Jaque Fourie

Jaque Fourie
	Jaque Fourie in 2007 teen Samoa
Volle naam	Jaque Fourie
Geboortedatum	4 Maart 1983 (42 jaar oud)
Geboorteplek	Carletonville, Suid-Afrika
Lengte	1,90 m
Massa	105 kg
Skool	Hoërskool Monument
Universiteit	Randse Afrikaanse Universiteit
Beroep	Professionele Rugbyspeler
Rugbyloopbaan
Loopbaan as speler
Posisie(s)	Senter, Vleuel, Heelagter
Springbokno.	752
Professionele / senior klubs
korrek soos op 6 November 2013.
Provinsiale- / Staatspanne
korrek soos op 25 November 2013.
Superrugby/Verenigde Rugbykampioenskap
korrek soos op 25 November 2013.
Nasionale span(ne)
korrek soos op 25 November 2013.

Jaque Fourie (gebore in Carletonville, 4 Maart 1983) is 'n Suid-Afrikaanse rugbyspeler wat vir die Springbokke, Stormers, die Leeus (Super 14) en die Goue Leeus (Curriebeker) gespeel het. Fourie was deel van Suid-Afrika se Rugbywêreldbeker 2003-span en ook van die span wat die Rugbywêreldbeker in 2007 gewen het. Daarna het hy ook tydens die Rugbywêreldbeker 2011 uitgedraf. Op professionele vlak het hy vir die Kobelco Steelers in die Japannese Top League gespeel. Op 27 November 2014 het hy sy uittrede uit internasionale rugby aangekondig.

Loopbaan

Fourie het sy internasionale debuut op 11 Oktober tydens die Rugbywêreldbeker 2003 as senter vir die Springbokke teen Uruguay op Subiaco Ovaal in Perth gemaak en 'n drie tydens sy debuut gedruk. Hy het tydens die groepfase ook teen Georgië gespeel en nog 'n drie gedruk. Hy was 'n reserwe vir daaropvolgende wêreldbekerwedstryde teen Samoa en Nieu-Seeland.

Hy het volgende in Junie 2004 vir die Springbokke op linkervleuel gespeel teen Ierland wat Suid-Afrika met 26–17 gewen het. Hy het daardie jaar nog drie keer vir die Springbokke uitgedraf: in November teen Engeland op Twickenham en Skotland op Murrayfield, asook in 'n wedstryd teen Argentinië op die Estadio José Amalfitani in Buenos Aires.

Die volgende jaar het hy in die IRB Rugby Hulpwedstryd gespeel en was in Junie 'n reserwespeler vir die Springbokke teen Uruguay en Frankryk, voordat hy in die Springbokspan vir die 2005-Drienasiesreeks ingesluit is. Hy het in daardie November in nog drie toetswedstryde gespeel. In 2006 het hy vir die Springbokke tydens die midjaarrugbytoetsreeks gespeel en daarna het hy die eerste keuse buitesenter in die span geword, gewoonlik saam met Jean de Villiers as binnesenter.

Op 20 Oktober 2007 het hy 'n Rugbywêreldbekerwennersmedalje ingepalm toe Suid-Afrika Engeland met 15–6 in die Rugbywêreldbeker 2007-eindstryd in Parys geklop het.

Nadat hy 'n groot deel van 2008 en die 2009-reeks teen die Britse en Ierse Leeus van die bank af gespeel het, was hy terug in die beginspan vir die 2009-Drienasiesreeks-veldtog wat Suid-Afrika beklink het. Op 5 September 2009 het hy in sy 50ste toetswedstryd vir Suid-Afrika gespeel in 'n 6–21-nederlaag teen Australië in Brisbane.

In Maart 2010 is 'n drie wat Fourie gedruk het aangewys as die Internasionale Rugbyspelersvereniging se Drie van die Jaar 2009. Die drie, wat in die 74ste minuut van die tweede toets teen die Britse en Ierse Leeus in Pretoria in Junie gedruk is, het aan die Springbokke 'n dramatiese reeksoorwinning besorg.^[1]

In Maart 2017 is Fourie aangewys as deel van 'n nuwe Western Force-span wat herbenoem is om in die nuwe Wêreldreeks Rugby te speel in die aanloop tot die Nasionale Rugbykampioenskap.^[2]

Internasionale drieë

Drie	Opponent	Stad	Stadion	Toernooi	Datum	Uitslag
1	Uruguay	Perth, Australië	Subiaco Ovaal	Rugbywêreldbeker	11 Oktober 2003	Gewen
2	Georgië	Sydney, Australië	Sydney Voetbalstadion	Rugbywêreldbeker	24 Oktober 2003	Gewen
3	Samoa	Brisbane, Australië	Langpark	Rugbywêreldbeker	1 November 2003	Gewen
4	Ierland	Kaapstad, Suid-Afrika	Nuweland	Toetswedstryd	19 Junie 2004	Gewen
5	Skotland	Edinburg, Skotland	Murrayfield	Toetswedstryd	27 November 2004	Gewen
6	Uruguay	Oos-Londen, Suid-Afrika	Buffalo City-stadion	Toetswedstryd	11 Junie 2005	Gewen
7	Australië	Johannesburg, Suid-Afrika	Ellispark	Mandela Uitdaagplaat	23 Julie 2005	Gewen
8	Nieu-Seeland	Dunedin, Nieu-Seeland	Carisbrook	Drienasiesreeks	27 Augustus 2005	Verloor
9	Argentinië	Buenos Aires, Argentinië	José Amalfitani-stadion	Test Match	5 November 2005	Gewen
10	Frankryk	Parys, Frankryk	Stade de France	Toetswedstryd	26 November 2005	Verloor
11	Australië	Sydney, Australië	Stadium Australia	Drienasiesreeks	5 Augustus 2006	Verloor
12	Nieu-Seeland	Pretoria, Suid-Afrika	Loftus Versfeld	Drienasiesreeks	26 Augustus 2006	Verloor
13	Nieu-Seeland	Pretoria, Suid-Afrika	Loftus Versfeld	Drienasiesreeks	26 Augustus 2006	Verloor
14	Australië	Kaapstad, Suid-Afrika	Nuweland	Drienasiesreeks	16 Junie 2007	Gewen
15	Namibië	Kaapstad, Suid-Afrika	Nuweland	Toetswedstryd	15 Augustus 2007	Gewen
16	Skotland	Edinburg, Skotland	Murrayfield	Toetswedstryd	25 Augustus 2007	Gewen
17	Samoa	Parys, Frankryk	Parc des Princes	Rugbywêreldbeker	9 September 2007	Gewen
18	Verenigde State	Montpellier, Frankryk	Stade de la Mosson	Rugbywêreldbeker	30 September 2007	Gewen
19	Verenigde State	Montpellier, Frankryk	Stade de la Mosson	Rugbywêreldbeker	30 September 2007	Gewen
20	Fidji	Marseille, Frankryk	Stade Vélodrome	Rugbywêreldbeker	7 Oktober 2007	Gewen
21	Wallis	Cardiff, Wallis	Millennium	Toetswedstryd	24 November 2007	Gewen
22	Wallis	Cardiff, Wallis	Millennium	Toetswedstryd	24 November 2007	Gewen
23	Skotland	Edinburg, Skotland	Murrayfield	Toetswedstryd	15 November 2008	Gewen
24	Engeland	Londen, Engeland	Twickenham	Toetswedstryd	22 November 2008	Gewen
25	Britse en Ierse Leeus	Pretoria, Suid-Afrika	Loftus Versfeld	Britse en Ierse Leeus-toer	27 Junie 2009	Gewen
26	Nieu-Seeland	Bloemfontein, Suid-Afrika	Vrystaatstadion	Drienasiesreeks	25 Julie 2009	Gewen
27	Australië	Perth, Australië	Subiaco Ovaal	Drienasiesreeks	29 Augustus 2009	Gewen
28	Italië	Udine, Italië	Stadio Friuli	Toetswedstryd	21 November 2009	Gewen
29	Australië	Brisbane, Australië	Langpark	Drienasiesreeks	24 Julie 2010	Verloor
30	Australië	Bloemfontein, Suid-Afrika	Vrystaatstadion	Drienasiesreeks	4 September 2010	Verloor
31	Fidji	Wellington, Nieu-Seeland	Westpacstadion	Rugbywêreldbeker	17 September 2011	Gewen
32	Namibië	North Shore City, Nieu-Seeland	North Harbour-stadion	Rugbywêreldbeker	22 September 2011	Gewen