Heilige Birmaanse kat
| Heilige Birmaanse kat | ||||
| ||||
| Alternatiewe naam | Engels: Birman, Sacred Birman | |||
| Land | Birma | |||
| Ontstaan | Natuurlik | |||
| Soort lyf | Halfstewig | |||
| Pels | Medium-lank | |||
| Patroon | Kleurpunt met wit pote | |||
| Wetenskaplike naam | ||||
| Felis catus (huiskat) | ||||
| ||||
Die Heilige Birmaanse kat (Engels: Birman, Sacred Birman) is ’n langharige katras wat nie met die kortharige Birmaanse kat verwar moet word nie. Die kat het medium-lang hare, ’n ligte lyfkleur met kleurpunte en diepblou oë. Hoewel die kat kleurpunte het, is die pote spierwit.
In Engels word die kat die Birman of Sacred Birman genoem en is dit dus maklik te onderskei van die Burmese (Birmaanse kat). Die naam Birman kom van die Franse naam vir Birma, Birmanie.
Die Heilige Birmaanse kat is in 1925 die eerste keer erken deur die Cat Club de France, in 1966 in Engeland deur die Governing Council of the Cat Fancy (GCCF)[1] en in 1967 in die VSA deur die Cat Fanciers' Association (CFA).[2] Dit is in 1979 deur The International Cat Association (TICA) erken.[3]
Geskiedenis
[wysig | wysig bron]Daar is geen duidelike rekord van die oorsprong van die katte nie, maar ’n legende wat dikwels oorvertel word, is dat hulle hul van Birma af kom waar hulle deur priesters in ’n tempel in die noorde van die land aangehou is. Twee van hulle is as geskenk aan twee Fransmanne gegee nadat hulle die priesters hul tempel help verdedig het.
Die katras is byna in die Tweede Wêreldoorlog uitgewis. Hulle moes met ander langhaarrasse soos Persiese katte en met Siamese katte gekruisteel word om die ras weer op te bou. Teen die vroeë 1950's is rasegte katjies weer gebore. Die eerste katte was robbruinpunte. Die bloupunte is in 1959 weer ingestel met die hulp van blou Persiese lyne. Nuwe kleure is in 1970–1980 deur Britse telers bygevoeg.
Voorkoms
[wysig | wysig bron]Heilige Birmaanse katte het medium-lang, syagtige hare wat nie koek nie, ’n halfstewige lyf en relatief klein ore. Volgens die standaarde moet die lyf eierdop- of goudkleurig wees en die punte robbruin, sjokolade, blou, rooi, lila of roomkleurig. Streepweergawes word ook toegelaat. Hulle het diepblou oë.
Hulle is een van die min kleurpunt-katrasse wat spierwit pote het. ’n Wit kol op enige ander plek is ’n fout. Die wit aan al vier pote moet simmetries wees.
Sien ook
[wysig | wysig bron]Verwysings
[wysig | wysig bron]- ↑ Governing Counil of the Cat Fancy
- ↑ "Cat Fanciers Association Breed Article: The Sacred Cats of Burma". Geargiveer vanaf die oorspronklike op 21 November 2010. Besoek op 8 Januarie 2012.
- ↑ TICA. "The International Cat Association" (in Engels). Geargiveer vanaf die oorspronklike op 13 Mei 2020. Besoek op 8 Julie 2007.
Eksterne skakels
[wysig | wysig bron]- Suider-Afrikaanse standaarde Geargiveer 7 Mei 2013 op Wayback Machine
Wikimedia Commons het meer media in die kategorie Heilige Birmaanse kat.
Hierdie artikel is vertaal uit die Engelse Wikipedia
