Sokoke

in Wikipedia, die vrye ensiklopedie
Sokoke
Alternatiewe naam  Khadzonzos
Land  Kenia
Ontstaan  Natuurlik/hibride
Soort lyf  Lank, skraal
Pels  Kort
Patroon  Strepe en fyn strepies
Wetenskaplike naam
Felis catus (huiskat)
of Felis Catus x Felis silvestris lybica
Portaal  Portaalicoon   Katte

Die Sokoke is ’n kortharige katras wat sy oorsprong in Kenia het. Die oorspronklike naam was Khadzonzos, wat die Keniaanse stam die Giriama daaraan gegee het. Dit beteken "wat soos boombas lyk".

Geskiedenis[wysig | wysig bron]

Die Khadzonzos-katte is in 1978 in die Arabuko-Sokoke-woud in Kenia ontdek. Van hulle is na Denemarke gebring om daar mee te teel. In 1990 is nog katte ingevoer om die teelpoel te vergroot. Hulle is in 1984 die eerste keer in Kopenhagen geskou. Die Fédération Internationale Féline (FIFe) het hulle in 1993 erken onder die naam Sokoke, van waar die katte kom. Ook The International Cat Association (TICA) erken die katte.

Daar is altyd gewonder of die dier ’n huiskat is en nie dalk ’n afstammeling van die vaalboskat (Felis silvestris lybica) wat self mak geword het nie. Ná DNS-toetse is onlangs vasgestel dat die Sokoke deel van die Asiatiese groep huiskatte is wat ook bloed van die vaalboskat het. As sulks is dit ’n hibride (’n kruising tussen twee spesies).

Beskrywing[wysig | wysig bron]

Sokokes het gestreepte pelse in skakerings van bruin, met amberkleurige tot liggroen oë. Die hare is kort en grof en het feitlik geen onderlaag nie. Die lyf is lank en skraal en die bene lank.

Hulle is baie aktief en vorm nou bande met mense en ander katte en pas moeilik in ’n nuwe omgewing aan. Hulle is minder geneig om moderne katsiektes te kry.

Sien ook[wysig | wysig bron]

Eksterne skakels[wysig | wysig bron]