Heinrich Brüssow

in Wikipedia, die vrye ensiklopedie
Spring na: navigasie, soek
Heinrich Brüssow Sportportaal
Heinrich Brussow 2011.jpg
Volle naam Heinrich Wilhelm Brüssow
Geboortedatum 21 Julie 1986 (1986-07-21) (27 jaar oud)
Geboorteplek Bloemfontein, Suid-Afrika
Lengte 1.81m[1]
Rugbyloopbaan
Posisie(s) Flank
Provinsiale/Staatspanne Wedst (pte)
2006-huidig Vrystaat Cheetahs 50 (90)
korrek op 23 Junie 2013.
Super Rugby    
2007-huidig Cheetahs 65 (30)
korrek op 23 Junie 2013.
Nasionale span(ne)    
2008-huidig Vlag van Suid-Afrika Suid-Afrika 20 (5)
korrek op 23 Junie 2013.
Ander Inligting
Beroep Professionele rugbyspeler
Skool Grey-kollege
Universiteit Universiteit van die Vrystaat

Heinrich Wilhelm Brüssow (gebore 21 Julie 1986 in Bloemfontein, Suid-Afrika) is 'n Suid-Afrikaanse rugbyspeler. Hy speel vir die Vrystaat Cheetahs in die Curriebeker en die Cheetahs in die Superrugbykompetisie. Sy gereelde posisie is buiteflank.

Brüssow was op Grey-kollege in Bloemfontein waar hy vir die eerste span gespeel het. Hy is later ook vir die onder-18 Vrystaat Cravenweekspan gekies.

In 2008 het hy beïndruk deur as die beste buiteflank in die Super 14 en Curriebekerreeks te presteer. Dit besorg hom die voorreg om vir die Springbokke vir die November-toer na Brittanje opgeroep te word. Ongelukkig het hy net die laaste 4 minute in die laaste toets van die toer teen Engeland gespeel.

In 2009 het Brüssow sy ongelooflike vorm behou as die voorste flank in die Super 14-kompetisie. Dit was ongelukkig nie genoeg vir die Springbok-keurders nie, wat hom nie vir die Springbokspan gekies het nie. Hy het vir die Vrystaat Cheetahs teen die Britse en Ierse Leeus span gespeel en bewys dat sy uitsluiting 'n fout was. Die sprokie het voortgeduur toe hy uiteindelik vir Schalk Burger, wat nie betyds kon herstel van 'n besering nie, vervang het vir die eerste toets teen die Britse en Ierse Leeus. [2] [3]

Sedertdien het sy spelpeil bly verbeter. Hy word as die "Speler-van-die-wedstryd" aangewys na die Springbokke se oorwinning teen die All Blacks op 25 Julie 2009. [4]

Spanne[wysig]

  • 2008
    • Springbok lente toer span
    • Vodacom Vrystaat Cheetahs (ABSA Curriebeker Premierliga)
    • Cheetahs (Vodacom Super 14)
  • 2007
    • Vodacom Vrystaat Cheetahs (Vodacombeker)
    • Vodacom Vrystaat Cheetahs (ABSA Curriebeker Premierliga)
    • Cheetahs (Vodacom Super 14)
  • 2006
    • Vodacom Vrystaat Cheetahs (ABSA Curriebeker Premierliga)
    • Vodacom Vrystaat Cheetahs (Vodacombeker)
  • 2005
    • Vrystaat (SA O/19)

Invloedryke Wedstryde[wysig]

  • 2009
    • 20 Junie 2009: Suid-Afrika t. Britse en Ierse Leeus I: Heinrich Brüssow vervang die beseerde Schalk Burger voor die aanvang van die wedstryd. Sy balsteel en herstelvaardighede blyk te veel te wees vir die Britse en Ierse Leeus. Nadat hy vervang word in die tweede helfte het die Leeus begin terugveg, maar nie genoeg vermag om die wedstryd te wen nie. Hy druk 'n drie na 'n losgemaal.
    • 27 Junie 2009: Suid-Afrika t. Britse en Ierse Leeus II: Heinrich Brüssow het in die 62ste minuut opgekom en belangrike omgekeerde besit bewerkstellig wat die 28-25 oorwinning vir die Suid-Afrikaners help behaal.
    • 25 Julie 2009: Suid-Afrika t. All Blacks I: Alhoewel geteiken deur die verdediging, het Heinrich Brüssow daarin geslaag om beter te speel as Richie McCaw, wat beskou word as die beste buite-flank in die wêreld. Hy het weer belangrike omgekeerde besit bewerkstellig asook duikslae uitgevoer. Hy word as "Speler-van-die-wedstryd" aangewys.
    • 1 Augustus 2009: Suid-Afrika t. All Blacks II: Met voortgesette bou op sy reputasie het Heinrich Brüssow weer beter as die All Black-kaptein Richie McCaw by die afbreek gespeel. Hy het weer heelwat omgekeerde besit bewerkstellig, duike en kragtige lopies uitgevoer.

Toekennings[wysig]

  • 2009 [5]
    • SA Rugby Jong Speler van die Jaar
    • Provincial Player of the Castle SA 2009 Lions Series
    • {Genomineerde} SA Speler van die Jaar
  • 2008
    • {Genomineerde} Sasol Jong Speler van die Jaar
    • {Genomineerde} ABSA Curriebeker Premierliga Speler van die Jaar

Verwysings[wysig]

Eksterne skakels[wysig]