James Webb-ruimteteleskoop

in Wikipedia, die vrye ensiklopedie
Jump to navigation Jump to search
Kenteken van die JWRT
’n Kunstenaarsvoorstelling van die JWRT

Die James Webb-ruimteteleskoop (JWRT) is ’n beplande ruimtesterrewag wat volgens plan in 2021 gelanseer sal word. Dit sal ’n resolusie en sensitiwiteit sonder presedent hê van langgolflengte-sigbarelig tot middelinfrarooi, en sal die Hubble- en die Spitzer-ruimteteleskoop vervang. Die teleskoop het ’n gesegmenteerde primêre spieël van 6,5 meter en sal naby die Aarde-Son-L2-punt geleë wees.

Werking en mikpunte[wysig | wysig bron]

Die JWRT sal die vermoë hê om ’n wye spektrum van sterrekunde- en kosmologie-ondersoeke te doen.[1] Een van sy mikpunte is die bestudering van verafgeleë voorwerpe in die heelal, verder as waartoe huidige grond- en ruimtegebaseerde instrumente in staat is. Dit sluit in die heel eerste sterre, die epog van reïonisasie en die vorming van die eerste sterrestelsels. Nog ’n mikpunt is om die formasie van sterre en planete te verstaan. Dit sluit in foto's neem van molekulêre wolke en stervormende sterreswerms, die bestudering van die rommelskywe om sterre, die afneem van eksoplanete en die spektroskopiese ondersoek van planete wat voor sterre verbybeweeg.

Beplanning het reeds in 1996 begin,[2] en 17 lande werk saam daaraan.[3] Die projek staan onder leiding van Nasa, met groot bydraes deur die Kanadese- en Europese Ruimteagentskap. Dit is genoem na James E. Webb, die tweede administrateur van Nasa, wat ’n groot rol gespeel het in die Apollo-program.[4]

Die projek het reeds talle vertragings en kostestygings beleef en is in 2005 grootliks herontwerp. In Desember 2016 het Nasa aangekondig die bouwerk is voltooi en dat 'n uitgebreide toetsfase sal begin.[5][6] In Maart 2018 het Nasa die lansering van die teleskoop met 'n jaar uitgestel weens tegniese probleme.[7] Op 27 Junie 2018 is dit weer uitgestel. Dit sal nou waarskynlik op 30 Maart 2021 gelanseer word.[8]

Deelnemende lande[wysig | wysig bron]

Verwysings[wysig | wysig bron]

  1. John Mather (2006). "JWST Science". 
  2. "ESA JWST Timeline". Besoek op 13 Januarie 2012. 
  3. "NASA – JWST – people". Besoek op 13 Januarie 2012. 
  4. During, John. "The James Webb Space Telescope". The James Webb Space Telescope. Nasa. Besoek op 2011-12-31. 
  5. "James Webb Space Telescope observatory is assembled". Space Daily. 29 Desember 2016. Besoek op 3 Februarie 2017. 
  6. Foust, Jeff (23 Desember 2016). "No damage to JWST after vibration test anomaly". Space News. Besoek op 3 Februarie 2017. 
  7. Overbye, Dennis (27 Maart 2018). "NASA's Webb Telescope Faces More Setbacks". The New York Times. Besoek op 5 April 2018. 
  8. "NASA Completes Webb Telescope Review, Commits to Launch in Early 2021". NASA. 27 Junie 2018. Besoek op 27 Junie 2018. 

Eksterne skakels[wysig | wysig bron]