Die Rugbykampioenskap

Die Rugbykampioenskap
2025-Rugbykampioenskapreeks
Kenteken van die Rugbykampioenskap
Sportsoort	Rugby
Gestig	1996 (as Drienasies) 2012 (as die Rugbykampioenskap)
Eienaar	SANZAAR
Inwydingseisoen	1996 (Drienasiesreeks) 2012 (Die Rugbykampioenskapreeks)
Deelnemende lande	Argentinië Australië Nieu-Seeland Suid-Afrika
Aantal spanne	4
Mees onlangse kampioen	Suid-Afrika (2025)
Verwante kompetisies	Bledisloebeker Mandela Uitdaagplaat Poematrofee Vryheidsbeker

Die Rugbykampioenskap (voorheen bekend as die Drienasiesreeks) is ’n internasionale rugbykompetisie wat jaarliks in die Suidelike Halfrond gespeel word tussen die nasionale rugbyspanne van Argentinië, Australië, Nieu-Seeland en Suid-Afrika, onderskeidelik die Poemas, Wallabies, All Blacks en Springbokke genoem. Die kompetisie word georganiseer deur SANZAAR, ’n konsortium wat gestig is deur die Australiese, Nieu-Seelandse en Suid-Afrikaanse Rugbyunies; wat nou ook die Argentyne betrek. Die huidige kampioen is Suid-Afrika wat die 2025-toernooi gewen het.

Die Rugbykampioenskap is die opvolger van die Drienasiesreeks (1996–2011, 2020). In die media word na die wenner van die Rugbykampioenskap soms nieamptelik as die Suidelike Halfrond-kampioen verwys. As deel van Die Rugbykampioenskap word om die Mandela Uitdaagplaat, Bledisloebeker, Vryheidsbeker en Poematrofee meegeding. Nieu-Seeland hou met 20 titels die rekord vir die meeste toernooititels. Hulle kon die ou Drienasiesreeks tien keer wen, gevolg deur Suid-Afrika met vier en Australië met drie titels. Sedert die Rugbykampioenskap in 2012 ’n aanvang geneem het, het slegs Argentinië nog nie die toernooi gewen nie.

Ten spyte van die groot tydsverskil tussen die lande (7,5 ure tussen Nieu-Seeland en Suid-Afrika, en 5,5 ure tussen Argentinië en Suid-Afrika) is daar groot belangstelling onder al die ondersteuners wat die wedstryde op televisie volg wanneer hul spanne oorsee speel. Australië, Nieu-Seeland en Suid-Afrika behoort tot die beste rugbylande wêreldwyd: Suid-Afrika het die rugbywêreldbekertoernooi vier keer gewen, gevolg deur Nieu-Seeland met drie titels en Australië met twee. Volgens Wêreldrugby se ranglys is Argentinië, Australië, Nieu-Seeland en Suid-Afrika die vier beste spanne van die Suidelike Halfrond.

Geskiedenis

Voorbereiding vir die Nieu-Seelandse haka voor die laaste Drienasieswedstryd in 2005 teen Australië in Edenparkstadion, Auckland

’n Suid-Afrikaanse lynstaan teen Nieu-Seeland in 2006, Wellington

Die All Blacks se Losgemaal teen die Springbokke tydens die Drienasiereeks in 2011

’n Nieu-Seelandse lynstaan teen Australië in 2017, Sydney

Wedstryd tussen Nieu-Seeland en Argentinië in 2024

’n Soortgelyke kampioenskap soos die Noordelike Halfrond se hedendaagse Sesnasies-toernooi – en sy voorgangers – het in die Suidelike Halfrond nie bestaan nie; slegs Australië en Nieu-Seeland het elke jaar die Bledisloebeker uitgespeel. Met die einde van Apartheid in Suid-Afrika is dié land weer tot internasionale sport toegelaat. Die amptelike verklaring van die professionalisering van rugby in Augustus 1995 het die konsep vir die Drienasiesreeks moontlik gemaak. Tydens die Rugbywêreldbeker 1995 in Suid-Afrika is onderhandelings tussen Australië, Nieu-Seeland en Suid-Afrika se rugbyunies gevoer en SANZAR, die voorganger van die hedendaagse SANZAAR, gestig. Die eerste toernooi is uiteindelik in 1996 gehou en deur Nieu-Seeland gewen. In 2012 het Argentinië by die toernooireeks aangesluit, wat sedertdien as Die Rugbykampioenskap bekend staan. In 2020 het die toernooi kortliks na die ou Drienasies teruggekeer, nadat die Suid-Afrikaanse Rugbyunie weens die wêreldwye Covid-19-pandemie besluit het om die Springbokke aan dié toernooi te onttrek.

Uitslae

Algeheel

Drienasieswenners

Jaar	Wenner	Speel	Wen	Gelykop	Verloor	Punte vir	Punte   teen	Punte- verskil	Bonus- punte	Liga- punte
1996	Nieu-Seeland	4	4	0	0	119	60	+59	1	17
1997	Nieu-Seeland	4	4	0	0	159	109	+50	2	18
1998	Suid-Afrika	4	4	0	0	80	54	+26	1	17
1999	Nieu-Seeland	4	3	0	1	103	61	+42	0	12
2000	Australië	4	3	0	1	104	86	+18	2	14
2001	Australië	4	2	1	1	81	75	+6	1	11
2002	Nieu-Seeland	4	3	0	1	97	65	+32	3	15
2003	Nieu-Seeland	4	4	0	0	142	65	+77	2	18
2004	Suid-Afrika	4	2	0	2	110	98	+12	3	11
2005	Nieu-Seeland	4	3	0	1	111	86	+25	3	15
2006	Nieu-Seeland	6	5	0	1	179	112	+67	3	23
2007	Nieu-Seeland	4	3	0	1	100	59	+41	1	13
2008	Nieu-Seeland	6	4	0	2	152	106	+46	3	19
2009	Suid-Afrika	6	5	0	1	158	130	+28	1	21
2010	Nieu-Seeland	6	6	0	0	184	111	+73	3	27
2011	Australië	4	3	0	1	92	79	+13	1	13
2020	Nieu-Seeland	4	2	0	2	118	54	+64	3	11

Rugbykampioenskapwenners

Jaar	Wenner	Speel	Wen	Gelyk	Verloor	Punte vir	Punte teen	Punteverskil	Bonus- punte	Ligapunte
2012	Nieu-Seeland	6	6	0	0	177	66	+111	2	26
2013	Nieu-Seeland	6	6	0	0	202	115	+87	4	28
2014	Nieu-Seeland	6	4	1	1	164	91	+73	4	22
2015	Australië	3	3	0	0	85	48	+37	1	13
2016	Nieu-Seeland	6	6	0	0	262	84	+178	6	30
2017	Nieu-Seeland	6	6	0	0	246	119	+127	4	28
2018	Nieu-Seeland	6	5	0	1	225	132	+93	5	25
2019	Suid-Afrika	3	2	1	0	97	46	+51	2	12
2021	Nieu-Seeland	6	5	0	1	218	104	+114	5	25
2022	Nieu-Seeland	6	4	0	2	195	128	+67	3	19
2023	Nieu-Seeland	3	3	0	0	114	39	+75	2	14
2024	Suid-Afrika	6	5	0	1	188	94	+94	4	24
2025	Suid-Afrika	6	4	0	2	208	151	+57	3	19

Drienasies (1996–2011, 2020)

Jaar	Kampioen	Bledisloebeker	Mandela Uitdaagplaat	Vryheidsbeker	Poematrofee	Houtlepel
1996	Nieu-Seeland		Nie uitgespeel nie	Nie uitgespeel nie	Nie uitgespeel nie	Australië
1997	Nieu-Seeland					Australië
1998	Suid-Afrika	Australië				Nieu-Seeland
1999	Nieu-Seeland	Australië				Suid-Afrika
2000	Australië					Suid-Afrika
2001	Australië					Suid-Afrika
2002	Nieu-Seeland	Australië	Suid-Afrika			Suid-Afrika
2003	Nieu-Seeland		Nie uitgespeel nie			Suid-Afrika
2004	Suid-Afrika	Nieu-Seeland		Suid-Afrika		Nieu-Seeland
2005	Nieu-Seeland			Nie uitgespeel nie		Australië
2006	Nieu-Seeland		Australië	Nieu-Seeland		Suid-Afrika
2007	Nieu-Seeland		Australië	Nieu-Seeland		Suid-Afrika
2008	Nieu-Seeland		Australië	Nieu-Seeland		Suid-Afrika
2009	Suid-Afrika	Nieu-Seeland	Suid-Afrika	Suid-Afrika		Australië
2010	Nieu-Seeland		Australië	Nieu-Seeland		Suid-Afrika
2011	Australië	Nieu-Seeland	Australië	Nieu-Seeland		Suid-Afrika
2020	Nieu-Seeland		Nie uitgespeel nie		Australië	Australië

Die Rugbykampioenskap (2012–tans)

Year	Kampioen	Bledisloebeker	Mandela Uitdaagplaat	Vryheidsbeker	Poematrofee	Houtlepel
2012	Nieu-Seeland		Australië	Nieu-Seeland	Australië	Argentinië
2013	Nieu-Seeland		Suid-Afrika	Nieu-Seeland	Australië	Argentinië
2014	Nieu-Seeland		Suid-Afrika	Nieu-Seeland	Australië	Argentinië
2015	Australië	Nieu-Seeland	Australië	Nieu-Seeland	Argentinië	Suid-Afrika
2016	Nieu-Seeland		Australië	Nieu-Seeland	Australië	Argentinië
2017	Nieu-Seeland		Australië	Nieu-Seeland	Australië	Argentinië
2018	Nieu-Seeland		Australië	Nieu-Seeland	Australië	Argentinië
2019	Suid-Afrika	Nieu-Seeland	Suid-Afrika	Nieu-Seeland	Australië	Argentinië
2021	Nieu-Seeland		Australië	Nieu-Seeland	Australië	Argentinië
2022	Nieu-Seeland		Australië	Nieu-Seeland	Australië	Argentinië
2023	Nieu-Seeland		Suid-Afrika	Nieu-Seeland	Argentinië	Australië
2024	Suid-Afrika		Suid-Afrika	Suid-Afrika	Argentinië	Australië
2025	Suid-Afrika		Suid-Afrika	Suid-Afrika	Argentinië	Argentinië

Algehele punteleer

Drienasies

Nasie	Wedstryde				Punte			Bonus- punte	Tabel- punte	Kampioen- skappe
	gespeel	gewen	gelykop	verloor	vir	teen	verskil
Nieu-Seeland	76	52	0	24	2054	1449	+605	35	243	11
Australië	76	30	3	43	1591	1817	–226	34	160	3
Suid-Afrika	72	28	1	43	1480	1831	–351	24	138	3
Argentinië	4	1	2	1	56	84	–28	0	8	0

Bron: espnscrum.com(besoek op 8 Oktober 2018, statistiek dus op datum.)

Die Rugbykampioenskap

Nasie	Wedstryde				Punte			Bonus- punte	Tabel- punte	Kampioen- skappe
	gespeel	gewen	gelykop	verloor	vir	teen	verskil
Nieu-Seeland	69	55	2	12	2313	1348	+965	43	268	9
Suid-Afrika	69	37	4	28	1845	1534	+311	33	185	3
Australië	69	28	3	38	1563	1900	–337	17	142	1
Argentinië	69	14	1	54	1358	2277	–919	16	70	0

Bygewerk op 7 Oktober 2025
Bron: espnscrum.com (besoek op 7 Oktober 2025)

Meeste punte en drieë

Die volgende afdeling bevat rekords van punte en drieë wat aangeteken is in die Drienasiesreeks/Die Rugbykampioenskap (alle tye).

Voorste puntemakers

Rang	Speler	Land	Punte
01	Dan Carter	Nieu-Seeland	554
02	Morné Steyn	Suid-Afrika	390
03	Beauden Barrett	Nieu-Seeland	354
04	Nicolás Sánchez	Argentinië	344
05	Andrew Mehrtens	Nieu-Seeland	328
06	Handré Pollard	Suid-Afrika	303
07	Matt Burke	Australië	271
08	Matt Giteau	Australië	266
09	Bernard Foley	Australië	249
10	Percy Montgomery	Suid-Afrika	210

Opgedateer: 7 Oktober 2025
Bron: Itsrugby.

Voorste driedrukkers

Rang	Speler	Land	Drieë
1	Bryan Habana	Suid-Afrika	21
2	Rieko Ioane	Nieu-Seeland	8
	Ben Smith	Nieu-Seeland
	Beauden Barrett	Nieu-Seeland
5	Richie McCaw	Nieu-Seeland	17
	Christian Cullen	Nieu-Seeland
	Malcolm Marx	Suid-Afrika
8	Joe Rokocoko	Nieu-Seeland	15
9	Adam Ashley-Cooper	Australië	14
	Israel Folau	Australië
	Will Jordan	Nieu-Seeland

Opgedateer: 7 Oktober 2025
Bron: Itsrugby

Sien ook

• Europese Rugbykampioenskap, ’n soortgelyke kompetisie tussen vlak-twee- en drie-rugbyspanne in Europa
• Sesnasies-toernooi, ’n soortgelyke kompetisie tussen die ses sterkste nasionale rugbyspanne van die Noordelike Halfrond
• Stille Oseaan-nasiesbeker, ’n soortgelyke kompetisie tussen vlak-twee-rugbyspanne in Oseanië

Eksterne skakels

• (en) Amptelike webwerf by super.rugby
• (en) Die Rugbykampioenskap by espn.co.uk