2021-Rugbykampioenskapreeks

in Wikipedia, die vrye ensiklopedie
2021-Rugbykampioenskap
Datums 14 Augustus - 2 Oktober
Kampioen Vlag van Nieu-Seeland Nieu-Seeland (18 titels)
Wedstryde gespeel 12
Drieë gedruk 63 (5.25 per wedstryd)
Bywoning 273 692 (22 808 per wedstryd)
Meeste punte Vlag van Suid-Afrika Handré Pollard (66)
Meeste drieë Vlag van Australië Andrew Kellaway (7)
2019
2022

Die 2021-Rugbykampioenskap was die negende jaarlikse rugbytoernooi tussen die nasionale spanne van Argentinië, Australië, Suid-Afrika en Nieu-Seeland. Die kompetisie word bedryf deur SANZAAR, ’n gesamentlike onderneming van die vier lande se nasionale rugbyunies. Die spanne is onderskeidelik die Pumas, Springbokke, Wallabies en die All Blacks. Suid-Afrika het weer by die toernooi aangesluit ná ’n jaar uit in 2020 weens reisbeperkings van die Suid-Afrikaanse regering en kommer oor spelerswelsyn en veiligheid wat met die wêreldwye Covid-19-pandemie verband hou.[1] Die toernooi het teruggekeer na sy normale vensterperiode van Augustus, wat op 14 Augustus afgeskop en op 2 Oktober geëindig het.

Nieu-Seeland het die toernooi vir die 18de keer gewen. Buitendien het hulle die Bledisloebeker ingepalm en die Vryheidsbeker gewen, terwyl Australië met die Mandela Uitdaagplaat en die Poematrofee weggestap het.

Formaat[wysig | wysig bron]

Die formaat vir die 2021-toernooi was soortgelyk aan dié van vorige jare. Elke span het ’n totaal van ses wedstryde elk gespeel, en twaalf in totaal. Met ’n wen het ’n span vier punte verdien, gelykop twee ligapunte, en ’n verloor met agt of meer punte nul ligapunte. ’n Bonuspunt kon verdien word op een van twee maniere: deur ten minste drie drieë meer as die teenstander in ’n wedstryd te druk, of deur met sewe punte of minder te verloor. Die kompetisie se wenner was die span met die meeste ligapunte aan die einde van die toernooi.[2]

Reisverbod[wysig | wysig bron]

Met voortgesette reisbeperkings wat verband gehou het met die Covid-19-pandemie, is die grootste deel van die toernooi in Australië en Nieu-Seeland aangebied, met Suid-Afrika wat ook twee wedstryde aangebied het – hul twee wedstryde teen Argentinië in die eerste twee rondtes.[3]

Op 24 Augustus is aangekondig dat alle wedstryde in Rondtes 3–6 in Queensland, Australië, aangebied sou word.[4] Dit het gekom nadat COVID-beperkings in Nieu-Seeland beteken het dat Suid-Afrika nie na Nieu-Seeland kon reis nie. Weens die onsekerheid oor die oorspronklike skedule vir die Kampioenskap, het die All Blacks ook hul reis na Australië vir hul rondte 2-kragmeting in Perth vertraag.[5]

Nuwe rugbyreëlproewe[wysig | wysig bron]

Die 2021-Rugbykampioenskap was die eerste internasionale rugbykompetisie wat die nuwe wêreldwye rugbyreëlproewe ingesluit het, wat ontwerp is om die prioriteitsmissie van kopimpakvermindering en potensiële welsynsverbetering oor die hele wedstryd te ondersteun.[6] Sommige van die reëlaanpassings is voorheen op Superrugbyvlak in Australië en Nieu-Seeland getoets; die doellyn-inskop en die 50:22, terwyl die ander nuut is om te help om beseringsrisiko by afbreekplekke te verminder. Daarbenewens, buiten Wêreldrugby se wêreldreëlproewe, het 2021 se Rugbykampioenskap ook 'n rooikaart van 20 minute op die proef gestel, iets wat reeds in Australië en Nieu-Seeland se onderskeie Superrugby-toernooie gebruik is.[7]

Die kampioenskap is deur Nieu-Seeland gewen ná sy oorwinning met 19–17 teen Suid-Afrika op 25 September.[8][9]

Telkaart[wysig | wysig bron]

Nasie Wedstryde Punte Bonuspunte Ligapunte
Speel Wen Gelyk Verloor Vir Teen Verskil
1 Vlag van Nieu-Seeland Nieu-Seeland 6 5 0 1 218 104 +114 5 25
2 Vlag van Australië Australië 6 4 0 2 160 163 –3 2 18
3 Vlag van Suid-Afrika Suid-Afrika 6 3 0 3 152 128 +24 3 15
4 Vlag van Argentinië Argentinië 6 0 0 6 60 195 –135 0 0

Wedstryddatums[wysig | wysig bron]

Datum Datum
Week 1 14 Augustus Week 4 18 September
Week 2 21 Augustus
5 September
Week 5 25 September
Week 3 12 September Week 6 2 Oktober

Week 1[wysig | wysig bron]

Week 2[wysig | wysig bron]

Week 3[wysig | wysig bron]

Week 4[wysig | wysig bron]

Week 5[wysig | wysig bron]

Week 6[wysig | wysig bron]


Rugbykampioenskapreekskampioen 2021
Vlag van Nieu-Seeland Nieu-Seeland

Statistiek[wysig | wysig bron]

Meeste punte en drieë[wysig | wysig bron]

Meeste punte aangeteken:
Naam Punte
1 Vlag van Suid-Afrika Handré Pollard 66
2 Vlag van Nieu-Seeland Jordie Barrett 53
3 Vlag van Australië Quade Cooper 47
4 Vlag van Australië Andrew Kellaway 35
5 Vlag van Suid-Afrika Elton Jantjies 26
Meeste drieë gedruk:
Naam Drieë
1 Vlag van Australië Andrew Kellaway 7
2 Vlag van Nieu-Seeland David Havili 3
Vlag van Nieu-Seeland Will Jordan
Vlag van Suid-Afrika Malcolm Marx
Vlag van Nieu-Seeland Sevu Reece

Verwysings[wysig | wysig bron]

  1. (en) "SANZAAR confirm 2020 Tri-Nations Series to kick-off 31 October". Rugby Australia. 16 Oktober 2020. Besoek op 20 Augustus 2022.
  2. (en) "SANZAR – About The Rugby Championship". SANZAAR. Geargiveer vanaf die oorspronklike op 2 Oktober 2018. Besoek op 14 September 2017.
  3. (en) "Feast of rugby for All Blacks fans as Rugby Championship unveiled". All Blacks. 21 Mei 2021. Besoek op 20 Augustus 2022.
  4. (en) Nathan Williamson (24 Augustus 2021). "SANZAAR confirm schedule for Rugby Championship". Rugby Australia. Besoek op 20 Augustus 2022.
  5. (en) "All Blacks and Black Ferns home Tests cancelled; NZR pauses All Blacks Perth travel". All Blacks. 20 Augustus 2021. Besoek op 20 Augustus 2022.
  6. (en) "Welfare-focused rugby law trials to be implemented globally". Wêreldrugby. 13 Julie 2021. Besoek op 20 Augustus 2022.
  7. (en) Nathan Williamson (11 Augustus 2021). "20-minute red card confirmed as part of law trials for Rugby Championship". Rugby Australia. Besoek op 20 Augustus 2022.
  8. (en) "Rugby Championship – New Zealand 19-17 South Africa: All Blacks seal title with late penalty". BBC. 25 September 2021. Besoek op 20 Augustus 2022.
  9. (en) "All Blacks edge Springboks to win Rugby Championship". Raidió Teilifís Éireann. 25 September 2021. Besoek op 19 Augustus 2022.

Eksterne skakels[wysig | wysig bron]