Gaan na inhoud

Japannese Rugbyvoetbalunie

in Wikipedia, die vrye ensiklopedie
(Aangestuur vanaf Japanse Rugbyvoetbalunie)
Japannese Rugbyvoetbalunie
Kenteken van die Japannese Rugbyvoetbalunie
Kenteken van die Japannese Rugbyvoetbalunie
Engelse naam Japan Rugby Football Union
Afkorting JRFU
Japannese naam 日本ラグビーフットボール協会, Nihon Ragubi- Futtobo-ru Kyo-kai
Land Vlag van Japan Japan
Sportsoorte Rugby, Sewesrugby
Gestig op 30 November 1926
Gestig in Tokio, Japan
Lid van Wêreldrugby
Aangesluit in 1987
Vastelandse beheerliggaam Asië Rugby
Patroon Prinses Akiko van Mikasa
Voorsitter Kensuke Iwabuchi
President Masato Tsuchida
Setel Chichibunomiya Rugbystadion, Tokio, Japan
Amptelike taal Japannees
Amptelike webwerf rugby-japan.jp

Die Japannese Rugbyvoetbalunie (Engels: Japan Rugby Football Union, afgekort “JRFU”; Japannees: 日本ラグビーフットボール協会, Nihon Ragubi- Futtobo-ru Kyo-kai) is die bestuursliggaam wat rugby en sewesrugby in Japan beheer. Die beheerliggaam is in 1926 gestig en by die Chichibunomiya Rugbystadion in Tokio gesetel. Sedert 1987 verteenwoordig dit Japan by Wêreldrugby en sedert 1968 ook by Asië Rugby (“AR”).

Geskiedenis

[wysig | wysig bron]
Afbeelding van ’n rugbywedstryd in Japan in Harpers Magazine in 1874

Die Japannese Rugbyvoetbalunie is op 30 November 1926 gestig[1] en het in 1987 by die Internasionale Rugbyvoetbalraad (IRVR, nou Wêreldrugby) aangesluit.[2] Daarmee het die JRFU gelyktydig ’n setel by die wêreldbeheerligaam se uitvoerende raad ingeneem.[3][4] Daarbenewens was die JRFU in 1968 ’n stigtingslid van die Asiatiese Rugbyvoetbalunie (Engels: Rugby Football Union, ARFU; nou Asië Rugby).[5]

Taak

[wysig | wysig bron]
Hoofkantoor van die Japannese Rugbyvoetbalunie langs die Chichibunomiya Rugbystadion in Tokio

Die Japannese Rugbyvoetbalunie organiseer verskeie nasionale spanne, insluitend Japan se nasionale seniormansrugbyspan (Kersiebloeisels, Sakura of Dapper Bloeisels), vroue en jeug. Die JRFU hou ook toesig oor sewesrugby in Japan en aangesien dit ’n Olimpiese sportsoort is, werk hulle met die Japannese Nasionale Olimpiese Komitee saam. Naas die amptelike nasionale span roep die Japannese Rugbyvoetbalunie ook ander keurspanne byeen. Junior Japan is die tweede nasionale span van Japan. Sedert 2013 neem hulle aan Wêreldrugby se Stille Oseaan-uitdaagtoernooi deel, saam met die tweede spanne uit Fidji, Samoa en Tonga. Die Japan Sevens is die Japannese sewesrugbyspan en hulle neem aan internasionale toernooie soos Wêreldrugby se Sewesreeks, Sewesrugbywêreldbeker en Olimpiese Somerspele deel. Daarbenewens bestuur die beheerliggaam kinder- en jeugrugby in Japan. Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting. Net soos ander rugbylande beskik Japan oor ’n o/20-nasionale span wat aan die Wêreldrugby o/20-kampioenskap deelneem.[6]

Die beheerliggaam reël ook die plaaslike kompetisies. Die Japan Rugby League One, waaraan twaalf professionele klubspanne deelneem, is die belangrikste rugbyliga in Japan. Dit is in 2003 ten einde van die Japannese rugby se verdere ontwikkeling gestig. Sedertdien speel die meeste spelers van die Japannese nasionale span in dié liga. Van 2016 tot 2020 het met die Sunwolves ’n Japannese span deelgeneem aan die Superrugbytoernooi, die Suidelike Halfrond se internasionale rugbyliga.

Die Japannese Rugbyvoetbalunie organiseer ook gereeld internasionale toernooie. Hulle het al opgetree as gasheer van die Rugbywêreldbeker 2019. Dit was die eerste rugbywêreldbekertoernooi in Asië en buite die “tradisionele tuiste” van rugby.[7] Daarbenewens is die Japan Sewes jaarliks op die Chichibunomiya Rugbystadion beslis.

Kenteken

[wysig | wysig bron]

Die Sakura-kenteken van die beheerliggaam en die nasionale span toon drie kersiebloeisels in volle blom. Met die stigting van die nasionale span in 1930 het die kenteken ’n knop, ’n blom wat oopgaan en ’n blom wat heeltemal oop is getoon. In 1952 was al drie Sakuras in volle blom. Wanneer en hoe hierdie verandering geïmplementeer is, kan nie meer bepaal word nie. Wat wel bekend is, is dat die oorspronklike ontwerp van die sportgoedhandelaar Ishi Fukui (1892–1993) kom. Sy het vanaf 1922 in Kioto ’n winkel bestuur, waar sy onder andere ingevoerde rugby-items verkoop het, en sy was bevriend met verskillende spelers en afrigters, waarvolgens sy in latere jare „rugby-ouma“ genoem is.[8]

Verwysings

[wysig | wysig bron]
  1. ↑ (en) John R. Jones; Maurice Golesworthy (1976). Encyclopedia of Rugby Union Football. Londen: Robert Hale. p. 69. ISBN 0-7091-5394-5.{{cite book}}: AS1-onderhoud: meer as een naam (link)
  2. ↑ (en) "Japan". Wêreldrugby. Besoek op 25 Maart 2024.
  3. ↑ (en) Huw Richards (2007). A Game for Hooligans: The History of Rugby Union. Edinburgh: Mainstream. p. 212. ISBN 978-1-84596-255-5.
  4. ↑ (en) Richard Bath (1997). Complete Book of Rugby. Seven Oaks. p. 69. ISBN 1-86200-013-1.
  5. ↑ (en) "Japan Rugby Football Union". Asië Rugby. Besoek op 25 Maart 2024.
  6. ↑ (en) "World Rugby U20 Championship". Wêreldrugby. Besoek op 25 Maart 2024.
  7. ↑ (en) "England will host 2015 World Cup". BBC. 28 Julie 2009. Besoek op 25 Maart 2024.
  8. ↑ (en) ""Rugby Grandma": Designer behind Japan team's cherry blossom emblem". Kyodo News. 20 September 2019. Besoek op 25 Maart 2024.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Japannese_Rugbyvoetbalunie&oldid=2704999"