Japannese Wikipedia

vanuit Wikipedia, die vrye ensiklopedie.

Japannese Wikipedia


Tipe	Wiki
Taal	Japannees
Registrasie	Opsioneel
Eienaar	Wikimedia Stigting
Opgerig	20 Mei 2001^[1]
Status	Aktief
URL	ja.wikipedia.org

Die Japannese weergawe van Wikipedia (ウィキペディア) is op 20 Mei 2001 geskep. Op 26 April 2008 het hulle reeds 486 523 artikels, wat dit die vierde grootste uitgawe van Wikipedia maak, net na die Engelse, Duitse, Franse en Poolse Wikipedias.

Inhoud

1 Geskiedenis
- 1.1 Lokalisasie
- 1.2 Uitbreiding
2 Eksterne skakels
3 Verwysings

[wysig] Geskiedenis

Die Japannese Wikipedia word in Mei 2001 saam met 12 nie-Engelse Wikipedias opgerig. Die URL van die webwerf was daai tyd http://nihongo.wikipedia.com. Aangesien die MediaWiki-sagteware nog nie met Japannese tekens kon werk nie, is die eerste bladsye in 'n Latynse alfabet genaamd Rōmaji geskryf.

Die eerste artikel heet Nihongo No Funimekusu en was volledig in Rōmaji geskryf. Tot einde Desember 2001 het die Wikipedia slegs twee artikels gehad.

[wysig] Lokalisasie

Op 1 September 2002 word die sagteware opgegradeer na die sogenaamde "Fase III"-weergawe en die artikels word oorgedra vanaf die ou na die nuwe weergawe. Na die opgradering is dit steeds moontlik om vroeër wysigings aan artikels te sien. Sommige artikels was deur mense wat nie Japannees as moedertaal gebruik het nie geskryf. Belangrike onderwerpe soos Japannese kultuur, Japannese taal, geografie en rekenaarprogrammering is voorbeelde hiervan.

In dieselfde maand word begin om die koppelvlak na Japannees te vertaal. Teen die einde van die jaar was die wysigingsproses en die GNU-lisensie vir vrye dokumentasie vertaal. Teen middel Desember was daar omtrent 10 geregistreerde gebruikers en omtrent 10 artikels.

[wysig] Uitbreiding

Op 31 Januarie 2003 plaas 'n Japannees aanlyn tydskrif, Wired News Japanese edition, 'n artikel oor Wikipedia op hulle voorblad. Na die gebeurtenis neem die aantal gebruikers dramaties toe en baie bladsye word vertaal of nuut geskep.