Europese korthaarkat

in Wikipedia, die vrye ensiklopedie
Europese korthaarkat
Land  Swede
Ontstaan  Natuurlik
Soort lyf  Gemiddeld tot groot
Pels  Kort
Patroon  Alle kleure en gestreep
Wetenskaplike naam
Felis catus (huiskat)
Portaal  Portaalicoon   Katte

Die Europese korthaarkat is ’n katras wat in Swede ontstaan het.[1] Die ras is onlangs erken om die rasse te bewaar wat al lank natuurlik in Europese dorpe en stede voorkom.

Geskiedenis[wysig | wysig bron]

Die Eurpese korthaatkat het sy eweknieë in Brittanje (die Britse korthaarkat) en Amerika (die Amerikaanse korthaarkat), wat al baie langer geteel word.

Eersgenoemde is egter met Persiese katte gekruis en selektief geteel sodat dit ’n stewiger kat met ’n korter snoet en dikker pels kon wees. Dit is ook eers die Europese korthaarkat genoem en het saam met dié katte in een klas meegeding tydens skoue, tot in 1982, toe die Skandinawiese tipe Europese korthaarkat as ’n aparte ras met sy eie standaarde erken is.

Beskrywing[wysig | wysig bron]

Die Europese korthaar is ’n sterk kat van gemiddelde grootte tot groot, met ’n breë, gespierde bors. Die sterk bene is van gemiddelde lengte en die pote is rond. Die stert is redelik dik by die basis en loop dunner na die punt, wat stomp is. Die redelike groot kop is rond, maar nie so rond soos die Britse korthaarkat s’n nie. Die ore is van gemiddelde grootte en het ’n effens ronde punt. Die oë is rond en kan enige kleur wees. Die pels is kort, sag en blink, en lê plat. Alle natuurlike kleure is aanvaarbaar, onder meer swart, wit, rooi, blou en room, en met of sonder strepe.[2]

Dis onmoontlik om die kat se geaardheid akkuraat op te som, aangesien hulle geteel is uit gewone huiskatte met verskillende geaardhede. Hulle is meestal aktief en liefdevol. Die meeste sal muise in die huis of tuin vang.[3]

Sien ook[wysig | wysig bron]

Lys van katrasse

Verwysings[wysig | wysig bron]

  1. "Cat Facts". Geargiveer vanaf die oorspronklike op 2 Januarie 2012. Besoek op 25 Januarie 2012.
  2. Verhoef-Verhallen, Esther J.J. (1997). Encyclopedia of Cats. p. 59. ISBN 1-901094-16-2.
  3. Verhoef-Verhallen, Esther J.J. (1997). Encyclopedia of Cats. p. 58. ISBN 1-901094-16-2.

Eksterne skakels[wysig | wysig bron]