Cheetahs (Superrugbyspan)
| Cheetahs | |||
 |
|||
| Unie | Suid-Afrikaanse Rugbyunie | ||
| Bynaam(e) | Cheetahs | ||
| Stigting | 2005 | ||
| Ligging | Bloemfontein, Vrystaat | ||
| Streek | Vrystaat en Noord-Kaap |
||
| Stadion | Vrystaatstadion Hoffepark Noordwes-stadion |
||
| Kapasiteit | 48,000 en 18,000 | ||
| Afrigter | Naka Drotské | ||
| Kaptein | Adriaan Strauss | ||
| Liga | Superrugby | ||
| 2011 | 11de | ||
        Spankleure
|
 Alt. kleure
|
||
| Amptelike webwerf | |||
| www.vodacomcheetahs.co.za | |||
| Unie webwerf | |||
| www.sarugby.co.za | |||
Die Cheetahs (weens borgskapredes bekend as die Toyota Cheetahs), is ’n Suid-Afrikaanse rugbyunie wat as ’n konsessie aan die Super 14 deelneem sedert 2006. Die konsessie sluit die Vrystaat en die Noord-Kaap in. In terme van Curriebekerunies kom die Cheetahs spelers van die Vrystaat Cheetahs, Noord-Vrystaat Griffons en die Griekwas af. Hulle tuiswedstryde word gespeel op Vodacompark in Bloemfontein en Hoffepark en Kimberley. Die huidige kaptein van die span is Adriaan Strauss.
Die Cheetahs was een van die twee nuwe konsessies wat in 2006 tot die uitgebreide Super 14-kompetisie toegetree het; die ander was die Western Force. Die Sentrale Unie is in April 2005 ten koste van die SOK-unie die konsessie toegeken. In hul eerste seisoen het die Cheetahs verbasend goed gevaar toe hulle tiende uit 14 geëindig het. Voordat die Cheetahs tot Superrugby aanvaar is in 2006 het die spelers as deel van die Cats-konsessie op die veld gedraf. Daarmee saam het die Vrystaatse Curriebekerspan in 1997, voordat Suid-Afrika konsessies toegeken het, aan die Super 12 kompetisie deelgeneem.[1]
Inhoud |
[wysig] Kleure
Die primêre kleure van die Sentrale Cheetahs is ’n wit trui met ’n oranje kraag met ’n turkoois en pers motief teen die kant van die trui. Die kleure verteenwoordig die drie Curriebekerunies wat deel uitmaak van die konsessie; oranje en wit (Vrystaat Cheetahs), turkoois (Griekwas) en pers (Noord-Vrystaat Griffons).
Die alternatiewe trui is in essensie dieselfde behalwe dat die primêre kleur oranje is. Die klere word deur Gilbert vervaardig en die primêre borg van die konsessie is Vodacom.
[wysig] Geskiedenis
Voor Suid-Afrika se toetrede tot die toenmalige Super 12, het die plaaslike Curriebekerspanne aan die kompetisie deelgeneem. Die Vrystaat Cheetahs, een van die spanne wat die teenswoordige Sentrale Cheetahs opmaak, het in 1997 aan een Super 12 seisoen deelgeneem.[1] Die Vrystaat het in 11 wedstryde gespeel waarvan hulle 5 gewen en 6 verloor het. Aan die einde van die seisoen was hulle 7de op die punteleër.
Voorstelle van die Sentrale Unie-konsessie en die SOK (Suidelike en Oostelike Kaap)-konsessie is bestudeer vir die toekenning van ’n vyfde Super 14 span lisensie. Die Sentrale Unie het aan SARU beklemtoon dat die streek tweede na die Westelike Provinsie was in terme van aantal Springbokke gelewer. Die Sentrale Unie het ook genoem dat hulle ’n stewige en stabiele ondersteuningsbasis het wat sou kon voldoen aan die finansiële en administratiewe verantwoordelikhede en vereistes van ’n Super 14-rugbyspan.[2]
In die helfte van April 2005 het die Suid-Afrikaanse Rugbyunie aangekondig dat die Sentrale Unie-konsessie die vyfde Suid-Afrikaanse span sou wees vir die uitgebreide Super 14-kompetisie wat in 2006 sou afskop. Hulle is ten koste van die Suidelike en Oostelike Kaap (sien Southern Spears die konsessie toegeken. In die voorseisoen van die nuwe Super 14-kompetisie het die Cheetahs teen die twee ander nuwe konsessies gespeel; die Australiese Western Force en die ander Suid-Afrikaanse span, die Southern Spears. Die Cheetahs was die sterkste van die drie spanne en het die Spears met 48 - 0 vermors en het die Western Force in Perth oortuigend geklop met 29 - 19.
Die Cheetahs het hul eerste wedstryd gespeel op 10 Februarie 2006 en het getoon dat hulle gereed is vir die kompetisie, maar was nie goed genoeg om die Bulls van Pretoria te klop nie. Hulle het met 18 - 30 in hul eerste amptelike wedstryd verloor. In die tweede week van die kompetisie het die Cheetahs hul eerste Super 14-wedstryd gewen toe hulle die Sharks in ’n opwindende wedstryd met een punt (27 - 26) gewen het. Teen die vierde ronde van die 2006 seisoen het die Cheetahs teen die punteleiers, die Hurricanes te staan gekom. Die Cheetahs het, tot die verrassing van baie mense, die Hurricanes geklop en so hul eerste tuiswedstryd gewen en bewys dat hulle in die kompetisie behoort. Die Cheetahs het 2006 afgesluit met ’n tiende plek uit 14 spanne.
Die Sentrale Cheetahs het die 2007 Super 14-seisoen op ’n hoë noot afgeskop toe hulle die Stormers met 27 - 9 in Bloemfontein geklop het. Die res van die seisoen het hulle nog drie wedstryde gewen. Hulle het die seisoen afgesluit met ’n 11de plek op die punteleër. In 2008 kon die Cheetahs slegs een wedstryd wen (teen die Reds maar het dertiende geëindig omdat hulle so baie bonuspunte gehad het (9 in totaal). In die 2009 Super 14-seisoen het dit egter nog slegter gegaan toe die Cheetahs heel laaste geëindig het op die punteleër. Een ligpunt was dat hulle daarin kon slaag om die Sharks, wat op daardie stadium tweede op die punteleër was,[3] met 31 - 9 te klop. Twee weke later het die Cheetahs die verdedigende kampioene, die Crusaders met 20 - 13 geklop.[4]
[wysig] Stadion
Die tuisveld van die Cheetahs is Vodacompark, voorheen bekend as die Vrystaatstadion, in Bloemfontein. Die stadion het sitplek vir 48,000 toeskouers nadat dit in 2009 opgegradeer is vir die 2010 FIFA Wêreldbeker. Die stadion is die tuiste van rugby in die Vrystaat en is ook die tuiste van die Vrystaat Cheetahs, ’n Curriebekerspan wat baie speler aan die konsessie lewer. Wedstryde word ook op Hoffepark in Kimberley gespeel. Dit is die tuiste van die Griekwaland-Wes Rugbyunie.
’n Vol stadion (met 37,383 toeskouers) het die eerste amptelike wedstryd van die Cheetahs in die Super 14 teen die Bulls op 10 Februarie 2006 aanskou.
[wysig] Seisoenbepalings
[wysig] Super 14
Die volgende tabel som die Cheetahs se Super 14-uitslae en een Super 12-uitslag op:[5]
-
Seisoen Pos Gespeel Gewen Gelyk Verloor Punte vir Punte teen +/- BP Pte Notas 1997[1] 7de 11 5 0 6 301 327 -26 5 25 As Vrystaat 2006 10de 13 5 0 8 272 367 -95 7 27 2007 11de 13 4 1 8 265 342 -77 4 22 2008 13de 13 1 0 12 255 428 -173 9 13 2009 14de 13 2 0 11 213 341 -128 4 12 2010 10de 13 5 1 7 315 393 -78 4 26
[wysig] SupeRugby
Die volgende tabel som die Cheetahs se Superrugby-uitslae op:
-
Seisoen Pos Gespeel Gewen Gelyk Verloor Punte vir Punte teen +/- BP1 Pte Notas 2011 11de 16 5 0 11 435 437 -2 12 40
1 Punte toegeken vir ’n loslootjie is nie hierby ingereken nie.
[wysig] Huidige span
Cheetahs 2012 Superrugbyspan
|
Stutte Hakers Slotte |
Losvoorspelers
Skrumskakels Losskakels |
Senters Vleuels Heelagters |
[wysig] Afrigter
- Rassie Erasmus (2006 - 2007)
- Naka Drotske (2008 - huidig)
[wysig] Kapteins
- Juan Smith (2006 - huidig)
- Adriaan Strauss (2010 - huidig)
[wysig] Verwysings
- ^ 1,0 1,1 1,2 (en) "Central Cheetahs". CRFU. URL besoek op 2 February 2007.
- ^ (en) "TashiTagg". Who Will Get The Fifth Franchise?. URL besoek op 19 February 2006.
- ^ (en) "super14.com". Bonus point Cheetahs smash Sharks. URL besoek op 3 Maart 2010.
- ^ (en) "super14.com". Cheetahs bash Crusaders in Bloemfontein. URL besoek op 3 Maart 2010.
- ^ (en) "Superrugby spanbesonderhede (Cheetahs)". Lassen Creative Technologies Ltd. URL besoek op 2010-03-16.
[wysig] Eksternale skakels
- (en) Amptelike webblad
- (en) Official Website van die Griekwaland-Wes Rugbyunie
- (en) Data and Statistics by itsrugby.co.uk
- (en) Cheetahs by RugbyHeaven.com
- (en) Cheetahs by Super14.com
|
|||||||||||||||||||||||
