Japannese stompstertkat

in Wikipedia, die vrye ensiklopedie
Spring na: navigasie, soek
Japannese stompstertkat
JapaneseBobtailBlueEyedMi-ke.JPG
Herkoms Japan
Ontstaan Natuurlik
Soort lyf Gemiddeld
Pels Kort/lank
Patroon Alle behalwe kleurpunt en strepies
Wetenskaplike naam Felis catus

Die Japannese stompstertkat (Japannees: ジャパニーズ・ボブテイル; Engels: Japanese Bobtail) is ’n katras met ’n stomp stert wat meer soos dié van ’n konyn lyk. Die ongewone stert is die gevolg van ’n mutasie wat veroorsaak word deur ’n resessiewe geen.[1] Die katte kom oorspronklik van Japan en Suidoos-Asië, maar word nou wêreldwyd aangetref. Hulle is al eeue lank in Japan bekend en kom dikwels voor in tradisionele folklore en kuns.

Geskiedenis[wysig]

Een teorie oor die voorkoms van die katte in Japan is dat hulle minstens 1 000 jaar gelede van die Asiatiese kontinent gekom het.[2] In 1602 het Japannese owerhede gelas dat alle katte vrygelaat word om om te help met ’n knaagdierplaag wat ’n bedreiging vir die sywurm ingehou het. Daarna was die koop en verkoop van katte onwettig en het die stompstertkat algemeen in die strate voorgekom.

In 1968 het Elizabeth Freret die eerste mens sover bekend geword wat die katte na die Weste uitgevoer het en in 1976 het die Amerikaanse Cat Fanciers' Association die ras erken. Dit word nou deur die meeste katverenigings erken, behalwe die Britse Governing Council of the Cat Fancy.

Daar is tans ’n paar telers in Amerika en Europa en minstens een in Japan, maar dit bly ’n skaars ras.

Beskrywing[wysig]

Soos in die meeste ander rasse kan ’n Japannese stompstertkat feitlik enige kleur of patroon hê. Oorheersend wit katte met ’n skilpaddoppatroon op enkele plekke is veral gewild by Japannese en katliefhebbers. Die kop (sonder die ore) moet ’n gelyksydige driehoek vorm. Die oë is groot en ovaal en die ore groot en regop. Die lyf is lank, lenig en van medium-grootte. Die stert is uniek en wissel van kat tot kat. Dit moet egter sigbaar wees (4 tot 8 cm lank) en minstens een draai of kinkel inhê. Die pels kan lank of kort wees.

Verwysings[wysig]

  1. Breed Profile: Japanese Bobtail”. CFAInc.org. Cat Fancier's Association. URL besoek op 2 Junie 2007.
  2. Fogle, Bruce (1 Oktober 1997). Encyclopedia of the Cat. ISBN 078941970X. 

Eksterne skakels[wysig]

Sien ook[wysig]

Lys van katrasse

Crystal txt.png

Hierdie artikel is vertaal van die Engelse Wikipedia

Internasionale katrasse
Lang of  
halflang hare  
Amerikaanse kruloorkatAmerikaanse langhaarkatAmerikaanse stompstertkatBalinese katBritse langhaarkatBurmillaEgeïese katHeilige Birmaanse katJapannese stompstertkatJavanese katKimriese katKleurpunt-langhaarkatKoerile-stompstertkatLaPermMaine CoonManxMunchkinNebelungNoorse boskatOosterse langhaarkatPersiese katRagamuffinRagdollSelkirk-rexSiberiese katSkotse vouoorkatSomaliese katTurkse angoraTurkse van
Kort hare   Abessiniese katAmerikaanse draadhaarkatAmerikaanse korthaarkatAmerikaanse kruloorkatAmerikaanse stompstertkatAsiatiese katAustraliese sluierkatBengaalse katBirmaanse katBombaaikatBrasiliaanse korthaarkatBritse korthaarkatBurmillaChartreuxChausieCheetohCorniese rexDevon-rexDragon LiDuitse rexEgiptiese mauEksotiese korthaarkatEuropese korthaarkatHavana-bruinkatJapannese stompstertkatKoerile-stompstertkatKoratLaPermManxMunchkinOcicatOosterse korthaarkatOregon-rexPixie-bobRussiese bloukatRussiese wit-, swart- en streepkatSavannekatSelkirk-rexSerengeti-katSiamese katSingapuraSkotse vouoorkatSnowshoeSokokeThaise katTonkanese katToyger
Geen hare   BambinoDon-sfinksMinskinOekraïnse lefkoiPeterbaldSfinkskat