Vlag van Mianmar

Vlag van Mianmar

Vlag van Mianmar
Gebruik	Nasionale vlag en Burgerlike- en Vlootvaandel
Verhouding	2:3
Goedgekeur	21 Oktober 2010
Ontwerp	Drie horisontale bane van bo na onder in geel, groen en rooi met ’n wit ster in die middel van die vlag

Die nasionale vlag van Mianmar is op 21 Oktober 2010 amptelik in gebruik geneem. Die vlag vertoon drie horisontale bane van bo na onder in geel, groen en rooi met ’n wit ster in die middel van die vlag.

Geskiedenis

Die twee vlae wat deur Mianmar gebruik is voor die aanvaarding van die huidige vlag het hul ontstaan in die Birmaanse Weerstand wat ’n rooi vlag met ’n wit ster as oorlogssvlag gebruik het gedurende die Tweede Wêreldoorlog teen Japan.

Die vlag wat aanvaar is na onafhanklikheid op 4 Januarie 1948 van die Verenigde Koninkryk verkry is, was ’n rooi vlag met ’n blou skildhoek waarin een wit ster met vyf omringende sterre verskyn het. Die groot ster het die unie, en die kleiner sterre die hoofetniese groepe van die nuwe onafhanklike staat voorgestel. Hierdie vlag het tot Januarie 1974 in gebruik gebly.

Die nuwe vlag met veertien sterre om ’n rat en rysplant is op 3 Januarie 1974 aanvaar toe Ne Win ’n sosialistiese republiek verklaar het. Die rysplant het landbou voorgestel, die rat het die industrieë voorgestel en die veertien sterre het elk van die lidstate van die Unie voorgestel. Die vlag met veertien sterre is deur betogers in die 8888-opstand in 1988 onderstebo gehang as ’n teken teen die militante regering.

Vroeëre historiese vlae van Birmaanse monarge het ’n groen pou opgehad. Die gebruik van die groen pou het voortgeduur gedurende die Britse koloniale tydperk en die Staat Birma. Die vlag van die Staat van Birma (1943–1945) was die geel-groen-rooi vlag met die pou in die middel. Gedurende die laaste jaar van die oorlog is ’n vereenvoudigde ontwerp van die pou gebruik.

Die vlag van die eens-verbande Nasionale Liga vir Demokrasie-party bevat ’n pou en ’n wit ster terwyl die Nasionale Koalisieregering van die Unie Birma die vlag van 1948 gebruik het.

• 
  Vlag van die Hanthawaddy-koninkryk, c. 1300 tot 1500
• 
  Vlag van die Konbaung-dinastie, 1752 tot 1885
• 
  Vlag van die Birmaanse Ryk, 1853 tot 1876
• 
  Vlag van Brits-Birma as deel van Brits-Indië, 1824 tot 1937
• 
  Vlag van Brits-Birma as aparte kolonie, 1939 tot 1941 en 3 Januarie 1845 tot 1948
• 
  Vlag van Brits-Birma, 1941 tot 1942
• 
  Vlag in gebruik tydens die Japannese besetting, 1942 tot 1943
• 
  Vlag van die pro-Japanese Synyethe Wunthann-party, de facto vlag van Birma, 1942 tot 1943
• 
  Vlag van die Staat Birma, 1943 tot 1945
• 
  Variant-vlag van die Staat Birma, 1943 tot 1945
• 
  Vereenvoudigde vlag van die Staat Birma, 1945
• 
  Vlag van die Unie Birma, 4 Januarie 1948 tot 1974
• 
  Burgerlike vaandel van die Unie Birma, 1952 tot 1974
• 
  Vlag van die Sosialistiese Republiek van die Unie Birma, 2 Maart 1974 tot 19 Junie 1989
• 
  Burgerlike vaandel van die Unie Birma, 1974 tot 2010
• 
  Vlag van die Unie Birma, 20 Junie 1989 tot 20 Oktober 2010
• 
  Voorgestelde vlag van Mianmar, 2006

Ontwerp

Kleure

Vlag van 1974 tydens ’n 2007-optog in Newcastle upon Tyne, Engeland

Die tabel bevat die kleurskemawaardes vir die kleure van die vlag van Mianmar (sedert 2010):

	Geel	Groen	Rooi	Wit
Pantone	116	361	1788	Safe
RGB	254-203-0	52-178-51	234-40-57	255-255-255
Heksadesimaal	#FECB00	#34B233	#EA2839	#FFFFFF
CMYK	0, 20, 100, 0	76, 0, 100, 0	0, 98, 82, 0	0, 0, 0, 0

Die kleurskema vir die vlae van die Unie Burma (1948–1974 en 1974–2010):

/	Blou	Rooi	Wit
RGB	32-66-161	218-45-28	255-255-255
Heksadesimaal	#2042a1ff	#da2d1cff	#FFFFFF
CMYK	80, 59, 0, 37	0, 79, 87, 15	0, 0, 0, 0

Ander vlae

• 
  Presidensiële vlag van Birma, 1948 tot 1962
• 
  Vlag van die Mianmarese Gewapende Magte
• 
  Vlag van die Mianmarese Weermag
• 
  Vlootvaandel van Birma, 1948 tot 1974
• 
  Vlootvaandel van Mianmar
• 
  Lugmagvaandel van Birma, 1948 tot 1974
• 
  Lugmagvaandel van Mianmar
• 
  Vlag van die Mianmarese Polisie

Soortgelyke vlae

• 
  Vlag van Litaue
• 
  Vlag van die Republiek China
• 
  Vlag van Samoa
• 
  Vlag van Ghana
• 
  Vlag van Senegal
• 
  Vlag van Bolivia

Eksterne skakels

• Wikimedia Commons het meer media in die kategorie Vlae van Mianmar.
• (en) Mianmar by Flags of the World.

Hierdie artikel is in sy geheel of gedeeltelik vanuit die Engelse Wikipedia vertaal.