Cheetoh

in Wikipedia, die vrye ensiklopedie
Cheetoh
Land  VSA
Ontstaan  Hibride
Pels  Kort
Patroon  Kolle
Wetenskaplike naam
Felis catus (huiskat)
x Prionailurus bengalensis
Nota: Slegs erken deur The International Cat Association (TICA).
Portaal  Portaalicoon   Katte

Die Cheetoh is ’n kortharige, hibridiese katras.

Geskiedenis[wysig | wysig bron]

Die kat is ontwikkel deur die kruising van spesifieke bloedlyne van die Bengaalse kat en Ocicat. Dit is ’n nuwe ras en dus baie skaars. Omdat een van sy voorouers, die Bengaalse kat, ’n hibride is, word die Cheetoh ook as ’n hibride geklassifiseer. Die enigste katregister wat dit erken, is The International Cat Association (TICA).

Voorkoms[wysig | wysig bron]

Die Cheetoh het die kenmerkende kolle van albei rasse waaruit hy ontstaan het. Hy het ook die lang bene van die Ocicat. Die doel van die Cheetoh-teelprogram was om ’n intelligente kat te ontwikkel wat aansienlik groter as ander katte is en met ’n wilde voorkoms sonder dat verdere "wilde" bloed bygevoeg word. Dit het ’n gladde, fluweelagtige pels. Behalwe sy voorkoms is ’n kenmerkende eienskap sy "wildekat"-manier van loop. Dit lyk of hy altyd op die jag uit is.

Daar is tans sewe kleurvariëteite: siënna (geelbruin) met swart of bruin kolle, goud met swart of bruin kolle, rookkleur met swart kolle, silwer met swart kolle, en die rooipunt met goue kolle. Ondanks hul voorkoms is die katte liefdevol en sosiaal.

Sien ook[wysig | wysig bron]

Lys van katrasse

Eksterne skakels[wysig | wysig bron]