Javaanse kat

in Wikipedia, die vrye ensiklopedie
Javaanse kat
Alternatiewe naam  Mandarynse kat
Oosterse langhaarkat
Land  VSA
Ontstaan  Kruisras
Soort lyf  Oosters
Pels  Lank
Patroon  Kleurpunt
Wetenskaplike naam
Felis catus (huiskat)
Nota: Word deur die meeste katverenigings beskou as ’n soort Balinese kat of ’n langharige weergawe van die Oosterse korthaarkat.
Portaal  Portaalicoon   Katte

Die Javaanse kat is ’n langharige, Oosterse tipe katras en staan ook bekend as die Mandarynse kat of Oosterse langhaarkat. Die kat het geen verbintenis met die eiland Java nie.

Geskiedenis[wysig | wysig bron]

Toe Amerikaanse kat-telers probeer het om ’n langharige weergawe van die Siamese kat te ontwikkel, het hulle die Balinese kat geskep. Die Javaanse kat het as ’n soort neweproduk van dié teelprogram ontstaan. In 1979 het die Cat Fanciers' Association in Amerika die Javaanse kat as ’n aparte ras erken. Ander verenigings beskou dit as ’n variant van die Balinese kat.

Beskrywing[wysig | wysig bron]

Die kat het ’n sagte enkellaag hare en die stert vorm ’n pluim.[1] Die enigste onderskeid tussen die Javaanse en Balinese kat lê in die kleure van die pels.[2] Die Javaanse kat het die kleure van die Oosterse korthaarkat en word dus dikwels beskou as ’n langharige weergawe daarvan.

Die kat raak nes ander Oosterse katte geheg aan een mens. Hulle miaau graag om hul eienaars te laat weet hoe hulle voel.

Sien ook[wysig | wysig bron]

Lys van katrasse

Verwysings[wysig | wysig bron]

  1. "Teelartikel". Geargiveer vanaf die oorspronklike op 7 Desember 2011. Besoek op 22 Januarie 2012.
  2. "CFA". Geargiveer vanaf die oorspronklike op 20 Januarie 2012. Besoek op 22 Januarie 2012.

Eksterne skakels[wysig | wysig bron]