8 Maart – Slag van Bamberg: Johann Tserclaes van Tilly verslaan die Swede tydens die Dertigjarige Oorlog.
16 Maart – Die stad Donauwörth word deur Sweedse magte onder beleg geplaas.
29 Maart – Die Verdrag van Saint-Germain-en-Laye word onderteken. Quebec (Nieu-Frankryk) word gevolgelik weer onder Franse beheer geplaas nadat die Engelse dit in 1629 beset het.
14 April – Slag van Rain: Sweedse magte onder leiding van Gustavus Adolphus verslaan die Heilige Romeinse Ryk tydens die Dertigjarige Oorlog.
20 Junie – Die kolonie, Maryland (vandag die staat Maryland in die VSA) word gevestig. Die is vernoem na Karel I van Engeland se vrou, Henriëtta Maria. Die kolonie is onder beheer van Heer Baltimore geplaas.
25 Junie – Susenyos se seun, Keiser Fasilides verklaar dat die staatsgodsdiens van Ethiopië die Ethiopiese Ortodokse Christendom sal wees. Die Jesuïtiese sendelinge en ander Europeërs word uit die land verban.
6 November – Slag van Lützen tydens die Dertigjarige Oorlog. Koning Gustav II Adolf van Swede sterf tydens die veldslag. Sy dogter, Christina word koningin terwyl vyf vorste gelei deur Axel Oxenstierna die land sal regeer aangesien sy nog minderjarig is. Die Heilige Romeinse Ryk en die Katolieke Liga word weereens deur die Swede verslaan.