Alice

Alice
Steward-monument op Somgxata-kop bo Alice.
Alice
Koördinate: 32°47′″S 26°50′″O
Land	Suid-Afrika
Provinsie	Oos-Kaap
Distriksmunisipaliteit	Amathole
Plaaslike Munisipaliteit	Nkonkobe
Tydsone	SAST (UTC+2)

Alice is 'n dorp in die Oos-Kaap, 120 km wes van Oos-Londen, waar die Universiteit van Fort Hare geleë is.

Geskiedenis

Die Glasgow Sendinggenootskap het 'n sendingstasie in 1824 op die westelike oewer van die Tyumerivier gestig. Hulle het die stad eers Lovedale genoem - na John Lovedale van die genootskap. Die dorp is later na prinses Alice, dogter van die Britse koningin Victoria, vernoem.

Die sendingstasie is na die Sesde Grensoorlog prysgegee en die eerste skool is eers in 1841 na die heropening gebou. Die geboue is egter tydens die Sewende Grensoorlog opgekommandeer en dit in 'n fort omskep. Na die vrede van 1847 is 'n behoorlike fort op die oostelike oewer van die rivier gebou.

Distrik

Daar word wol, sybokhaar, beesvleis, sitrusvrugte, tabak en hout gelewer in die distrik. Die Universiteit van Fort Hare is gebou waar die fort op die oewer van die Tyumerivier gebou is.

Bron

• Op pad in Suid-Afrika. BPJ Erasmus. 1995. ISBN 1-86842-026-4

Eksterne skakels

• Die vervalle gebou van die eertydse NG gemeente Alice, soos te sien op Google Maps