuey Rhon Rhon, die gelukbringers van die Paralimpiese Winterspele 2022

As deel van 'n formele ooreenkoms tussen die Internasionale Paralimpiese Komitee en die Internasionale Olimpiese Komitee uit 2001 is die wenner van die bod vir die Olimpiese Winterspele 2022 ook die gasheer vir die Paralimpiese Winterspele 2022.[4] Beijing is op 31 Julie 2015 in Kuala Lumpur deur die Internasionale Olimpiese Komitee gekies as die gasheer vir die Olimpiese Winterspele in 2022. Die enigste ander kandidaat was Almati.

Die stemming het as volg verloop:

Stemming vir gasheer van die Olimpiese Winterspele 2022[5]
Stad Land Rondte 1
Beijing Vlag van die Volksrepubliek China Volksrepubliek China 44
Almati Vlag van Kasakstan Kasakstan 40

Sportplekke[wysig | wysig bron]

Beijing[wysig | wysig bron]

Kaart van die sportplekke
Die Olimpiese swembad met die Nasionale Stadion in die agtergrond
Die Beijing Nasionale Binnestadion
Olimpiese groenplekke
  • Beijing Nasionale watersportsentrum – rolstoelysbal / 4 000 klaar/opgeknap
  • Beijing Nasionale Binnestadion – sleehokkie / 18 000 klaar
  • Beijing Nasionale Stadion – opening- en sluitingseremonies / 80 000 klaar
  • Beijing Paralimpiese Winterdorp – nuut
  • Chinese Nasionale Vergaderingsentrum – Internasionale Uitsaaisentrum / klaar

Yanqing-gebied[wysig | wysig bron]

  • Xiaohaituo Alpeskiveld – alpeski / 15 000
  • Yanqing MMC: Internasionale Uitsaaisentrum
  • Yanqing Paralimpiese dorp en medaljeplein / nuut

Zhangjiakou-gebied[wysig | wysig bron]

  • Kuyangshu Tweekampveld – Heg-en-steg-ski / 15 000
  • Hualindong Ski Resort – paratweekamp / 15 000
  • Genting Hotel – Internasionale Uitsaaisentrum
  • Taiwu Ski Resort – sneeuplankry (kruispad), vryski / 10 000
  • Zhangjiakou Paralimpiese dorp en medaljeplein

Sporte[wysig | wysig bron]

6 Paralimpiese sporte is tydens die Spele beoefen. Tydens die Spele is 78 medaljes oorhandig.

  • Alpine skiing - Paralympic pictogram.svg Alpeski (30)
  • Cross-country skiing - Paralympic pictogram.svg Heg-en-steg-ski (20)
  • Biathlon - Paralympic pictogram.svg Paratweekamp (18)
  • Wheelchair curling - Paralympic pictogram.svg Rolstolysbal (1)
  • Ice sledge hockey - Paralympic pictogram.svg Sleehokkie (1)
  • Snowboarding pictogram.svg Sneeuplankry (8)

Kalender[wysig | wysig bron]

Die volgende tabel dui die Spele se daaglikse program aan. 'n Blou blokkie beteken dat wedstryde plaasgevind het, maar dat geen medaljes op die spel was nie. 'n Geel blokkie dui aan dat medaljes toegeken is, die aantal dui op die aantal medaljeparades wat die dag gehou is.

 OS  Openingseremonie  ●  Wedstryde  1  Wedstryde met medaljes  SS  Sluitingseremonie
Maart 2022  4 5 6 7 8 9 10 11 12 13 Goue
medaljes
Seremonies OS SS
Alpine skiing - Paralympic pictogram.svg Alpeski 6 6 6 3 3 3 3 30
Cross-country skiing - Paralympic pictogram.svg Heg-en-steg-ski 2 4 6 6 2 20
Biathlon - Paralympic pictogram.svg Paratweekamp 6 6 6 18
Wheelchair curling - Paralympic pictogram.svg Rolstoelysbal 1 1
Ice sledge hockey - Paralympic pictogram.svg Sleehokkie 1 1
Snowboarding - Paralympic pictogram.svg Sneeuplankry 4 4 8
Totaal 0 12 8 14 6 6 3 13 10 6 78
Kumulatief 0 12 20 34 40 46 49 62 72 78
Maart 2022  4 5 6 7 8 9 10 11 12 13 Goue
medaljes

Deelnemende nasies[wysig | wysig bron]

Hier volg 'n alfabetiese lys van Nasionale Paralimpiese Komitees wat deelgeneem het. Waar beskikbaar word die getal atlete per land in hakies aangedui:

Diplomatieke boikot[wysig | wysig bron]

Lande wat 'n diplomatieke boikot van die Olimpiese en Paralimpiese Winterspele 2022 aangekondig het

Die volgende lande het weens verskeie menseregteskendings in Hongkong, Tibet en Xinjiang 'n diplomatieke boikot van beide die Olimpiese en Paralimpiese Winterspele 2022 aangekondig en dat hulle diplomate nie aan seremonies tydens die spele sal deelneem nie. Dit sal egter nie dié lande se atlete se deelname aan dié spele raak nie.[6]

Buitendien het die volgende lande bevestig dat hulle nie amptelike verteenwoordigers na die openingseremonie sal stuur nie, maar nie as deel van die diplomatieke boikotveldtog nie:

Chinese leiers en media het op die diplomatieke boikot gereageer deur dit as 'n "politisering" van die gebeure te veroordeel.[22]

Aantal medaljes[wysig | wysig bron]

Kaart van deelnemende nasies in 2022:

   Neem vir die eerste keer deel

   Het reeds vantevore deelgeneem

   Geskorste lande

     Gasheerstad Beijing

Hier is die top tien lande wat medaljes by die Spele verower het:

 Plek  Land  Deelnemers Goud Goud Silwer Silwer Brons Brons Totaal
1 Vlag van die Volksrepubliek China Volksrepubliek China (CHN) 96 18 20 23 61
2 Vlag van Oekraïne Oekraïne (UKR) 20 11 10 8 29
3 Vlag van Kanada Kanada (CAN) 45 8 6 11 25
4 Vlag van Frankryk Frankryk (FRA) 15 7 3 2 12
5 Vlag van Verenigde State van Amerika Verenigde State (USA) 65 6 11 3 20
6 Vlag van Oostenryk Oostenryk (AUT) 16 5 5 3 13
7 Vlag van Duitsland Duitsland (GER) 18 4 8 7 19
8 Vlag van Noorweë Noorweë (NOR) 13 4 2 1 7
9 Vlag van Japan Japan (JPN) 29 4 1 2 7
10 Vlag van Slowakye Slowakye (SVK) 28 3 0 3 6
Totaal (19 NPKs) 564 78 78 78 234

Sien ook[wysig | wysig bron]

Verwysings[wysig | wysig bron]

  1. (en) "IPC Historical Results Archive". Internasionale Paralimpiese Komitee. Besoek op 27 Junie 2019.
  2. (en) "Echoes of 2008 to be heard at Beijing 2022". Internasionale Paralimpiese Komitee. 4 Maart 2022. Besoek op 14 Maart 2022.
  3. (en) Michael Houston (3 Maart 2022). "Athletes from Russia and Belarus banned from competing at Beijing 2022 Paralympics". Inside the Games. Besoek op 14 Maart 2022.
  4. (en) "Paralympics 2012: London to host 'first truly global Games'". BBC. Geargiveer vanaf die oorspronklike op 15 April 2020. Besoek op 27 Junie 2019.
  5. (en) "Past Olympic Host City Election Results". GamesBids. Geargiveer vanaf die oorspronklike op 30 April 2020. Besoek op 27 Junie 2019.
  6. (en) Tom Hamilton (10 Desember 2021). "What, exactly, is a 'diplomatic boycott' of the Beijing Olympics?". ESPNscrum. Besoek op 14 Maart 2022.
  7. (en) "2022 Beijing Winter Olympics: Australia joins US diplomatic boycott". BBC. 8 Desember 2021. Besoek op 14 Maart 2022.
  8. (en) Ali Iveson (18 Desember 2021). "Belgium joins diplomatic boycott of Beijing 2022, Latvia will not". Inside the Games. Besoek op 14 Maart 2022.
  9. (en) "Denmark to join diplomatic boycott of Beijing Olympics over human rights". Reuters. 14 Januarie 2022. Besoek op 14 Maart 2022.
  10. (en) "India joins diplomatic boycott of Beijing Olympics over role of Chinese soldier from border clash". The Washington Post. 3 Februarie 2022. Besoek op 14 Maart 2022.
  11. (en) "Canada joining diplomatic boycott of Beijing Winter Olympics". Global News. 8 Desember 2021. Besoek op 14 Maart 2022.
  12. (sq) "Kosova bojkoton Lojrat Olimpike në Pekin". Alsat News. 8 Desember 2021. Besoek op 14 Maart 2022.
  13. (en) "Lithuania confirms diplomatic boycott of Beijing 2022 Winter Olympics". ANI News. 3 Desember 2021. Besoek op 14 Maart 2022.
  14. (zh) "北京冬奧我代表團不出席開閉幕式 黨政人士:將由教育部宣布". Liberty Times. 26 Januarie 2022. Besoek op 14 Maart 2022.
  15. (en) "Australia, UK join diplomatic boycott of Beijing Winter Games". Reuters. 8 Desember 2021. Besoek op 14 Maart 2022.
  16. (en) "White House announces US diplomatic boycott of 2022 Winter Olympics in Beijing". CNN. 6 Desember 2021. Besoek op 14 Maart 2022.
  17. 17,0 17,1 17,2 17,3 17,4 17,5 17,6 (en) "World leaders: Who's coming, who isn't to Beijing Olympics". Associated Press. 4 Februarie 2022. Besoek op 14 Maart 2022.
  18. (en) "Estonian government officials in no mood to attend Beijing Olympics". Baltic News Network. 18 Januarie 2022. Besoek op 14 Maart 2022.
  19. (en) "Japan will not send government delegation to Beijing Olympics". Reuters. 24 Desember 2021. Besoek op 14 Maart 2022.
  20. (en) "Beijing Winter Olympics: Why are they controversial?". BBC. 3 Februarie 2022. Besoek op 14 Maart 2022.
  21. (cz) "The Czechia will join the diplomatic boycott of the Olympics. "No government will go to Beijing," Fiala said". irozhlas.cz. 28 Januarie 2022. Besoek op 14 Maart 2022.
  22. (zh) "北京冬奥在新冠疫情与抵制下开幕 BBC中文". BBC. 4 Februarie 2022. Besoek op 14 Maart 2022.

Eksterne skakels[wysig | wysig bron]


Paralimpiese Spele Logo van die Paralimpiese Spele

Somerspele: Rome 1960Tokio 1964Tel Aviv 1968Heidelberg 1972Toronto 1976Arnhem 1980New York & Stoke Mandeville 1984Seoel 1988Barcelona 1992Atlanta 1996Sydney 2000Athene 2004Beijing 2008Londen 2012Rio de Janeiro 2016Tokio 2020Parys 2024Los Angeles 2028Brisbane 2032
Winterspele: Örnsköldsvik 1976Geilo 1980Innsbruck 1984Innsbruck 1988Tignes-Albertville 1992Lillehammer 1994Nagano 1998Salt Lake City 2002Turyn 2006Vancouver 2010Sotsji 2014Pyeongchang 2018Beijing 2022Milaan/Cortina 2026
Internasionale Paralimpiese KomiteeNasionale Paralimpiese Komitee