Frederik, kroonprins van Denemarke

in Wikipedia, die vrye ensiklopedie
Jump to navigation Jump to search
Frederik
Kroonprins van Denemarke
Frédéric, prince héritier de Danemark, comte de Monpezat.jpg
Volle naam Frederik André Henrik Christian
Bynaam Pingo[1]
Huis Sleeswyk-Holstein-Sonderburg-Glücksburg
Gebore 26 Mei 1968 (1968-05-26) (50 jaar oud) , Kopenhagen
Vrou Mary Donaldson
Kinders Christian, Isabella, Vincent, Josephine
Moeder Margrethe II van Denemarke
Vader Henri de Laborde de Monpezat
Diens Flag of Denmark (state).svg Deense weermag
Flag of Denmark (state).svg Deense vloot
Jare 1986 - hede

Frederik, kroonprins van Denemarke, graaf van Monpezat (geb. Frederik André Henrik Christian; 26 Mei 1968) is die regmatige troonopvolger van Denemarke. Hy is die oudste seun van koningin Margrethe II van Denemarke en Henrik, die prinsgemaal.

Vroeë lewe[wysig | wysig bron]

Frederik as ’n baba in sy ma se arms.

Frederik is op 26 Mei 1968 in Kopenhagen gebore toe sy ma nog prinses Margrethe was, die oudste dogter van Frederik IX en vermoedelike opvolger van die Deense troon. Met sy geboorte was sy oupa aan moederskant, Frederik IX, op die troon van Denemarke en sy oupagrootjie aan moederskant, Gustaf VI Adolf, op die troon van Swede. Hy het die kroonprins geword toe sy ma op 14 Januarie 1972 die troon bestyg.

Sy peetouers sluit in prins Georg van Denemarke, baron Maximilien de Wattevill-Berckheim, graaf Etienne de Laborde de Monzepat, koningin Anne-Marie van Griekeland, groothertogin Joséphine-Charlotte van Luxemburg en Birgitta Juel Hillingsø. Hy is genoem na:

  • Sy oupa van moederskant, Frederik IX, wat dus die koninklike tradisie volg om die troonopvolger òf Frederik òf Christian te noem.
  • Sy oupa aan vaderskant, André de Laborde de Monzepat.
  • Sy pa, prins Henrik.
  • Sy oupagrootjie Christian X.

Benewens Deens, sy moedertaal, praat hy ook vlot Frans (sy pa se moedertaal), Engels en Duits.

Die kroonprins het die grondslagfaseskool by Krebs' Skole in 1974-1981 bygewoon, van 1974-1976 as privaat leerling by die Amalienborgpaleis. Na sy skoolloopbaan het hy in 1989 begin met ’n kursus in staatsleer aan die Aarhus-universiteit. Dit het ’n jaar aan Harvard (1992-1993) ingesluit onder die naam Frederik Henriksen, waarna hy drie maande lank by die Deense VN-sending in New York gewerk het. In 1995 het hy sy M.Sc.-graad in staatsleer verwerf. Sy finale proefskrif het gehandel oor ’n ontleding van die buitelandse beleid van die Baltiese lande, wat hy tydens sy studie verskeie kere besoek het.[2][3]

Frederik het uitgebreide studie en opleiding in al drie weermagdienste voltooi. Hy is steeds aktief in die verdedigingsmagte. Hy het verskeie range, onder meer generaal-majoor in die leër.

Frederik en sy vrou, kroonprinses Mary, by die troue van Victoria, kroonprinses van Swede, en Daniel Westling.

Op 8 Oktober 2003 het koningin Margrethe amptelik haar toestemming gegee vir sy troue met Mary Elizabeth Donaldson, ’n Australiese bemarkingskonsultant wat die prins ontmoet het terwyl hy die Olimpiese Somerspele 2000 in Sydney bygewoon het. Hulle is op 14 Mei 2004 in Kopenhagen getroud. Die paartjie het vier kinders: Christian, sy erfgenaam; Isabella; Vincent; en Josephine.

Belangstellings[wysig | wysig bron]

Frederik en Mary bewonder die naghemel by ESO se sterrewag in Chili.[4]

Frederik stel baie belang in wetenskaplike navorsing, klimaatsverandering en volhoubaarheid.[5] Hy het al aan ekspedisies, forums en gebeure oor die klimaat deelgeneem[6][7][8][9][10] en onderhoude toegestaan oor volhoubaarheid.[6][11]

Die prins moedig Dene aan om aan sport deel te neem.[12] Hy is die beskermheer en erelid van verskeie sportorganisasies,[13][14][15] en lid van die Internasionale Olimpiese Komitee.[16]

Hy is self ’n geesdriftige sportman,[17] wat aan marathons in Kopenhagen, New York en Parys deelneem.[1][18] In 2013 was hy die eerste koninklike wat ’n Ystermankompetisie voltooi het.[19]

Hy is ook ’n ervare see- en drakebootvaarder wat al kompetisies gewen het.[20][21]

Simbole van kroonprins Frederik[wysig | wysig bron]

Verwysings[wysig | wysig bron]

  1. 1,0 1,1 Biography: Prince Frederik”. URL besoek op 26 Junie 2017.
  2. Au Gustus Aarhus Universitet (in Deens)”. 3 September 2008. URL besoek op 4 Januarie 2011.
  3. Crown Prince Frederik”. Royal Danish Ministry of Foreign Affairs. URL besoek op 4 Januarie 2011.
  4. "The Crown Prince Couple of Denmark visits ESO's Paranal Observatory". ESO. Besoek op 2 April 2013. 
  5. The Crown Prince Focusing on Climate Change (in Deens)”. JP/Politikens Hus A/S: 4 Desember 2009. URL besoek op 26 Junie 2017.
  6. 6,0 6,1 Harvey, Fiona (27 Maart 2010). “Europe’s royals as climate activists”. Financial Times Magazine. URL besoek op 14 September 2011.
  7. www.billedbladet.dk. www.billedbladet.dk (22 September 2009). Besoek op 14 September 2011.
  8. www.billedbladet.dk. www.billedbladet.dk (27 May 2009). Besoek op 14 September 2011.
  9. msndk.starlounge.com Geargiveer 16 Desember 2009 op Wayback Machine. msndk.starlounge.com. Besoek op 14 September 2011.
  10. thegloss.com. thegloss.com. Besoek op 14 September 2011.
  11. "Renovating a palace in Copenhagen". CNN. 
  12. www.billedbladet.dk”. billedbladet.dk: 14 October 2010. URL besoek op 14 September 2011.
  13. www.kronprinsparret.dk Geargiveer 26 Mei 2010 op Wayback Machine. www.kronprinsparret.dk (17 Januarie 2006). Besoek op 14 September 2011.
  14. www.kronprinsparret.dk Geargiveer 31 Augustus 2009 op Wayback Machine. www.kronprinsparret.dk. Besoek op 14 September 2011.
  15. www.kronprinsparret.dk Geargiveer 26 Mei 2010 op Wayback Machine. www.kronprinsparret.dk (28 Oktober 2010). Besoeki op 14 September 2011.
  16. spn.dk”. spn.dk. URL besoek op 14 September 2011.
  17. www.kronprinsparret.dk”. kronprinsparret.dk: 19 March 2007. URL besoek op 14 September 2011.
  18. Frederik of Denmark: The Unknown Heir (in Spanish)”. Hello!: 6 November 2007. URL besoek op 26 June 2017.
  19. Kronprins Frederik gennemfører ironman i god stil”. URL besoek op 28 November 2016.
  20. Bernard Schopfer/ RC 44 Class (3 Junie 2010). “www.sailing.org”. sailing.org. URL besoek op 14 September 2011.
  21. All Winners of Fyn Cup Found (in Danish)”. Jysk Fynske Medier P/S: 29 May 2010. URL besoek op 26 Junie 2017.

Eksterne skakels[wysig | wysig bron]