Korat

in Wikipedia, die vrye ensiklopedie
Spring na: navigasie, soek
Korat
Korat-katjies waarvan die oë nog nie groen is nie.
Korat-katjies waarvan die oë nog nie groen is nie.
Alternatiewe naam Si-Sawat
Herkoms Thailand
Ontstaan Natuurlik
Pels Kort
Patroon Effekleurig
Wetenskaplike naam Felis catus

Die Korat (Thai: โคราช, มาเลศ, สีสวาด; Khorat, Malet, Si-Sawat) is ’n blou-grys, kortharige katras wat sy oorsprong in Thailand het.

Geskiedenis[wysig]

’n Thaise lila.

Die korat is een van die oudste natuurlike katrasse en is genoem na die Nakhon Ratchasima-provinsie, wat deur die mense van Thailand "Korat" genoem word. Die kat is in Thailand bekend as Si-Sawat, wat beteken "kleur van die sawat-saad".[1] Die eerste vermelding van die katte is in Die Katboek-gedigte, wat tussen 1350 en 1767 in Thailand geskryf is.[1] Die illustrasie van die korat is egter nie duidelik genoeg om dit definitief te eien nie.

Korats het tussen 1889 en 1896 die eerste keer in Brittanje beland as die "blou Siamees", maar omdat hulle nie voldoen het aan die Siamese kat se standaarde nie, het hulle teen 1901 van die toneel verdwyn. Hulle het in die 1950's in die VSA beland en in 1972 van daar weer in Brittanje.

Die Britse Governing Council of the Cat Fancy erken korat-tipe katte wat anders lyk as die tradisionele katte van effekleurige blou-grys: die Thaise lila wat ’n effekleurige lilakleur het, en die Thaise kleurpuntkat wat ’n kleurpuntpatroon soos ’n Siamees het.[2] Die gene wat vir laasgenoemde katte verantwoordelik is, het in die korat se bloedlyn beland toe nuwe katte met die resessiewe geen van Thailand ingevoer is. Die eerste Thaise lila is in 1989 in Brittanje gebore. Van 1990 af is nog van hulle geteel.

Beskrywing[wysig]

Die korat is ’n kat van klein of gemiddelde grootte en ’n klein persentasie liggaamsvet. Hul lywe is halfstewig en hulle is verbasend swaar vir hul grootte. Hulle het hartvormige koppe en groot oë, en is een van die min katrasse wat net een oogkleur het – in dié geval groen. Jong katte se oë is amberkleurig en word eers ná twee tot vier jaar heeltemal groen.[3] Hoewel dit selde voorkom, kan korats dowwe merke of strepe hê. Soms word die merke groter namate die kat ouer word. Dit word as ’n fout beskou en sulke katte mag nie geskou word nie.

Die katte is intelligent, spelerig[1] en aktief en vorm sterk bande met mense.

Verwysings[wysig]

  1. 1,0 1,1 1,2 Desmond Morris (1997). Cat World: A Feline Encyclopedia. New York: Penguin Books, 251–253. 
  2. GCCF Registration Policy for Korat and Thai Cats”. Governing Council of the Cat Fancy: Oktober 2007.
  3. Southern African Cat Council, URL besoek op 15 Januarie 2012

Eksterne skakels[wysig]

Sien ook[wysig]

Internasionale katrasse
Lang of  
halflang hare  
Amerikaanse kruloorkatAmerikaanse langhaarkatAmerikaanse stompstertkatBalinese katBritse langhaarkatBurmillaEgeïese katHeilige Birmaanse katJapannese stompstertkatJavanese katKimriese katKleurpunt-langhaarkatKoerile-stompstertkatLaPermMaine CoonManxMunchkinNebelungNoorse boskatOosterse langhaarkatPersiese katRagamuffinRagdollSelkirk-rexSiberiese katSkotse vouoorkatSomaliese katTurkse angoraTurkse van
Kort hare   Abessiniese katAmerikaanse draadhaarkatAmerikaanse korthaarkatAmerikaanse kruloorkatAmerikaanse stompstertkatAsiatiese katAustraliese sluierkatBengaalse katBirmaanse katBombaaikatBrasiliaanse korthaarkatBritse korthaarkatBurmillaChartreuxChausieCheetohCorniese rexDevon-rexDragon LiDuitse rexEgiptiese mauEksotiese korthaarkatEuropese korthaarkatHavana-bruinkatJapannese stompstertkatKoerile-stompstertkatKoratLaPermManxMunchkinOcicatOosterse korthaarkatOregon-rexPixie-bobRussiese bloukatRussiese wit-, swart- en streepkatSavannekatSelkirk-rexSerengeti-katSiamese katSingapuraSkotse vouoorkatSnowshoeSokokeThaise katTonkanese katToyger
Geen hare   BambinoDon-sfinksMinskinOekraïnse lefkoiPeterbaldSfinkskat