Juan Smith

in Wikipedia, die vrye ensiklopedie
Spring na: navigasie, soek
Juan Smith Sportportaal
Juan Smith.jpg
Volle naam Juanne Hugo Smith
Geboortedatum 30 Julie 1980 (1980-07-30) (37 jaar oud)
Geboorteplek Bloemfontein (Suid-Afrika)
Lengte 1,96 m
Gewig 110 kg
Skool Hoërskool JBM Hertzog
Universiteit Universiteit van die Vrystaat
Beroep Professionele rugbyspeler
Rugbyloopbaan
Loopbaan as speler
Posisie(s) Flank, agsteman
Springbokno. 746
Amateurspanne
Jare Klub / span Weds (pte)
2003 Shimlas
Provinsiale- / Staatspanne
Jare Klub / span Weds (pte)
2002-2011 Vrystaat Cheetahs 18 (20)
korrek soos op 23 Mei 2013.
Superrugby
Jare Klub / span Weds (pte)
2002-2005
2006-2011
Cats
Cheetahs
31
47
55)
(35
korrek soos op 23 Mei 2013.
Nasionale span(ne)
Jare Land Weds (pte)
2003-2010 Vlag van Suid-Afrika Suid-Afrika 69 (60)
korrek soos op 30 Oktober 2012.

Juan Smith (* 30 Julie 1981 in Bloemfontein, Suid-Afrika) is ’n oud-Springbokrugbyspeler. Sy normale posisie is toekantflank. Hy het vir die Cheetahs in die internasionale Super 14 kompetisie en vir die Vrystaat Cheetahs in die Curriebeker gespeel. Hy was die vorige kaptein van die Cheetahs.

Springbok loopbaan[wysig | wysig bron]

Smith het sy internasionale debuut vir Suid-Afrika op 7 Junie 2003 gemaak toe hy ’n reserwe was in die 29-25 oorwinning oor Skotland in Kings Park in Durban, hy is ook gekies vir die Springbokke se tweede wedstryd teen Skotland die volgende week. Hy het daarna as agsteman gespeel tydens die 2003-Drienasiesreeks teen Australië en die All Blacks.

Hy is ingesluit in die Springbokke se 2003 Rugbywêreldbekerspan. Hy het daar in vier wedstryde gespeel en ’n drie gedruk teen Manu Samoa. Alhoewel hy in 2004 net een toets vir Suid-Afrika gespeel het - teen Wallis in die Millennium-stadion in Cardiff gedurende November, het hy die volgende jaar tien toetse vir die Springbokke gespeel.

Hy was ’n reserwe in wedstryde teen Uruguay en Frankryk, voor hy weer in die kernspan as flank gekies is vir die 2005 Drienasiesreeks. Die Vrystaat Cheetahs het tot die 2005 Curriebeker eindstryd gevorder waar hulle die Blou Bulle geklop het om die kampioenskap te wen. Hy het daarna in die 20-16 nederlaag teen Frankryk op die Stade de France in Parys gespeel.

Cheetah loopbaan[wysig | wysig bron]

Die Cheetahs is tot die Super 14-toernooi toegelaat vanaf die 2006 seisoen. Smith was kaptein van die span wat verbasend goed gevaar het vir ’n nuwe span. Hulle het bo die ander nuwe span, Western Force, sowel as drie van die ander Super 14 spanne geëindig. Smith het in die 2006 middel-van-die-jaar-toetsoorwinning oor Skotland gespeel sowel as in die nederlaag teen Frankryk in Suid-Afrika. Hy is daarna ook vir die Springbokke se 2006 Drienasiesspan gekies.

In 2010 het Smith hom op die laaste nippertjie van die Cheetahs se Super 14-wedstryd teen die Reds onttrek nadat sy pa ernstig siek geword het.[1] Die Cheetahs het daarna na Australasië vertrek maar sonder Smith. Hulle het teen die Waratahs verloor waarna Smith Australië toe gevlieg het. Kort voor die Cheetahs se wedstryd teen die Brumbies het Smith verneem dat sy pa oorlede is aan hartversaking nadat hy opgeneem is met slenkdalkoors.[2] Smith het na Suid-Afrika teruggekeer om die begrafnis by te woon.

Besering[wysig | wysig bron]

Op 25 Februarie 2011 het Smith sy haksening in ’n Superrugbywedstryd teen die Bulls in Bloemfontein beseer.[3] Hy het daarna die Rugbywêreldbeker 2011-toernooi misgeloop.[3]

Op 3 April 2012 het Smith in ’n eksklusiewe onderhoud met die koerant Volksblad gesê, dat hy besluit het om weens sy hakseningbesering vir ’n onbepaalde tydperk ’n ruskans te neem.[3] Smith was uiters teleurgesteld dat sy besering hom so lank van die veld hou en ná vier operasies nie so spoedig herstel het soos wat hy aanvanklik gehoop het nie. “Die regte ding om nou te doen is om my besering genoegsame tyd te gun om 100% te herstel,” het hy gesê.[3]

Op 11 Februarie 2013 kondig Smith sy amptelike uittrede uit rugby aan weens sy hakseningbesering.[4] Vroeg in September 2013 is egter aangekondig dat Smith ’n eenjaarkontrak met die Franse klubspan Toulon onderteken het nadat hy ’n rits mediese toetse ondergaan het om onder andere sy fiksheid te toets.[5]

Verwysings[wysig | wysig bron]

  1. "Reds buit lakwerk uit" (html). beeld.com. Verkry op 11 April 2010. 
  2. "Slenkdal eis al 7 mense; 104 gevalle is bevestig" (html). beeld.com. Verkry op 11 April 2010. 
  3. 3,0 3,1 3,2 3,3 "Pletterslag vir Juan en Bokke" (html). www.volksblad.com. Verkry op 9 April 2012. 
  4. Cronjé, Hendrik (12 Februarie 2013). "Juan klaar met rugby" (html). Beeld. Verkry op 24 Februarie 2013. 
  5. "Smith slaag toetse, pak tasse vir Toulon" (html). Sport24. 2 September 2013. Verkry op 2 September 2013. 

Eksterne skakels[wysig | wysig bron]


Springbokrugbyspelers (2007 Rugbywêreldbeker)

John Smit (Kaptein) - Bakkies Botha - BJ Botha - Gary Botha - Schalk Burger - Jean de Villiers - Bismarck du Plessis - Jannie du Plessis - Fourie du Preez - Os du Randt - Jaque Fourie - Bryan Habana - Butch James - Ricky Januarie - Wayne Julies - Victor Matfield - Percy Montgomery - Johann Muller - Akona Ndungane - Wynand Olivier - Ruan Pienaar - JP Pietersen - André Pretorius - Danie Rossouw - Bobby Skinstad - Juan Smith - Gurthrö Steenkamp - François Steyn - Albert van den Berg - CJ van der Linde - Wikus van Heerden - Ashwin Willemse


Springbokrugbyspelers (2010)

Voorspelers: Willem Alberts - Bakkies Botha - Keegan Daniel - Bismarck du Plessis - Jannie du Plessis - Ryan Kankowski - Victor Matfield (kaptein) - Tendai Mtawarira - Chiliboy Ralepelle - Juan Smith - Deon Stegmann - Pierre Spies - Adriaan Strauss - CJ van der Linde - Flip van der Merwe
Agterspelers: Gio Aplon - Bjorn Basson - Jean de Villiers - Bryan Habana - Francois Hougaard - Adrian Jacobs - Zane Kirchner - Patrick Lambie - Lwazi Mvovo - Wynand Olivier - Ruan Pienaar - François Steyn - Morné Steyn