Antille

in Wikipedia, die vrye ensiklopedie
Jump to navigation Jump to search
Antille
Inheemse naam: Antilles, Zantiy, Antiliiz, Antillen, Antias, Antilhas, Antillas
Kaart van die Antille
Kaart van die Antille
Geografie
LocationAntilles.svg
Ligging Atlantiese Oseaan, Karibiese See, Golf van Meksiko

Argipel Wes-Indië
Totale eilande meer as 50
Hoofeilande Groot- en Klein-Antille
Oppervlakte 220 447 vk km

Administrasie
Sien teks.

Demografie
Bevolking 38 802 426

Die Antille (Engels: Antilles; Frans: Antilles; Haïtiaanse Kreools: Zantiy; Jamaikaanse Patois: Antiliiz; Nederlands: Antillen; Papiaments: Antias; Portugees: Antilhas; Spaans: Antillas) is 'n argipel in die Karibiese gebied, wat uit die Groot-Antille en die Klein-Antille bestaan. Saam met die Lucayan-argipel (Bahamas en Turks- en Caicoseilande) vorm dit Wes-Indië. Die Antille grens in die suide en weste aan die Karibiese See, in die noordweste aan die Golf van Meksiko en in die noorde en ooste aan die Atlantiese Oseaan.

Nasa-Satellietbeeld van die Antille
Ligging van die Antille se eilandboog

Die eilandnaam "Antille" is van die Latynse ante ilium ("eilande net voor die kus") afgelei, dus die eilande voor die Sentraal-Amerikaanse kus. Volgens 'n ander teorie het die term "Antille" reeds in die Middeleeue na 'n mitiese eiland wes van Europa oorkant die Atlantiese Oseaan verwys. Nadat die Amerikas in 1492 deur Christophorus Columbus vir Europa ontdek is, het die Antille hul naam gekry.

Die Groot-Antille bestaan uit die Kaaimanseilande, Kuba, Hispaniola (verdeel in die twee lande die Dominikaanse Republiek en Haïti), Jamaika en Puerto Rico. Die Klein-Antille bevat die noordelike Bowindse Eilande, die suidoostelike Benedewindse Eilande en die suidoostelike Bowindse Eilande net noord van Venezuela. Die Lucayan-argipel behoort tot Wes-Indië, maar word algemeen nie as deel van die Antille beskou nie.[1]

In geografiese opsig word die Antille algemeen as 'n substreek van Noord-Amerika beskou. Kultureel word veral Kuba, die Dominikaanse Republiek en Puerto Rico – en soms die hele Antille – as 'n deel van Latyns-Amerika beskou, alhoewel sommige bronne dié sosio-ekonomiese oorvereenvoudiging vermy en die term "Latyns-Amerika en die Karibiese gebied" gebruik.[2] Geologies bestaan die Groot-Antille uit kontinentale rots, terwyl die Klein-Antille veral uit vulkaniese rots of koraaleilande bestaan.

Geografie[wysig | wysig bron]

Die eilandboog word verdeel in die volgende eilandgroepe:

Caribbean - Greater Antilles.PNG Groot-Antille Kuba, Jamaika, Hispaniola en Puerto Rico
Caribbean - Lesser Antilles-2010-24-05.PNG Klein-Antille Die Klein-Antille word verder verdeel in die Bowindse Eilande (Maagde-eilande vanaf Grenada) en die Benedewindse Eilande (Isla Margarita tot Aruba).

Lande en gebiede volgens argipel[wysig | wysig bron]

Groot-Antille[wysig | wysig bron]

Kaart van die Antille in 1843
Ligging van die Antille in die Amerikas
Lande van die Antille
Die eksklusiewe ekonomiese sone van die Antille

Klein-Antille[wysig | wysig bron]

Verwysings[wysig | wysig bron]

  1. "Antillas" (in Spaans). Encarta. Geargiveer vanaf die oorspronklike op 31 Oktober 2009.
  2. "85.04.04: The Geophysics and Cultural Aspects of the Greater Antilles". teachersinstitute.yale.edu (in Engels). Geargiveer vanaf die oorspronklike op 23 Maart 2018.

Bronne[wysig | wysig bron]

  • (en) Rogonzinski, Jan (2000). A Brief History of the Caribbean. Londen: Penguin. ISBN 978-0-452-28193-6.

Eksterne skakels[wysig | wysig bron]