Gaan na inhoud

Jeff Bezos

in Wikipedia, die vrye ensiklopedie
Jeff Bezos
Jeff Bezos tydens die ENCORE-prysplegtigheid in 2010
Gebore
Jeffrey Preston Bezos

12 Januarie 1964
NasionaliteitVerenigde State
BeroepVoorsitter en hoof- uitvoerende beampte van Amazon.com, Inc.
EggenootMackenzie Bezos (trou 1993)
KindersVier

Jeffrey Preston "Jeff" Bezos [ˈbeɪzəs] (* 12 Januarie 1964) is 'n Amerikaanse internet-entrepreneur en mediamagnaat. As stigter en hoof uitvoerende beampte van Amazon.com, Inc., oorspronklik 'n aanlyn-boekwinkel wat intussen 'n wye verskeidenheid produkte en dienste aanbied, het hy 'n beslissende rol in die groei van e-handel gespeel. In Augustus 2013 het hy die gesiene dagblad The Washington Post gekoop.

Jeug en opvoeding

Bezos is gebore uit die huwelik van Jacklyn Gise en Theodore "Ted" Jorgensen. Sy ouers is kort ná sy geboorte geskei. Toe hy vier jaar oud was, het sy ma met Kubaanse banneling Miguel "Mike" Bezos getrou. Sy van is na Bezos veranser. Die gesin het in die 1960's uitgebrei met dogter Christine en seun Mark. Hy het na die laerskool in Houston gegaan. Die gesin het toe na Miami verhuis waar hy sy opleiding aan Miami Palmetto Senior High School voortgesit het voordat hy elektriese ingenieurswese en rekenaarwetenskap aan die Princeton-universiteit studeer het. Hy het sy baccalaureusgraad in 1986 ontvang.

Werk

Ná sy studies het hy by die Taiwanese selfoonmaatskappy FITEL gaan werk, toe vir Bankers Trust en toe by DE Shaw & Co. Daar het hy saam met David E. Shaw (gebore 1951) die idee gekry om 'n aanlyn boekwinkel op die been te bring. In 1994 het hy Amazon.com gestig en DE Shaw & Co verlaat om sy e-handelsidees verder te ontwikkel. In 2000 het hy die private Amerikaanse ruimtemaatskappy Blue Origin gestig. Sedert Augustus 2013 besit hy die koerant The Washington Post, wat hy vir $250 miljoen gekoop het.

Op 2 Februarie 2021 het Bezos aangekondig dat hy gedurende 2021 as uitvoerende hoof van Amazon sal bedank en in die rol van uitvoerende voorsitter sal oorgaan. Andy Jassy, die hoof van Amazon se wolkrekenaarafdeling, het die rol met ingang van 5 Julie 2021 oorgeneem. Hy het gesê dit sal hom meer tyd gee om op sy projekte te fokus, insluitend sy ruimteverkenningsmaatskappy Blue Origin, sy filantropiese inisiatiewe en toesighouding oor The Washington Post.[1][2][3]

Op 20 Julie 2021 was Bezos een van vier passasiers wat die ruimte ingevlieg het aan boord van sy maatskappy Blue Origin se eerste bemanning New Shepard. Richard Branson het hom egter nege dae vroeër in die stryd verslaan om te sien wie die eerste sou wees om die ruimte in sy eie ruimteskip te bereik.

Privaat lewe

Bezos het sy vrou, MacKenzie Tuttle, wat ses jaar jonger is, in 1992 ontmoet toe hulle albei vir die beleggingsfirma DE Shaw in New York gewerk het. Binne 'n jaar is die twee getroud.[4] Dit was voor die stigting van Amazon. Hulle het saam drie seuns gehad en 'n meisie uit China aangeneem. Op 9 Januarie 2019 het hy sy egskeiding via Twitter aangekondig. Hulle was binne gemeenskap van goed getroud. Kort nadat die egskeiding bekend geword het, het dit geblyk dat Jeff 'n paar maande lank 'n verhouding met die TV-aanbieder Lauren Sánchez gehad het. Die poniekoerant National Enquirer het gedreig om die affêre met foto's bloot te lê en sms-boodskappe van Bezos aan sy minnares uitgelek. Bezos het geweier om afgepers te word en het daarom die egskeiding via Twitter aangekondig. Die huwelik het formeel op 5 Julie 2019 geëindig. As deel van die egskeiding het MacKenzie Tuttle 'n 4%-belang in Amazon.com ter waarde van US$38 miljard ontvang.[5][6][7]
In Mei 2023 is hy getroud met Lauren Sánchez.[8]

In 2021 het hy Oceanco-skeepswerf in Alblasserdam opdrag gegee om vir hom 'n super seiljag met 'n lengte van 127 meter te bou. Dit is Koru ("nuwe begin" in Māori genoem). Met die vertrek van die werf in November 2022 is die skip na die Greenport-werf in Eemhaven in Rotterdam vervoer, waar dit deur De Hef in Rotterdam moes verbygaan. Weens die hoë maste van die skip sou dit gedeeltelik gesloop en herbou word. Daar is besluit om die maste afsonderlik te vervoer en later aanmekaar te sit. Die skip is in April 2023 afgelewer. Konstruksie het meer as $500 miljoen gekos.

Bates

In 2018 het hy die eerste persoon in die wêreld geword met 'n netto waarde van meer as US$100 miljard [9][10] Ná die egskeiding was Jeff Bezos se netto waarde VS$115,60 miljard.[11] 11] In Augustus 2020 het Bezos die eerste persoon geword wat 'n netto waarde van meer as US$200 miljard gehad het.

Verwysings

  1. "Jeff Bezos to Step Down as Amazon C.E.O." (in Engels). Besoek op 3 Februarie 2021. {{cite web}}: Onbekende parameter |archiefdatum= geïgnoreer (hulp); Onbekende parameter |archiefurl= geïgnoreer (hulp)
  2. "Amazon will have a new CEO as Jeff Bezos transitions to executive chair later this year". Besoek op 3 februari 2021taal=en. {{cite web}}: Gaan datum na in: |bezochtdatum= (hulp); Onbekende parameter |archiefdatum= geïgnoreer (hulp); Onbekende parameter |archiefurl= geïgnoreer (hulp)
  3. "Jeff Bezos, Amazon's founder, will step down as CEO" (in Engels). Besoek op 3 Februarie 2021.
  4. AD.NL Scheiding rijkste miljardair wordt duurste ooit, 10 januari 2019, geraadpleegd op 7 Februarie 2019. Gearchiveerd op 9 Februarie 2019.
  5. (en) The Guardian Jeff Bezos pays out $38bn in divorce settlement, 30 juni 2019, geraadpleegd 2 Augustus 2019. Gearchiveerd op 30 Augustus 2019.
  6. FD.NL MacKenzie Scott: mijn schatkist gaat leeg, 11 januari 2019. Gearchiveerd op 16 augustus 2023.
  7. Business Insider Jeff Bezos, de rijkste man op aarde, gaat scheiden – een kijkje in zijn huwelijk van 25 jaar met MacKenzie, 9 januari 2019. Gearchiveerd op 13 Februarie 2023.
  8. [1] Jeff Bezos vraagt vriendin Lauren Sánchez ten huwelijk, RTL Nieuws, 23 Mei 2023.
  9. (en) Forbes 400 2018: A New Number One And A Record-Breaking Year For America's Richest People, Kerry A. Dolan, Forbes, 3 Oktober 2018
  10. (en) Bloomberg Jeff Bezos, 29 Desember 2017, geraadpleegd 29 Desember 2017. Gearchiveerd op 13 Januarie 2018.
  11. (en) Jeff Bezos net worth, Forbes, 19 Januarie 2020. Gearchiveerd op 13 Augustus 2023.

Eksterne skakels