Eksotiese korthaarkat

in Wikipedia, die vrye ensiklopedie
Spring na: navigasie, soek
Eksotiese korthaarkat
Brown Exotic Shorthair Kitten.jpg
Herkoms VSA
Ontstaan Kruisras
Soort lyf Stewig
Pels Kort
Patroon Alle
Wetenskaplike naam Felis catus

Die eksotiese korthaarkat (Engels: Exotic Shorthair) is ’n katras wat ontwikkel is om ’n kortharige weergawe van die Persiese kat te wees.

Geskiedenis[wysig]

Eksotiese mannetjie van 12 maande oud.

Die Persiese kat is in die 1950's in die geheim deur telers van Amerikaanse korthaarkatte gebruik om hul katras te "verbeter". Die hibride-voorkoms het in dié tyd erkenning op skoue begin gekry, maar telers wat ongelukkig was met die veranderinge, het daarin geslaag om korthaarkatte wat tekens van hibridisering toon, gediskwalifiseer te kry. Een teler van korthaarkatte wat die moontlikhede van die kruising tussen dié katte en die Persiese kat raakgesien het, het eindelik die Amerikaanse Cat Fanciers' Association (CFA) sover gekry om die katte in 1966 as ’n nuwe ras te erken met die naam eksotiese korthaarkat. Tydens die teelprogram is kruisings ook gedoen met die Russiese bloukat en Birmaanse kat. Die Europese Fédération Internationale Féline het die eksotiese korthaarkat in 1986 erken.

Vanweë gereelde kruistelings met Persiese katte, het sommige katte die resessiewe geen vir lang hare. Dit bring mee dat een uit elke vier eksotiese korthaarkatte lang hare kan hê.

Sommige verenigings soos die CFA beskou dié langharige weergawes nie as Persiese katte nie, terwyl The International Cat Association (TICA) dit wel doen. Ander verenigings beskou hulle weer as ’n aparte eksotiese langhaarkat.[1]

Beskrywing[wysig]

Die kat word soms beskryf as "die luiaard se Persiese kat" omdat hulle die voorkoms van dié katte het, maar danksy hul kort hare nie dieselfde versorging nodig het nie. Hulle stem baie ooreen met Persiese katte, ook wat geaardheid betref, maar is effens lewendiger. Hulle is nuuskierig en spelerig en vriendelik met ander katte en honde.

Die eksotiese korthaarkat het ’n kompakte, ronde, sterk lyf met ’n kort nek. Dit het groot, ronde oë, ’n kort wipneus en klein ore. Alle kleure word erken.

Verwysings[wysig]

  1. Helgren, J. Anne.(2006) Iams Cat Breed Guide: Exotic Shorthair Telemark Productions

Eksterne skakels[wysig]

Commons-logo.svg
Wikimedia Commons het meer media verwant aan:

Sien ook[wysig]

Lys van katrasse

Crystal txt.png

Hierdie artikel is vertaal van die Engelse Wikipedia

Internasionale katrasse
Lang of  
halflang hare  
Amerikaanse kruloorkatAmerikaanse langhaarkatAmerikaanse stompstertkatBalinese katBritse langhaarkatBurmillaEgeïese katHeilige Birmaanse katJapannese stompstertkatJavanese katKimriese katKleurpunt-langhaarkatKoerile-stompstertkatLaPermMaine CoonManxMunchkinNebelungNoorse boskatOosterse langhaarkatPersiese katRagamuffinRagdollSelkirk-rexSiberiese katSkotse vouoorkatSomaliese katTurkse angoraTurkse van
Kort hare   Abessiniese katAmerikaanse draadhaarkatAmerikaanse korthaarkatAmerikaanse kruloorkatAmerikaanse stompstertkatAsiatiese katAustraliese sluierkatBengaalse katBirmaanse katBombaaikatBrasiliaanse korthaarkatBritse korthaarkatBurmillaChartreuxChausieCheetohCorniese rexDevon-rexDragon LiDuitse rexEgiptiese mauEksotiese korthaarkatEuropese korthaarkatHavana-bruinkatJapannese stompstertkatKoerile-stompstertkatKoratLaPermManxMunchkinOcicatOosterse korthaarkatOregon-rexPixie-bobRussiese bloukatRussiese wit-, swart- en streepkatSavannekatSelkirk-rexSerengeti-katSiamese katSingapuraSkotse vouoorkatSnowshoeSokokeThaise katTonkanese katToyger
Geen hare   BambinoDon-sfinksMinskinOekraïnse lefkoiPeterbaldSfinkskat