Schalk Burger

in Wikipedia, die vrye ensiklopedie
Spring na: navigasie, soek
Schalk Burger Sportportaal
Schalk Burger.jpg
Teen Samoa in 2007.
Volle naam Schalk Willem Petrus Burger
Geboortedatum 13 April 1983 (1983-04-13) (31 jaar oud)
Geboorteplek Port Elizabeth, Suid-Afrika
Lengte 1,93 m
Gewig 110 kg
Bynaam Schalla
Rugbyloopbaan
Posisie(s) Flank
Agsteman
Provinsiale/Staatspanne Wedst (pte)
2004- Westelike Provinsie 32 (35)
korrek op 30 November 2012.
Super Rugby    
2004- Stormers 88 ((40))
korrek op 30 November 2012.
Nasionale span(ne)    
2003-huidig Vlag van Suid-Afrika Suid-Afrika 68 (65)
korrek op 30 November 2012.
Ander Inligting
Beroep Professionele Rugbyspeler
Skool Paarl Gimnasium
Vername familie Schalk Burger sr.

Schalk ("Schalla") Burger Jr. (gebore 13 April 1983 in Port Elizabeth) is 'n Suid-Afrikaanse rugbyspeler wat in die flankposisie speel.

Sy vader, ook genaamd Schalk Burger, was 'n internasionale slot wat in die 1980's vir Suid-Afrika gespeel het. Burger het in die Paarl Gimnasium gegaan waar hy suksesvol aan baie sportsoorte deelgeneem het wat krieket ingesluit het. Selfs sy vader het verwag dat hy eerder 'n krieketloopbaan sou volg as wat hy vir die Springbokke sou speel.

Nadat hy vir die Onder-21 Springbokspan gespeel het wat die O21 Rugby Wêreldbeker in 2002 gewen het en in 2003 kaptein van die span was, is hy vir die Springbokspan gekies. Hy het sy debuut gemaak teen Georgië in 2003 by die Rugby Wêreldbeker en het sedertdien homself bewys as een van die beste flanke ter wêreld met goeie vertoning in die Super 12, Drie-Nasies en Curriebeker. Burger speel vir die Stormers en Westelike Provinsie.

Burger is merkwaardig fiks, hy word selde gerus tydens die Stormers se Super 12/14 veldtogte, Suid-Afrikaanse toets wedstryde of die Curriebeker. Hy speel 'n groot rol onder die voorspelers en word selde voor die eindfluitjie blaas vervang. Hy sukkel wel met geelkaarte en strafskoppe wat van tyd tot tyd teen hom toegeken word.

In 2004 is Burger gekies as 'n lid van 'n nuwe Springbokspan onder die nuwe afrigter Jake White wat voortgegaan het om die Drie-nasies vir die eerste keer sedert Nick Mallett se span dit in 1998 reggekry het te wen. Hy is ook vereer met die Internasionale Rugbyraad se Speler van die Jaartoekenning in 2004 en die 2004 Absa SA Rugbyspeler van die jaartoekenning.

Na 'n middelmatige 2006 Super 14 seisoen waarin Burger net nou en dan oomblike van briljantheid vertoon het sou hy weer in sy gunsteling nommer 6 posisie vir die Springbokke speel in die Drie-Nasies reeks teen Australië en Nieu-Seeland. Hy het egter 'n nekbesering opgedoen in 'n toets teen Skotland en moes vir die besering geopereer word.[1] Die besering en operasie was so ernstig dat White die media meegedeel het dat daar 'n moontlikheid was dat Burger nie weer rugby sou speel nie.[2][2] Op die dag van die operasie het die Suid-Afrikaanse Rugbyraad 'n verklaring uitgereik waarin hulle gesê het dat die operasie suksesvol was en dat Burger ses tot agt maande sou nodig hê om te herstel voor hy weer kon rugby speel.[3]

Burger het na die Stormers teruggekeer op 13 Januarie 2007 waar hy 55 minute lank gespeel het in 'n wedstryd wat die Stormers teen die Bulls verloor het. Na 'n swakkerige begin het Burger die Stormers gehelp om hulle eerste Super 14 oorwinning teen die Chiefs in 'n taai 21–16 oorwinning op Nuweland.

Hy is gekies vir die Springbokke se 2007 Rugby Wêreldbekerspan. Hy word verbind met 'n moontlike skuif na Harlequins in die Engelse Premierskap na die toernooi.[4] In die Springbokke se eerste wedstryd in die 2007 Wêreldbeker teen Samoa is Burger aangekla van 'n hoogvat op Junior Polu, en op 11 September is hy vir vier wedstryde geskors wat hom uit die span sou hou tot teen die halfeindstryd. Die skorsing is egter op appel verkort na twee wedstryde.[5]

Verwysings[wysig]

  1. "Burger blow for the Springboks", Planet-Rugby.com, 19 June 2006.
  2. 2,0 2,1 "Fears for injured Burger's career", BBC, 19 June 2006.
  3. "Schalk Burger jnr operation successful", South African Rugby Union, 24 June 2006.
  4. Cain, Nick, "Player exodus threatens world order", The Sunday Times, 2007-04-29. URL besoek op 2007-04-30.
  5. "Banned Burger out of England game." BBC News online, Wednesday, 12 September 2007, 05:35 GMT.

Eksterne skakels[wysig]