Cassiopeia (sterrebeeld)

in Wikipedia, die vrye ensiklopedie
Spring na: navigasie, soek
Cassiopeia
Cassiopeia constellation map.png
Latynse naam Cassiopeia
Genitief Cassiopeiae
Afkorting Cas
Waarnemingsdata (Epog J2000)
Regte klimming 1h
Deklinasie -60º
Grootte 598 vk. grade (25ste)
Kwadrant NQ1
Besonderhede
Hoofsterre 5
Helderste ster Alpha Cassiopeiae (Schedar)
Naaste ster Eta Cassiopeiae (Achird)
Sterre helderder as 3 m 4
Sterre met planete 4
Messier-voorwerpe 2
Bayer-/Flamsteed-sterre 53
Simboliek Koningin Cassiopeia (Griekse mitologie)
Meteoorreëns Perseids
Aangrensende sterrebeelde
Kameelperd, Cepheus, Akkedis, Andromeda, Perseus
Portaal  Portaalicoon   Sterrekunde


Cassiopeia is ’n sterrebeeld in die noordelike hemelruim wat genoem is na die ydel koningin met dieselfde naam in die Griekse mitologie. Dit is een van die 48 konstellasies wat deur die 2de-eeuse sterrekundige Ptolemeus beskryf is en is steeds een van die 88 moderne sterrebeelde. Dit kan maklik uitgeken word aan sy W-patroon wat deur vyf helder sterre gevorm word.

Ruimtevoorwerpe[wysig]

Die son sou naby aan Cassiopeia gelê het as ’n mens dit van Alpha Centauri af kon sien.

Cassiopeia bevat twee sterre wat met die blote oog sigbaar is. Hulle is van die helderste sterre in die Melkweg: Rho Cassiopeiae en V509 Cassiopeiae, albei van die baie skaars tipe geel hiperreuse. Eta Cassiopeiae is ’n nabygeleë dubbelster wat uit ’n sonagtige geel dwerg en ’n oranje dwerg bestaan.

Binne die W-patroon van die sterrebeeld lê Cassiopeia A. Dit is die oorblyfsel van ’n supernova wat sowat 300 jaar gelede plaasgevind het (soos nou van die Aarde af gesien 10 000 ligjare ver).[1] Dit is die sterkste radiobron wat buite ons sonnestelsel waargeneem kan word.

Messier 52 (NGC 7654) en Messier 103 (NGC 581) is twee oop sterreswerms in Cassiopeia. Hulle het albei ’n helderheid van 7 mag en kan maklik met verkykers gesien word.

As ’n mens ons son van ons naaste ster, Alpha Centauri, af kon sien, sou die son ’n geel-wit ster met ’n helderheid van 0,5 mag gewees het. Die bekende W-patroon sou ’n sagsag-patroon gewees het met die son op die linkerkantse punt, die naaste aan Epsilon Cassiopeiae.

Mitologie[wysig]

Die sterrebeeld is genoem na koningin Cassiopeia in die Griekse mitologie. Sy was die vrou van Cepheus, koning van Aithiopië, en die ma van prinses Andromeda. Die drie is naby mekaar tussen die sterre geplaas. Cassiopeia is daar gesit omdat sy gespog het Andromeda is mooier as die Nereïdes.

Verwysings[wysig]

  1. (2006) 300 Astronomical Objects: A Visual Reference to the Universe, 1ste, Buffalo, New York: Firefly Books. ISBN 978-1-55407-175-3. Besoek op 29 April 2012. 

Eksterne skakels[wysig]


Die 88 moderne sterrebeelde

AgterdekAkkedisAltaarAndromedaArendBeeldhouerBekerBerenice se HareBoogskutterBulCassiopeiaCepheusDolfynDraakDriehoekDuifEenhoringEridanusFeniksGraveerstifGroot BeerGroot HondHaasHerculesHorlosieIndiërJaghondeJagterKameelperdKameleonKielKlein BeerKlein HondKlein LeeuKoetsierKompasKraaiKraanvoëlKreefNetLeeuLierLugpompMaagdMikroskoopNoordelike KroonNoordelike WaterslangOktantOondParadysvoëlPasserPerseusPouPylRamRooikatSeileSekstantSentourSkerpioenSkildSkilderSlangSlangdraerSteenbokSuidelike DriehoekSuidelike KroonSuidelike VisSuidelike WaterslangSuiderkruisSwaanSwaardvisTafelTeleskoopToekanTweelingVeewagterVisseVlieënde PerdVlieënde VisVliegVosVulWalvisWaterdraerWeegskaalWinkelhaakWolf