Jim Lovell
Jim Lovell | |
|---|---|
 Jim Lovell in 1964 | |
| Gebore | James Arthur Lovell Jr. 25 Maart 1928 |
| Sterf | 7 Augustus 2025 (op 97) Lake Forest, Illinois |
| Nasionaliteit |  Verenigde State |
| Beroep | Ruimtevaarder, toetsvlieënier |
| Ouer(s) | James Lovell sr. en Blanche (née Masek) |
James Arthur "Jim" Lovell Jr. (25 Maart 1928 – 7 Augustus 2025) was 'n Nasa-ruimtevaarder en afgetrede kaptein van die Amerikaanse Vloot. Hy het bekend geraak as die bevelvoerder van die Apollo 13-missie wat kritiek geraak het nadat 'n suurstoftenk tydens die maanreis ontplof het. Hy was ook die bevelvoerder van Apollo 8 se Apollo-beheer-en-diensmodule, die eerste Apollo-missie wat om die maan gewentel het. Hy het aan twee Gemini-sendings deelgeneem: Gemini 7 en Gemini 12.
Jim Lovell en sy twee bemanningslede van Apollo 8, William Anders en Frank Borman, is in 1968 as Time se Persone van die Jaar aangewys ter erkenning vir hulle harde werk. Hy het die Congressional Space Medal of Honor en die Presidential Medal of Freedom ontvang. Hy was een van slegs 24 mense wat na die maan gevlieg het, die eerste van drie mense wat twee keer na die maan gevlieg het en die enigste wat twee keer na die maan gevlieg het sonder om daarop te land. Hy was ook die eerste persoon wat vier ruimtevlugte onderneem het.
Sien ook
[wysig | wysig bron]Eksterne skakels
[wysig | wysig bron]
Wikimedia Commons het meer media in die kategorie Jim Lovell.- (en) Jim Lovell in die Internet-rolprentdatabasis
