Matzikama Plaaslike Munisipaliteit

in Wikipedia, die vrye ensiklopedie
Spring na: navigasie, soek
Flag of South Africa.svg Matzikama Plaaslike Munisipaliteit
Kaart van Suid-Afrika wat Matzikama Plaaslike Munisipaliteit in Wes-Kaap aandui
Provinsie Wes-Kaap
Distriksmunisipaliteit Weskus
Tipe Plaaslike Munisipaliteit
Munisipale kode WC011
Hoofstad Vredendal
Grootste tale Afrikaans, Xhosa
Area 12 981 km²  
Bevolking 67,147 (2011)


Matzikama is die mees noodwestelike plaaslike owerheid in die provinsie Wes-Kaap, binne die gebied van die Weskus-distriksmunisipaliteit. Dit word begrens deur die Atlantiese Oseaan in die weste, 'n distriksbestuursgebied van die Namakwa-distriksmunisipaliteit in die noorde, die Cederberg Plaaslike Munisipaliteit in die suide en die provinsie Noord-Kaap in die ooste. Die hoofdorp is Vredendal, met ander belangrike dorpe Vanrhynsdorp, Klawer, Koekenaap, Strandfontein, Doringbaai en Lutzville. Die totale oppervlak van die munisipaliteit is sowat 5 549 km². Die naam is ontleen aan die Matsikammaberge, sowat 10 km suid van Vanrhynsdorp, tussen die Troe-Troe en Wiedourivier.

Nedersettings[wysig]

Nedersettings in die munisipaliteit sluit in:

Bevolking[wysig]

Die totale bevolking volgens die sensus van 2001 was 50 167. Van die totaal was 38 217 bruin, 9 124 wit, 2 800 swart en 65 Indiërs. Die oorgrote meerderheid van die bevolking is Afrikaanssprekend (47 751), gevolg deur Xhosasprekendes (1 667) en Engelssprekendes (459). Geen ander taal het meer as honderd sprekers gehad nie.

Opvoeding[wysig]

Daar was in 2006 30 staats- en privaat skole binne die munisipale grense. Die hoërskole was: Vanrhynsdorp, Lutzville, Vredendal en Vredendal Sekondêr.

Polisiestasies[wysig]

Daar was in 2006 'n polisiestasie op Vredendal, Vanrhynsdorp, Klawer, Lutzville en Doringbaai.

Gesondheid[wysig]

Benewens klinieke op die meeste dorpe, is die enigste provinsiale hospitaal op Vredendal.

Media[wysig]

Radio Namakwaland saai daagliks uit van Vredendal en het 'n Christelike inslag. Ons Kontrei is 'n weekblad wat op Vredendal uitgegee word, terwyl die Swartland en Weskus Herald sedert 2006 weekliks 'n uitgawe vir die Olifantsrivier-gebied publiseer. Die koerant se hoofkantoor is op Malmesbury, maar hy het ook 'n plaaslike kantoor op Vredendal.

Besienswaardighede[wysig]

Die gebied word jaarliks druk besoek deur blommekykers, wat spesifiek hierheen kom om die lente-blomme te bekyk, of op pad is na Namakwaland, noord van Matzikama.

Eksterne skakels[wysig]


Vlag van Suid-Afrika

Provinsie Wes-Kaap

Hoofstad:

Kaapstad

Streke:

Eden | Kaapse Skiereiland | Kaapse Wynlande | Sentraal Karoo | Overberg | Weskus

Grootste stede en dorpe:

Kaapstad | George | Mosselbaai | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester

Munisipaliteite:

Beaufort-Wes | Bergrivier | Bitou | Breedevallei | Kaap Agulhas | Cederberg | Drakenstein | Eden | George | Hessequa | Kaapstad | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Prins Albert | Saldanhabaai | Sentraal Karoo | Stellenbosch | Swartland | Swellendam | Theewaterskloof | Weskus | Witzenberg