Gaan na inhoud

Hakka (volk)

in Wikipedia, die vrye ensiklopedie
Hakka

'n Hakka-huwelik in Oos-Timor
Totale bevolking: ca. 80 miljoen[1]
Belangrike bevolkings  in: China (Guangdong, Fujian, Jiangxi, Guangxi, Sichuan, Hunan, Zhejiang, Hainan, Guizhou, Hongkong, Macau), Taiwan, Suidoos-Asië (Singapoer, Maleisië, Indonesië, Thailand, Viëtnam, Mianmar, Oos-Timor), Suid-Asië (Indië, Nepal, Bangladesj, Sri Lanka[2]), Oseanië (Fidji, Australië, Nieu-Seeland), Afrika (Suid-Afrika, Mauritius, Réunion, Kenia, Tanzanië, Uganda), Noord-Amerika (Verenigde State, Kanada), Europa (Verenigde Koninkryk, Frankryk, Nederland), Karibiese gebied (Kuba, Trinidad en Tobago, Guyana, Suriname, Jamaika), Latyns-Amerika (Meksiko, Colombia, Panama, Brasilië, Peru, Argentinië)
Taal: Hakka
Geloofsoortuiging: Hoofsaaklik Chinese volksgodsdienste (Taoïsme, Konfusianisme, voorvaderaanbidding en ander), Mahayana-Boeddhisme, Christendom, ongebonde en ander
Verwante etniese groepe: Ander Han-Chinese volke

Die Hakka (Hakka: 客家人, pinyin: Kèjiārén; letterlik: "gaste"[3]) is een van die Han-Chinese volke met hul oorsprong in die Hakka-talige gebiede van die provinsies Guangdong, Fujian, Jiangxi, Guangxi, Sichuan, Hunan, Zhejiang, Hainan en Guizhou. In teenstelling met ander Han-Chinese groepe is die Hakka nie na 'n geografiese gebied, soos 'n provinsie, distrik of stad, genoem nie. Die hedendaagse Hakka word gewoonlik geïdentifiseer as mense wat een van die verskeie Hakka-dialekte praat of van Hakka-afkoms is. In die Volksrepubliek China word die Hakka nie as selfstandige etniese groep erken nie en by die Han-Chinese ingereken.

Tulou-geboue in Tianluokeng, Hukeng-stad, Yongding-distrik, Fujian

Die Hakka het hul oorsprong vermoedelik in die gebiede wat aan die Geelrivier grens, die hedendaagse Chinese provinsies Shanxi, Henan en Hubei.[4] In 'n reeks van migrasies het die Hakka in hul hedendaagse tuisland van Suid-China gevestig en vanaf daar het 'n aansienlike aantal oorsee na verskillende lande regoor die wêreld migreer, veral Suidoos-Asië, Noord- en Latyns-Amerika.[5] Die wêreldwye Hakka-bevolking word op sowat 80 miljoen geskat en hulle vorm die meesverspreide onder die Chinese gemeenskapsgroepe.

Die Hakka het 'n groot invloed op die ontwikkeling van die moderne China en oorsese Chinese geskiedenis gehad, veral 'n groot aantal van rewolusionêre, regerings- en militêre leiers was van Hakka-afkoms, waaronder Deng Xiaoping, Sun Yat-sen en Lee Kuan Yew.[6] Die Hakka is ook bekend vir hul rotundas, die Tulou (Vereenvoudigde Chinees: 土楼; Tradisionele Chinees: 土樓; pinyin: tǔlóu) wat in die provinsie Fujian opgerig is en in 2008 deur Unesco as wêrelderfenisgebied gelys is.[7] Ander geboue het 'n vierkantige ontwerp en staan as Fanglou (方樓; 方楼; Fānglóu) bekend.

Bevolking

[wysig | wysig bron]
Land Hakka-
bevolking 		Chinese
bevolking 		Totale
bevolking 		Persentasie van die
Chinese bevolking 		Meerderheid Bron
Vlag van Republiek China Republiek China 4 202 000 22 813 000 23 374 000 18,4% Tweede grootste Hakka Affairs Council, Taiwan, 2014[8]
Vlag van Hongkong Hongkong 1 250 000 (geskat) 6 643 000 7 300 000 18,8% Tweede grootste Prof Lau Yee Cheung, Chinese Universiteit van Hongkong, 2010[9]
Vlag van Singapoer Singapoer 232 914 2 794 000 3 771 700 8,3% Vierde grootste Singapoer-sensus, 2010[10]
Vlag van Maleisië Maleisië 1 650 000 6 550 000 30 116 000 25,2% Tweede grootste Maleisiese sensus, 2015[11][12]
Vlag van Thailand Thailand 1 502 846 9 392 792 67 091 371 16,0% Tweede grootste The World Factbook, 2012[13]

Verwysings

[wysig | wysig bron]
  1. ↑ (en) "Hakka". Encyclopædia Britannica. Geargiveer vanaf die oorspronklike op 29 September 2019. Besoek op 14 Januarie 2018.
  2. ↑ (en) https://books.google.com.au/books?id=d7PcAwAAQBAJ&printsec=frontcover#v=onepage&q&f=false
  3. ↑ (en) LaCroix, Frederick E. (2009). The sky rained heroes: A journey from war to remembrance. Austin: Synergy Books. p. 56. ISBN 978-0-9821601-3-8.
  4. ↑ (en) "The Hakka". Edu.ocac.gov.tw. Geargiveer vanaf die oorspronklike op 9 September 2019. Besoek op 14 Januarie 2018.
  5. ↑ (en) "Welcome to Longyan Municipal People's Government, PRC". English.longyan.gov.cn. Geargiveer vanaf die oorspronklike op 6 April 2014. Besoek op 15 Januarie 2015.
  6. ↑ (en) Erbaugh, Mary S. (Desember 1992). "The Secret History of the Hakkas: The Chinese Revolution as a Hakka Enterprise". The China Quarterly (132). Cambridge University Press: 937–968. JSTOR 654189.
  7. ↑ (en) "Fujian Tulou". Unesco. Geargiveer vanaf die oorspronklike op 27 April 2020. Besoek op 14 Januarie 2018.
  8. ↑ (zh) 客委會人口調查 全台約18%是客家人
  9. ↑ (zh) 香港客家人
  10. ↑ (en) Census of Population 2010 Geargiveer 5 Oktober 2016 op Wayback Machine
  11. ↑ (en) "Home for Hakka group opens".
  12. ↑ (en) "The Malaysian Chinese population is decreasing".
  13. ↑ (en) "The World Factbook". Central Intelligence Agency. Geargiveer vanaf die oorspronklike op 16 Mei 2020. Besoek op 14 Januarie 2018.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Hakka_(volk)&oldid=2686176"