Krieketwêreldbeker 1979

in Wikipedia, die vrye ensiklopedie
Krieketwêreldbeker 1979

Kenteken van die Krieketwêreldbeker 1979
Datums 9 Junie – 23 Junie
Bestuurder Internasionale Krieketkonferensie (IKK)
Krieketformaat Internasionale eendagkrieket (EDI)
Toernooiformaat Groep- en uitklopfase
Gashere Vlag van Engeland Engeland
Kampioen Vlag van Wes-Indië Wes-Indië (2de titel)
Naaswenner Vlag van Engeland Engeland
Deelnemers 8 (23 kwalifiseer)
Wedstryde gespeel 15
Bywoning 132 000 (8 800 per wedstryd)
Meeste lopies Vlag van Wes-Indië Gordon Greenidge (253)[1]
Meeste paaltjies Vlag van Engeland Mike Hendrick (10)[2]
1975
1983

Die Krieketwêreldbeker 1979 (Engels: 1979 Cricket World Cup) is van 9 tot 23 Junie 1979 in Engeland beslis. Dit was die tweede krieketwêreldbeker van die vierjaarlikse krieketwêreldkampioenskap in internasionale eendagkrieket (EDI) wat deur die Internasionale Krieketkonferensie (IKK; nou Internasionale Krieketraad, IKR) aangebied word en die tweede in Engeland. Dié land het voorheen die eerste Krieketwêreldbeker 1975 gehuisves.[3] Die Krieketwêreldbeker 1979 is deur die Britse finansiële en versekeringsmaatskappy Prudential plc geborg en staan dus amptelik bekend as die Prudentialbeker 1979.

Die Prudentialbeker vir die krieketwêreldbekertoernooie in 1975, 1979 en 1983

Die toernooi se formaat van 1975 het onveranderd gebly en agt nasionale krieketspanne het aan die Krieketwêreldbeker 1979 deelgeneem: Die destydse ses toetskrieketlande (Australië, Engeland, Indië, Nieu-Seeland, Pakistan en Wes-Indië), saam met die twee kwalifiserende spanne van die IKK-trofee 1979 Kanada en Sri Lanka. Tydens die Krieketwêreldbeker 1979 is 15 wedstryde gespeel, waaronder twaalf tydens die groepfase en drie in die uitklopfase, insluitende die eindstryd. Die spanne is in twee groepe van vier elk verdeel, waarvan elke span een keer teen al die ander spanne in die groep gespeel het. Die twee beste spanne van elke groep het hierna vir die halfeindrondte gekwalifiseer en die wenners het mekaar in die eindstryd ontmoet. Elke wedstryd het uit 60 boulbeurte per span bestaan en is in tradisionele wit klere en met rooi balle gespeel; almal is bedags gespeel en het dus vroeg in die oggend begin.[4]

Engeland, Nieu-Seeland, Pakistan en Wes-Indië het vir die halfeindrondte gekwalifiseer. Engeland het Nieu-Seeland en Wes-Indië het Pakistan geklop, voordat die verdedigende kampioen Wes-Indië die eindstryd op Lord’s in Londen teen die gasheer Engeland met 92 lopies gewen en sodoende sy tweede titel ingepalm het. Suid-Afrika kon nie aan die krieketwêreldbeker deelneem nie as gevolg van ’n sportboikot teen dié land weens sy voortgesette apartheidsbeleid. Kanada het vir die eerste keer aan ’n krieketwêreldbekertoernooi deelgeneem, terwyl al die ander spanne vir ’n tweede keer verskyn het.

Toewysing[wysig | wysig bron]

Volgens die IKK het net Engeland aan die nodige vereistes voldoen om die eerste drie krieketwêreldbekertoernooie van 1975, 1979 en 1983 te huisves, vervolgens is Engeland as gasheer vir dié toernooie aangewys.[5][6]

Deelnemers[wysig | wysig bron]

Die volgende agt spanne het vir die Krieketwêreldbeker 1979 gekwalifiseer: Australië, Engeland (gasheer), Indië, Nieu-Seeland, Pakistan en Wes-Indië het as volle lede van die Internasionale Krieketkonferensie met toetskrieketstatus regstreeks vir die Krieketwêreldbeker 1979 gekwalifiseer. Sri Lanka en Kanada was die enigste twee deelnemende spanne sonder toetsstatus en het gekwalifiseer deur die IKK-trofee-eindstryd 1979 te haal.[7] Sri Lanka het sy toetsstatus in 1982 ontvang.[8] Oos-Afrika, wat aan die eerste krieketwêreldbeker deelgeneem het, kon nie vir hierdie krieketwêreldbeker kwalifiseer nie, dus het – vir die enigste keer in die toernooi se geskiedenis – geen Afrikaspan deelgeneem nie.[9][10]

Uitslag van die kwalifisering; altesaam 23 nasies het deelgeneem.

   Gekwalifiseer as ’n volle lid van Internasionale Krieketkonferensie (IKK)

   Gekwalifiseer tydens die IKK-trofee 1979

   Nie gekwalifiseer nie

   Nie deelgeneem nie

Span Kwalifiseringmetode Verskynings by eindstryde Laaste verskyning Vorige beste prestasie Groep
Vlag van Engeland Engeland Gasheer Tweede 1975 Halfeindrondte (1975) A
Vlag van Australië Australië Volle lede Tweede 1975 Naaswenner (1975) A
Vlag van Indië Indië Tweede 1975 Groepfase (1975) B
Vlag van Nieu-Seeland Nieu-Seeland Tweede 1975 Halfeindrondte (1975) B
Vlag van Pakistan Pakistan Tweede 1975 Groepfase (1975) A
Vlag van Wes-Indië Wes-Indië Tweede 1975 Kampioen (1975) B
Vlag van Sri Lanka Sri Lanka IKK-trofee 1979-wenner Tweede 1975 Groepfase (1975) B
Vlag van Kanada Kanada IKK-trofee 1979-naaswenner Eerste Debuut A

Stadions[wysig | wysig bron]

Die tweede krieketwêreldbeker is in Engeland se ses tradisionele toetskrieketstadions gespeel. Altesaam 15 wedstryde is tydens die Krieketwêreldbeker 1979 gespeel, waaronder twee halfeindstryde en die eindstryd.

Londen, Groter Londen
Krieketwêreldbeker 1979 (Engeland)
Londen, Groter Londen
Lord’s The Oval
51°31′45.84″N 0°10′21.72″W / 51.5294000°N 0.1727000°W / 51.5294000; -0.1727000 (Lord’s) 51°29′1″N 0°6′54″W / 51.48361°N 0.11500°W / 51.48361; -0.11500 (The Oval)
Kapasiteit: 30 000 Kapasiteit: 23 500
Birmingham, Wes-Midlands Manchester, Groter Manchester
Edgbaston Old Trafford
52°27′20.93″N 1°54′08.96″W / 52.4558139°N 1.9024889°W / 52.4558139; -1.9024889 (Edgbaston) 53°27′22.85″N 2°17′12.34″W / 53.4563472°N 2.2867611°W / 53.4563472; -2.2867611 (Old Trafford)
Kapasiteit: 21 000 Kapasiteit: 19 000
Nottingham, Nottinghamshire Leeds, Wes-Yorkshire
Trent Bridge Headingley
52°56′12.78″N 1°07′55.78″W / 52.9368833°N 1.1321611°W / 52.9368833; -1.1321611 (Trent Bridge) 53°49′3.58″N 1°34′55.12″W / 53.8176611°N 1.5819778°W / 53.8176611; -1.5819778 (Headingley)
Kapasiteit: 15 350 Kapasiteit: 14 000

Formaat[wysig | wysig bron]

Die Krieketwêreldbeker 1979 is oor 15 dae tussen agt verskillende spanne oor 15 wedstryde beslis. Dit het op 9 Junie 1979 met vier gelyktydige wedstryde begin. Die toernooi het geëindig op Lord’s in Londen op 23 Junie met die eindstryd tussen Wes-Indië en Engeland, waartydens Wes-Indië die Prudentialbeker ingepalm het. Dieselfde formaat is voorheen tydens die Krieketwêreldbeker 1975 ingespan.

Kalender[wysig | wysig bron]

Die volgende tabel dui die Krieketwêreldbeker 1979 se daaglikse program aan. ’n Pers blokkie dui op wedstryde tydens die groepfase, ’n groen blokkie op wedstryde tydens die uitklopfase en ’n geel blokkie op die eindstryd.

Aantal daaglikse wedstryde tydens die toernooi
Groepfase
Junie
Do
9
Vr
10
Sa
11
So
12
Ma
13
Di
14
Wo
15
Do
16
Vr
17
Sa
18
Groep A 2 2 2
Groep B 2 2 1 1
Uitklopfase
Junie
So
19
Ma
20
Di
21
Wo
22
Do
23
Uitklopfase 2 1
Verklaring

   Groepwedstryde

   Uitklopfase

   Eindstryd

Groepe[wysig | wysig bron]

Groep A Groep B

Vlag van Australië Australië
Vlag van Engeland Engeland
Vlag van Kanada Kanada
Vlag van Pakistan Pakistan

Vlag van Indië Indië
Vlag van Nieu-Seeland Nieu-Seeland
Vlag van Sri Lanka Sri Lanka
Vlag van Wes-Indië Wes-Indië

Groepfase[wysig | wysig bron]

Die Krieketwêreldbeker 1979 is deur agt nasionale krieketspanne beslis. Vir die groepfase is die agt deelnemende spanne in twee groepe van vier elk verdeel met dieselfde formaat as wat in 1975 gebruik is; elke span het een wedstryd teen elk van die ander spanne in dieselfde groep gespeel, dus het elke span drie wedstryde in die groepfase gespeel. Vier punte is vir ’n oorwinning toegeken, twee vir ’n gelykop of onbesliste wedstryd en geen punte vir ’n nederlaag: spanne wat met dieselfde aantal punte geëindig het, is volgens lopietempo, dan boultempo en dan die uitslag van die direkte ontmoeting gerangskik. Die twee beste spanne van albei groepe het na die uitklopfase deurgedring.

Uitklopfase[wysig | wysig bron]

Van die begin van dié fase af het die toernooi ’n uitklopformaat aangeneem wat uit drie wedstryde bestaan het: twee halfeindstryde en die eindstryd. Die wenner en naaswenner van elk van die groepe het na die uitklopfase deurgedring. Die groepwenner van albei groepe het teen die naaswenner van die ander groep in die halfeindstryde gespeel. Elke wedstryd in die uitklopstadium moes met ’n oorwinning vir een van die spanne eindig. As daar ná albei kolfbeurte ’n gelykopuitslag was, is die wedstryd die volgende dag herhaal.

Skeidsregters[wysig | wysig bron]

’n Paneel van agt skeidsregters is vir die toernooi ingespan.

Wedstryde[wysig | wysig bron]

Kwalifiseer vir die uitklopfase.
Uit die toernooi geskakel.

Die wedstryde is in twee fases opgedeel, naamlik die groep- en die uitklopfase.

Groepfase[wysig | wysig bron]

Agt spanne het aan die groepfase deelgeneem. Die twee beste spanne in elke groep het na die uitklopfase deurgedring.

Groep A[wysig | wysig bron]

Span Wed Wen Ver Onb LT Pte
Vlag van Engeland Engeland 3 3 0 0 +3.07 12
Vlag van Pakistan Pakistan 3 2 1 0 +3.60 8
Vlag van Australië Australië 3 1 2 0 +3.16 4
Vlag van Kanada Kanada 3 0 3 0 +1.60 0
9 Junie 1979

Telkaart
Vlag van Australië Australië
159/9 (60 boulbeurte)
t
Vlag van Engeland Engeland
160/4 (47.1 boulbeurte)
Andrew Hilditch 47 (108)
Geoffrey Boycott 2/15 (6 boulbeurte)
Graham Gooch 53 (96)
Trevor Laughlin 2/38 (9.1 boulbeurte)
Engeland wen met ses paaltjies
Lord’s, Londen
Skeidsregters: David Constant en Barrie Meyer (Eng)
Speler van die wedstryd: Graham Gooch (Eng)
  • Engeland het die loot gewen en gekies om eerste veldwerk te doen.
9 Junie 1979

Telkaart
Vlag van Kanada Kanada
139/9 (60 boulbeurte)
t
Vlag van Pakistan Pakistan
140/2 (40.1 boulbeurte)
Glenroy Sealy 45 (110)
Sarfraz Nawaz 3/26 (10 boulbeurte)
Sadiq Mohammad 57* (122)
John Valentine 1/18 (9 boulbeurte)
Pakistan wen met agt paaltjies
Headingley, Leeds
Skeidsregters: Dickie Bird en Alan Whitehead (Eng)
Speler van die wedstryd: Sadiq Mohammad (Pak)
13–14 Junie 1979

Telkaart
Vlag van Pakistan Pakistan
286/7 (60 boulbeurte)
t
Vlag van Australië Australië
197 almal uit (57.1 boulbeurte)
Asif Iqbal 61 (57)
Gary Cosier 3/54 (12 boulbeurte)
Andrew Hilditch 72 (129)
Sikander Bakht 3/34 (11 boulbeurte)
Pakistan wen met 89 lopies
Trent Bridge, Nottingham
Skeidsregters: Dickie Bird en Ken Palmer (Eng)
Speler van die wedstryd: Asif Iqbal (Pak)
  • Australië het die loot gewen en gekies om eerste veldwerk te doen.
  • Reserwedag op 14 Junie gebruik; 13 Junie uitgespoel.
  • Jeff Moss en Graeme Porter (albei Aus) het hul EDI-debuut gemaak.
  • Pakistan vorder hiermee tot die uitklopfase.
  • Australië is hiermee uit die toernooi geskakel.
13–14 Junie 1979

Telkaart
Vlag van Kanada Kanada
45 almal uit (40.3 boulbeurte)
t
Vlag van Engeland Engeland
46/2 (13.5 boulbeurte)
Franklyn Dennis 21 (99)
Chris Old 4/8 (10 boulbeurte)
Graham Gooch 21* (31)
Robert Callender 1/14 (6 boulbeurte)
Engeland wen met agt paaltjies
Old Trafford, Manchester
Skeidsregters: John Langridge en Barrie Meyer (Eng)
Speler van die wedstryd: Chris Old (Eng)
  • Kanada het die loot gewen en gekies om eerste te kolf.
  • Reserwedag op 14 Junie gebruik; 13 Junie uitgespoel.
  • Robert Callender (Can) het sy EDI-debuut gemaak.
  • Engeland vorder hiermee tot die uitklopfase.
  • Kanada is hiermee uit die toernooi geskakel.
16 Junie 1979

Telkaart
Vlag van Kanada Kanada
105 almal uit (33.2 boulbeurte)
t
Vlag van Australië Australië
106/3 (26 boulbeurte)
John Vaughan 29 (43)
Alan Hurst 5/21 (10 boulbeurte)
Kim Hughes 27* (40)
Cornelius Henry 2/27 (10 boulbeurte)
Australië wen met sewe paaltjies
Edgbaston, Birmingham
Skeidsregters: David Constant en John Langridge (Eng)
Speler van die wedstryd: Alan Hurst (Aus)
  • Australië het die loot gewen en gekies om eerste veldwerk te doen.
  • Charles Baksh (Can) het sy EDI-debuut gemaak.
  • Alan Hurst (Aus) neem ’n vyf-paaltjie-oes.[11]
16 Junie 1979

Telkaart
Vlag van Engeland Engeland
165/9 (60 boulbeurte)
t
Vlag van Pakistan Pakistan
151 almal uit (56 boulbeurte)
Graham Gooch 33 (90)
Majid Khan 3/27 (12 boulbeurte)
Asif Iqbal 51 (104)
Mike Hendrick 4/15 (12 boulbeurte)
Engeland wen met 14 lopies
Headingley, Leeds
Skeidsregters: Lloyd Budd en David Evans (Eng)
Speler van die wedstryd: Mike Hendrick (Eng)
  • Pakistan het die loot gewen en gekies om eerste veldwerk te doen.

Groep B[wysig | wysig bron]

Span Wed Wen Ver Onb LT Pte
Vlag van Wes-Indië Wes-Indië 3 2 0 1 +4.35 10
Vlag van Nieu-Seeland Nieu-Seeland 3 2 1 0 +4.43 8
Vlag van Sri Lanka Sri Lanka 3 1 1 1 +4.45 6
Vlag van Indië Indië 3 0 3 0 +2.78 0
9 Junie 1979

Telkaart
Vlag van Indië Indië
190 almal uit (53.1 boulbeurte)
t
Vlag van Wes-Indië Wes-Indië
194/1 (51.3 boulbeurte)
Gundappa Viswanath 75 (134)
Michael Holding 4/33 (12 boulbeurte)
Gordon Greenidge 106* (173)
Kapil Dev 1/46 (10 boulbeurte)
Wes-Indië wen met nege paaltjies
Edgbaston, Birmingham
Skeidsregters: David Evans en John Langridge (Eng)
Speler van die wedstryd: Gordon Greenidge (WI)
  • Wes-Indië het die loot gewen en gekies om eerste veldwerk te doen.
  • Surinder Khanna (Ind) het sy EDI-debuut gemaak.
  • Gordon Greenidge teken ’n krieketwêreldbekerhonderdtal aan.[12]
9 Junie 1979

Telkaart
Vlag van Sri Lanka Sri Lanka
189 almal uit (56.5 boulbeurte)
t
Vlag van Nieu-Seeland Nieu-Seeland
190/1 (47.4 boulbeurte)
Anura Tennekoon 59 (96)
Brian McKechnie 3/25 (10.5 boulbeurte)
Glenn Turner 83* (143)
Ajit de Silva 1/39 (12 boulbeurte)
Nieu-Seeland wen met nege paaltjies
Trent Bridge, Nottingham
Skeidsregters: Lloyd Budd en Ken Palmer (Eng)
Speler van die wedstryd: Geoff Howarth (NZ)
13–15 Junie 1979

Telkaart
t
Wedstryd afgelas sonder dat ’n bal geboul is.
The Oval, Londen
Skeidsregters: onbekend
Speler van die wedstryd: nie toegeken nie
  • geen loot nie
  • Twee reserwedae gebruik, as gevolg van swaar reën nie gespeel nie.
  • Dit is die eerste krieketwêreldbekerwedstryd wat afgelas is sonder dat ’n bal geboul is.[13]
13 Junie 1979

Telkaart
Vlag van Indië Indië
182 almal uit (55.5 boulbeurte)
t
Vlag van Nieu-Seeland Nieu-Seeland
183/2 (57 boulbeurte)
Sunil Gavaskar 55 (144)
Brian McKechnie 3/24 (12 boulbeurte)
Bruce Edgar 84* (167)
Mohinder Amarnath 1/39 (12 boulbeurte)
Nieu-Seeland wen met agt paaltjies
Headingley, Leeds
Skeidsregters: Lloyd Budd en Alan Whitehead (Eng)
Speler van die wedstryd: Bruce Edgar (NZ)
  • Nieu-Seeland het die loot gewen en gekies om eerste veldwerk te doen.
  • Nieu-Seeland vorder hiermee tot die uitklopfase.
  • Indië is hiermee uit die toernooi geskakel.
16–18 Junie 1979

Telkaart
Vlag van Sri Lanka Sri Lanka
238/5 (60 boulbeurte)
t
Vlag van Indië Indië
191 almal uit (54.1 boulbeurte)
Sunil Wettimuny 67 (120)
Mohinder Amarnath 3/40 (12 boulbeurte)
Dilip Vengsarkar 36 (57)
Somachandra de Silva 3/29 (11 boulbeurte)
Sri Lanka wen met 47 lopies
Old Trafford, Manchester
Skeidsregters: Ken Palmer en Alan Whitehead (Eng)
Speler van die wedstryd: Duleep Mendis (SL)
  • Indië het die loot gewen en gekies om eerste veldwerk te doen.
  • Reserwedag op 18 Junie gebruik, oorspronklike wedstryddatum (16 Junie) is uitgewas; 17 Junie was ’n Sondag.
  • Ranjan Madugalle en Ranjan Gunatilleke (albei SL) het hul EDI-debuut gemaak.
16 Junie 1979

Telkaart
Vlag van Wes-Indië Wes-Indië
244/7 (60 boulbeurte)
t
Vlag van Nieu-Seeland Nieu-Seeland
212/9 (60 boulbeurte)
Clive Lloyd 73* (80)
Jeremy Coney 2/40 (12 boulbeurte)
Richard Hadlee 42 (48)
Andy Roberts 3/43 (12 boulbeurte)
Wes-Indië wen met 32 lopies
Trent Bridge, Nottingham
Skeidsregters: Dickie Bird en Barrie Meyer (Eng)
Speler van die wedstryd: Clive Lloyd (WI)
  • Nieu-Seeland het die loot gewen en gekies om eerste veldwerk te doen.
  • Ewen Chatfield (NZ) het sy EDI-debuut gemaak.
  • Wes-Indië vorder hiermee tot die uitklopfase.
  • Sri Lanka is hiermee uit die toernooi geskakel.

Uitklopfase[wysig | wysig bron]

  Halfeindrondte Eindrondte
             
20 Junie – Manchester
 Vlag van Engeland Engeland 221/8  
 Vlag van Nieu-Seeland Nieu-Seeland 212/9   23 Junie – Londen
     Vlag van Engeland Engeland 194
20 Junie – Londen    Vlag van Wes-Indië Wes-Indië 286/9
 Vlag van Wes-Indië Wes-Indië 293/6
 Vlag van Pakistan Pakistan 250  

Halfeindrondte[wysig | wysig bron]

20 Junie 1979

Telkaart
Vlag van Engeland Engeland
221/8 (60 boulbeurte)
t
Vlag van Nieu-Seeland Nieu-Seeland
212/9 (60 boulbeurte)
Graham Gooch 71 (84)
Brian McKechnie 2/46 (12 boulbeurte)
John Wright 69 (137)
Mike Hendrick 3/55 (12 boulbeurte)
Engeland wen met nege lopies
Old Trafford, Manchester
Skeidsregters: John Langridge en Ken Palmer (Eng)
Speler van die wedstryd: Graham Gooch (Eng)
  • Nieu-Seeland het die loot gewen en gekies om eerste veldwerk te doen.
  • Wayne Larkins (Eng) het sy EDI-debuut gemaak.
20 Junie 1979

Telkaart
Vlag van Wes-Indië Wes-Indië
293/6 (60 boulbeurte)
t
Vlag van Pakistan Pakistan
250 almal uit (56.2 boulbeurte)
Gordon Greenidge 73 (107)
Asif Iqbal 4/56 (11 boulbeurte)
Zaheer Abbas 93 (122)
Colin Croft 3/29 (11 boulbeurte)
Wes-Indië wen met 43 lopies
The Oval, Londen
Skeidsregters: Lloyd Budd en David Constant (Eng)
Speler van die wedstryd: Gordon Greenidge (WI)
  • Pakistan het die loot gewen en gekies om eerste veldwerk te doen.

Eindstryd[wysig | wysig bron]

23 Junie 1979

Telkaart
Vlag van Wes-Indië Wes-Indië
286/9 (60 boulbeurte)
t
Vlag van Engeland Engeland
194 almal uit (51 boulbeurte)
Viv Richards 138* (157)
Phil Edmonds 2/40 (12 boulbeurte)
Mike Brearley 64 (130)
Joel Garner 5/38 (11 boulbeurte)
Wes-Indië wen met 92 lopies
Lord’s, Londen
Skeidsregters: Dickie Bird en Barrie Meyer (Eng)
Speler van die wedstryd: Viv Richards (WI)
  • Engeland het die loot gewen en gekies om eerste veldwerk te doen.
  • Joel Garner (WI) neem ’n vyf-paaltjie-oes.[11]
  • Viv Richards teken ’n krieketwêreldbekerhonderdtal aan.[12]
  • Wes-Indië wen die Krieketwêreldbeker 1979 sonder ’n verlore wedstryd en brei hul reeks van onoorwonne krieketwêreldbekerwedstryde tot tien uit.[14]


Krieketwêreldkampioen 1979
Vlag van Wes-Indië Wes-Indië

Statistiek[wysig | wysig bron]

Finale puntestand[wysig | wysig bron]

Hierdie tabel toon die finale puntestand van al agt deelnemende nasionale krieketspanne in die Krieketwêreldbeker 1979.

Uitslag van die Krieketwêreldbeker 1979:

   Kampioen

   Naaswenner

   Halfeindrondte

   Groepfase

   Nie deelgeneem nie

Rang Span Groep Wed Wen Gel Ver LV LT +/– LT Pte
Finaliste
1 Vlag van Wes-Indië Wes-Indië B 5 4 1 0 1017 846 +171 18
2 Vlag van Engeland Engeland A 5 4 0 1 786 853 –67 16
In die halfeindrondte uitgeskakel
3 Vlag van Pakistan Pakistan A 4 2 1 1 827 794 +33 10
4 Vlag van Nieu-Seeland Nieu-Seeland B 4 2 1 1 797 836 –39 10
In die groepfase uitgeskakel
5 Vlag van Sri Lanka Sri Lanka B 3 1 1 1 427 381 +46 +4.45 6
6 Vlag van Australië Australië A 3 1 0 2 462 551 –89 +3.16 4
7 Vlag van Indië Indië B 3 0 0 3 563 615 –52 +2.78 0
8 Vlag van Kanada Kanada A 3 0 0 3 289 292 –3 +1.60 0

Meeste lopies en paaltjies[wysig | wysig bron]

Meeste lopies aangeteken:[1]
Naam Lopies
1 Vlag van Wes-Indië Gordon Greenidge 253
2 Vlag van Wes-Indië Viv Richards 217
3 Vlag van Engeland Graham Gooch 210
4 Vlag van Nieu-Seeland Glenn Turner 176
5 Vlag van Nieu-Seeland John Wright 166
Meeste paaltjies geneem:[2]
Naam Paaltjies
1 Vlag van Engeland Mike Hendrick 10
2 Vlag van Nieu-Seeland Brian McKechnie 9
Vlag van Pakistan Asif Iqbal
Vlag van Engeland Chris Old
5 Vlag van Wes-Indië Michael Holding 8
Vlag van Wes-Indië Colin Croft
Vlag van Wes-Indië Joel Garner

Sien ook[wysig | wysig bron]

Verwysings[wysig | wysig bron]

  1. 1,0 1,1 (en) "Records / Prudential World Cup, 1979 / Most Runs". ESPNcricinfo. 23 Junie 1979. Besoek op 7 April 2023.
  2. 2,0 2,1 (en) "Records / Prudential World Cup, 1979 / Most Wickets". ESPNcricinfo. 23 Junie 1979. Besoek op 7 April 2023.
  3. (en) "England awarded 2019 World Cup". ESPNcricinfo. 30 April 2006. Besoek op 7 April 2023.
  4. (en) "The 1979 World Cup in England – West Indies retain their title". ESPNcricinfo. Besoek op 7 April 2023.
  5. (en) Martin Williamson (31 Januarie 2015). "The birth of the World Cup". ESPNcricinfo. Besoek op 7 April 2023.
  6. (en) "How limited-overs cricket led to birth of World Cup". Dawn. 8 Februarie 2011. Besoek op 7 April 2023.
  7. (en) "ICC Trophy 1979 – background". ESPNcricinfo. Besoek op 7 April 2023.
  8. (en) "The 1979 World Cup in England – West Indies retain their title". ESPNcricinfo. 25 Oktober 2006. Besoek op 7 April 2023.
  9. (en) "Flashback: 1979 Cricket World Cup". Gulf News. 20 Mei 2019. Besoek op 7 April 2023.
  10. (en) Gursimran Hans (22 Julie 2018). "The history of the Cricket World Cup: 1979". Medium.com. Besoek op 7 April 2023.
  11. 11,0 11,1 (en) "Statistics / Statsguru / One-Day Internationals / Bowling Records". ESPNcricinfo. Besoek op 7 April 2023.
  12. 12,0 12,1 (en) "Statistics / Statsguru / One-Day Internationals/ Batting Records". ESPNcricinfo. Besoek op 7 April 2023.
  13. (en) "Cricket World Cup 2015: Australia v Bangladesh washed out by rain". BBC. 21 Februarie 2015. Besoek op 7 April 2023.
  14. (en) "Statistics / Statsguru / One-Day Internationals / Team Records". ESPNcricinfo. Besoek op 7 April 2023.

Verdere leesstof[wysig | wysig bron]

Eksterne skakels[wysig | wysig bron]


Krieketwêreldbeker

Engeland 1975Engeland 1979Engeland / Wallis 1983Indië / Pakistan 1987Australië / Nieu-Seeland 1992Pakistan / Indië / Sri Lanka 1996Engeland / Skotland / Wallis / Ierland / Nederland 1999Suid-Afrika / Zimbabwe / Kenia 2003Wes-Indië 2007Indië / Sri Lanka / Bangladesj 2011Australië / Nieu-Seeland 2015Engeland / Wallis 2019Indië 2023Suid-Afrika / Zimbabwe / Namibië 2027Indië / Bangladesj 2031