Brandfort

in Wikipedia, die vrye ensiklopedie
Spring na: navigasie, soek
Brandfort
Ligging van Brandfort op 'n kaart (Vrystaat)
Brandfort
Brandfort
Koördinate: 28°42′0″S 26°28′0″O Koördinate: 28°42′0″S 26°28′0″O
Land Vlag van Suid-Afrika Suid-Afrika
Provinsie Vrystaat
Distriksmunisipaliteit Lejweleputswa
Plaaslike Munisipaliteit Masilonyana
Tydsone SAST (UTC+2)
Poskode 9400

Brandfort is 'n klein dorp in die middel van die Vrystaat, in Suid-Afrika, naby Bloemfontein, Winburg, Theunissen en Bultfontein

Geskiedenis[wysig | wysig bron]

Die dorp is gestig op die plaas Keerom wat vir die eerste keer in 1838 deur Jacobus van Zijl, 'n Voortrekker van Prins Albert beset is. In 1866 het hy die NG kerk genader om 'n dorp op sy plaas uit te lê. Die eerste woonerwe is op 30 Oktober 1866 verkoop. Die dorp is eers in 1874 geproklameer en het munisipale status in 1884 gekry.

Distrik[wysig | wysig bron]

Die distrik is 3 660 km2 groot. Gemengde boerdery word beoefen en daar is verkeie stoeterye vir merino's, Afrikanerbeeste, Bonsmara's en varke in die omgewing. Daar is ook 'n paar kilometer buite die dorp 'n groot hoenderplaas; Môreson. In die Weste is daar ook 'n aantal panne. Brandfort spog ook met 'n uitstekende skool gestig in 1906. Vroeër jare was dit 'n volkskool, maar het gegroei tot skool wat baie kinders lok uit omliggende distrikte soos Bultfontein, Winburg, Theunissen en selfs die naby gelee hoofstad van die Vrystaat; Bloemfontein . Om die dorp is daar ook verskeie wildsplase naamlik Amanzi wildreservaat, Stone Safari's reservaat asook Grasslands estate na die Weste van die dorp. Grasslands is naby die Esbach koppe gelee en hulle gebruik die koppe as natuurlike landmerk in die logo van hul Estate. Na die Suid-ooste groet Keerom berg jou en is die grootste berg in die area. Aan die voet van Keerom lê die plaas van oudpresident CR Swart wat as staatspresident gedien het van 1961 tot 1967. Dié plaas se naam is De Aap. Hy was 'n groot figuur in die gemeenskap en die plaaslike skool is na hom vernoem.

Tweede Vryheidsoorlog[wysig | wysig bron]

Die Slag van Brandfort het op 25 Maart 1900 hier plaasgevind. Daar was ook 'n konsentrasiekamp by Brandfort genaamd Dwyersdorp so genoem omrede 'n Ier, kaptein Dwyer baie simpatie met die vroue en kinders gehad het. Van hulle het 1 550 egter gesterf.

Sien ook[wysig | wysig bron]

Bronne[wysig | wysig bron]