Percy Montgomery

in Wikipedia, die vrye ensiklopedie
Percy Montgomery Rugbyportaal
Volle naam Percival Colin Montgomery
Geboortedatum 15 Maart 1974 (1974-03-15) (50 jaar oud)
Geboorteplek Walvisbaai, Namibië
Lengte 1,82 m
Massa 84,4 kg
Skool South African College Schools
Universiteit Kaapse Technikon
Beroep Beroepsrugbyspeler
Rugbyloopbaan
Loopbaan as speler
Posisie(s) Heelagter, senter, losskakel
Springbokno. 651
Professionele / senior klubs
Jare Klub / span Weds (pte)
2002–2005
2003–2005
2007–2008
2001–2008
Newport
Dragons
Perpignan
Barbarians
17
38
14
10
(207)
(251)
(95)
(41)
korrek soos op 22 Mei 2013.
Provinsiale- / Staatspanne
Jare Klub / span Weds (pte)
1996–2002
2005–2007
Westelike Provinsie
Natal Haaie
64
4
(341)
(42)
korrek soos op 22 Mei 2013.
Superrugby/Verenigde Rugbykampioenskap
Jare Klub / span Weds (pte)
1997–2001
2005–2007
2008
Stormers
Sharks
Stormers
52
21
6
(217)
(213)
(0)
korrek soos op 22 Mei 2013.
Nasionale span(ne)
Jare Land Weds (pte)
1997–2008 Vlag van Suid-Afrika Suid-Afrika 102 (893)
korrek soos op 22 Mei 2013.

Percival Colin "Percy" Montgomery OIS (gebore 15 Maart 1974 in Walvisbaai, Suid-Afrika, nou deel van Namibië) is 'n rugbyspeler wat as heelagter vir die Springbokke gespeel het, asook van 2005 tot 2007 in die Curriebeker vir die Natal Haaie en vir die Sharks in die Super 14.

Percy Montgomery op Murrayfield teen Skotland
Percy Montgomery op pad om 'n drie te druk vir die Springbokke teen Samoa by die Rugbywêreldbeker 2007

Hy het vir die Westelike Provinsie en Stormers gespeel voor hy in 2002 na Wallis verhuis het. Daar het hy by Newport RFC en in 2003 by die Newport Gwent Dragons aangesluit ná die herorganisering van Walliese rugby op 'n streeksgrondslag. Ná die 2004–2005 Noordelike Halfrond-seisoen het hy na Suid-Afrika terugkeer om weer in sy geboorteland rugby te speel.

Montgomery het vir die eerste keer in 1997 vir die Springbokke uitgedraf en teen 2001 het hy reeds in 50 toetswedstryde vir Suid-Afrika gespeel. Sy Springbokloopbaan is egter deur sy skuif na Wallis onderbreek aangesien spelers op daardie stadium slegs vir die Springbokke kon speel as hulle in Suid-Afrika gebaseer was. Ná 'n verandering in beleid is hy in 2004 deur die nuwe afrigter Jake White teruggeroep in 'n jaar waarin hy in 11 toetswedstryde gespeel het en 'n belangrike rol gespeel het in die Bokke se herstel ná die insinking van die tydperk wat dit voorafgegaan het. Hy was een van die hoofpuntebehalers in die Drie-Nasies Reeks in 2004 en 2005, en hy hou tans die rekord vir die Springbok wat die meeste punte in sy loopbaan behaal het. Op 17 Junie 2006 het hy in 'n wedstryd teen Skotland die eerste Springbok geword wat 600 punte in sy toetsloopbaan aangeteken het, en op 9 Junie 2007 het hy die prestasiekerf van 700 punte verbygesteek in 'n wedstryd teen Manu Samoa.

Montgomery se 797 toetspunte na die Bokke se 2007 Rugbywêreldbekerwedstryd in Poel A teen Manu Samoa gee hom op daardie stadium meer as twee keer soveel punte as die speler wat die tweede meeste punte vir die Springbokke aangeteken het, Naas Botha (wat egter in slegs 28 toetse gespeel het teenoor Montgomery se 88, aangesien Botha tydens Suid-Afrika se era van sport-isolasie gespeel het). Hy het Joost van der Westhuizen se rekord as die speler wat die meeste kere vir die Springbokke gespeel het geëwenaar toe hy vir die Bokke uitdraf het teen Engeland op 14 September 2007, en 'n nuwe rekord opstel op 22 September teen Tonga. Hy sluit uiteindelik in 2008 sy spelerloopbaan af met 'n rekord van 893 punte in 102 toetse.

Op 13 Mei 2003, terwyl Montgomery vir Newport gespeel het, is hy afgestuur nadat hy 'n lynregter platgestamp het. Hy is later swaar beboet en vir twee jaar verban vir die oortreding van "aanval op 'n wedstrydamptenaar".[1] Hy kon gevolglik nie deelneem aan die 2003 Rugbywêreldbeker nie en het aan die begin van Desember na Wallis teruggekeer om verder daar te speel.[2]

Montgomery het Wallis in 2006 verlaat om as heelagter vir die Sharks te speel in die Super 14.

Percy Montgomery het later 'n kontrak met die Franse Top 14 klub USA Perpignan geteken om in die 2007–2008 seisoen vir die klub te speel na die Wêreldbeker.

Verwysings[wysig | wysig bron]

  1. Wyn Griffiths: "Rugby Union: Montgomery suspended for pushing touch judge." The Independent, Londen, 4 Junie 2003.
  2. "Montgomery Returns." Geargiveer 15 Oktober 2007 op Wayback Machine European Rugby Cup webblad, 5 Desember 2003.

Eksterne skakels[wysig | wysig bron]