Rondebosch-Oos
Rondebosch-Oos Rondebosch East | |
|---|---|
  Rondebosch-Oos | |
| Koördinate: 33°58′45″S 18°29′54″O / 33.97917°S 18.49833°O | |
| Land |  Suid-Afrika |
| Provinsie | Wes-Kaap |
| Tydsone | UTC+2 (SAST) |
Rondebosch-Oos is 'n suidelike voorstad van Kaapstad ten ooste van Rondebosch.
Dit bestaan uit dele van die voorstede Lansdowne en Crawford, en het eers in die dekade na 1980 sy beslag gekry toe inwoners as sodanig daarna begin verwys het. Die voorstad grens aan laasgenoemde twee voorstede, asook Claremont, Athlone en Rondebosch.
Die Laerskool Alpha is hier hernoem tot Laerskool Rondebosch-Oos. Daar is ook 'n hoërskool wat voorheen as Hoërskool Lansdowne bekend gestaan het, maar tans die Hoërskool Windsor heet. Albei skole was voorheen tweetalig (Afrikaans en Engels), maar is tans eentalig Engels.
Die NG gemeente Die Vlakte het in 1937 van die NG gemeente Rondebosch afgestig, maar het met die gedurige verhuising van Afrikaners uit die suidelike voorstede in 1989 ontbind, toe lidmate by die NG gemeente Keurboom (Claremont), NG gemeente Rondebosch en NG gemeente Van Riebeeck ingeskakel het. Keurboom en Van Riebeeck het op hulle beurt intussen ook opgehou bestaan.