Lindley

in Wikipedia, die vrye ensiklopedie
Spring na: navigasie, soek
Lindley
Ligging van Lindley op 'n kaart (Vrystaat)
Lindley
Lindley
Koördinate: 27°52′0″S 27°55′0″O
Land Vlag van Suid-Afrika Suid-Afrika
Provinsie Vrystaat
Distriksmunisipaliteit Thabo Mofutsanyan
Plaaslike Munisipaliteit Nketoana
Stigting 1875
Proklamasie 1878
Vernoem na Daniel Lindley
Tydsone SAST (UTC+2)

Lindley is 'n dorp in die Oos-Vrystaat, Suid-Afrika. Die dorp val onder beheer van die Nketoana Plaaslike Munisipaliteit.

Geskiedenis[wysig]

Foto van eerw. Daniel Lindley.

Die dorp is vernoem na ‘n Amerikaanse Presbiteriaanse sendeling, Daniel Lindley (1801-1880). Daniel Lindley het ‘n leraar vir die Voortrekkers geword na die moord op Piet Retief en sy gevolg in 1838. Lindley is gestig in 1875 op die plaas Brandhoek en geproklameer as ‘n dorp in 1878. Die landmeter was Charles Pritchard van Bloemfontein en hy het oorspronklik 300 erwe uitgemeet. Vyf strate is na die stigters van die dorp vernoem: Rautenbach, Van den Heever, Sarel Cilliers, Hattingh en De Wet. In 1885 het die eienaars die dorp geskenk aan die NG kerk. Ses jaar later het die NG kerk die bestuur van die dorp aan 'n munisipaliteit oorgedra.

Tweede Vryheidsoorlog[wysig]

Daar het verskeie veldslae in die omgewing plaasgevind tydens die Tweede Vryheidsoorlog. Op 2 Februarie 1902 het die Britse Leër die dorp verwoes. Na die oorlog is dit herbou. Een van die inwoners, John Collister-Oats, het 'n veldtog van stapel gestuur om duisende bome te plant.

Distrik[wysig]

Die distrik is 2 833 km2 groot. Van die belangrikste gewasse wat verbou word is mielies, koring, aartappels, suiwel en beeste. Daar is ook 'n aanleg vir poeiermelk by die dorp. Daar is ook 'n oord langs die Valsrivier ontwikkel met 'n meer wat 5 km lank is. Sowat 5 km buite die dorp, op die Kroonstad pad, is daar 'n gedenkteken vir die Britse offisiere van die Imperial Yeomanry wat in gevegte in Mei 1900 daar gesneuwel het.

Bekende persone gebore vanaf Lindley[wysig]

Foto van Danie Craven.
  • Danie Craven (1910-1993), Springbokrugbyspeler, -kaptein en afrigter.
  • Stella Blakemore (1906–1991), 'n populêre Afrikaanse jeurskrywer, wat reekse soos Maasdorp en Keurboslaan geskryf het.

Sien ook[wysig]

Bronne[wysig]