Munchkin
| Munchkin | ||||
| ||||
| ’n Langharige Munchkin-katjie. | ||||
| Land | VSA | |||
| Ontstaan | Mutasie | |||
| Soort lyf | Klein, half-Oosters | |||
| Pels | Kort/lank | |||
| Patroon | Alle | |||
| Spesiale eienskappe | Kort bene | |||
| Wetenskaplike naam | ||||
| Felis catus (huiskat) | ||||
| ||||
Die Munchkin is ’n katras met abnormale kort bene wat ontstaan het vanweë ’n natuurlike mutasie.
Geskiedenis
[wysig | wysig bron]
Die Munchkin het ontstaan vanweë ’n natuurlike mutasie wat katte met abnormale kort bene tot gevolg het. Dit is ’n soortgelyke geen as die een wat gevind word in byvoorbeeld wors- en Franse dashonde. Hulle het egter nie die rugprobleme wat gewoonlik by dié hondrasse voorkom nie[1] omdat katte se ruggraat verskil van honde s’n.
Ellen Kasten het in 1964 in die Amerikaanse staat New York die eerste keer oor die katte geskryf. Daar is egter nie toe met hulle geteel nie en hulle is eers in 1983 herontdek toe twee dragtige katte in Louisiana gevind is.[2] Die helfte van die een werpsel se katjies het kort bene gehad en hulle is gebruik om die ras te teel.
Die Munchkin is in 1991 die eerste keer aan die algemene publiek bekend gestel tydens ’n katskou van The International Cat Association (TICA) wat in Amerika landwyd op TV uitgesaai is. Ondanks aanvanklike kritiek is in toetse gevind dat die katte nie rugprobleme het nie.[2] In 1994 het TICA die Munchkin aanvaar in sy Nuwe Ras-ontwikkelingsprogram te midde van groot omstredenheid.[3][4] Die kat het in 2003 kampioenskapstatus van TICA gekry.[5]
Beskrywing
[wysig | wysig bron]Die Munchkin het ’n klein tot gemiddelde bou met ’n half-Oosterse soort lyf. Die kort bene kan effens geboë wees, alhoewel katte waarvan die bene te geboë is, gediskwalifiseer word. Vir TICA-skoue word hulle in twee groepe verdeel: Munchkin en Munchkin-langhaar. Hulle het alle kleure en patrone.[5]
Hulle is lieftallige, spelerige, intelligente katte wat van mense hou.[6][7] Hul aktiwiteite word nie gekniehalter deur hul kort bene nie.
Sien ook
[wysig | wysig bron]Verwysings
[wysig | wysig bron]- ↑ [1], CatWorld.
- ↑ 2,0 2,1 Stall, Sam (2007). 100 Cats Who Changed Civilization: History's Most Influential Felines. Quirk Productions, Inc.
- ↑ Owen, Susan Marquez (21 Julie 1995). "Critics Dog Cat". Los Angeles Times. Besoek op 7 Februarie 2010.
- ↑ Helgren, J. Anne (1998). "Encyclopedia of Cat Breeds: Munchkin Cat" (in Engels). Barron's Educational Series. Geargiveer vanaf die oorspronklike op 22 Mei 2020. Besoek op 7 Februarie 2010.
- ↑ 5,0 5,1 "Munchkin – TICA". Geargiveer vanaf die oorspronklike op 23 Julie 2015. Besoek op 20 Januarie 2012.
- ↑ [2] Geargiveer 2 Mei 2010 op Wayback Machine, Cats United.
- ↑ "Munchkin Breed Group Standard" (PDF). The International Cat Association. 5 Januarie 2007. Besoek op 9 Februarie 2010.[dooie skakel]
Eksterne skakels
[wysig | wysig bron]- Suider-Afrikaanse standaarde Geargiveer 7 Mei 2013 op Wayback Machine
- Is tiny Heed the world's smallest cat?
Wikimedia Commons het meer media in die kategorie Munchkin.
Hierdie artikel is vertaal uit die Engelse Wikipedia
