Montserrat

in Wikipedia, die vrye ensiklopedie
Jump to navigation Jump to search
Montserrat
Vlag van Montserrat Wapen van Montserrat
Vlag Wapen
Nasionale leuse:
A people of excellence, moulded by nature, nurtured by God
(Engels vir: "'n Volk van uitnemendheid, gevorm deur die natuur, gevoed deur God")
Volkslied: God Save the Queen
(Engels vir: "God beskerm die koningin")

Nasionale volkslied: Motherland
(Engels vir: "Moederland")
Ligging van Montserrat
Hoofstad Plymouth (de jure)a
16°42′N 62°13′W / 16.700°N 62.217°W / 16.700; -62.217
Brades (de facto)
16°47′N 62°12′W / 16.783°N 62.200°W / 16.783; -62.200
Grootste stad Plymouth
Amptelike tale Engels
Regering

Monarg
• Goewerneur
Eerste minister
• Verantwoordelike
Britse ministerb
Parlementêre afhanklikheid
onder ’n grondwetlike monargie
Elizabeth II
Andrew Pearce
Donaldson Romeo

Tariq Ahmad
Onafhanklikheid

1632
Oppervlakte
 - Totaal
 
 - Water (%)
 
102 km2  (219de)
39 myl2
feitlik niks
Bevolking
 - 2012-skatting
 - Digtheid
 
4 900 (233ste)
44 / km2 (153ste)
114 / myl2
BBP (KKP)
 - Totaal
 - Per capita
2014-skatting

$63 miljoen
$12 384

Geldeenheid Oos-Karibiese dollar (XCD)
Tydsone
 - Somertyd
(UTC-4)
nie toegepas nie (UTC-4)
Internet-TLD .ms
Skakelkode +1-664
a. Na 'n vulkaniese uitbarsting in 1997 verlaat. Regeringsgeboue is in die de facto hoofstad Brades geleë.
b. Vir al die Britse oorsese gebiede

Montserrat (Engels: [mɒntsəˈræt]) is 'n klein eiland in Noord-Amerika en 'n oorsese gebied van die Verenigde Koninkryk met 'n oppervlakte van 102 km² en 'n bevolking van 4 900 in 2012. Dit behoort tot die Klein Antille.

Montserrat, soos gesien vanaf die Internasionale Ruimtestasie, op 9 Julie 2001. 'n Vulkaniese uitbarsting is duidelik sigbaar
Kaart van Montserrat

Montserrat is in die noordoostelike Karibiese See op die grens met die Atlantiese Oseaan geleë. Dié eilandgebied grens in die noordweste aan St. Kitts en Nevis, in die noordooste aan Antigua en Barbuda en in die suidooste aan Guadeloupe. Die grootste stad en sedert 1998 de jure hoofstad is Plymouth, terwyl die voormalige hoofstad Brades sedert 'n vulkaniese uitbarsting van 1997 'n verlate spookdorp is.

Montserrat is in November 1493 deur Christophorus Columbus tydens sy tweede reis vir Europa ontdek en ná die heilige swart Madonna van Montserrat in die klooster Montserrat op Montserrat-heuwel naby Barcelona in Spanje genoem.[1] Mons Serratus beteken "getande berg" in Latyn en Montsagrat "heilige berg" in Katalaans.[2] In 1632 het 'n getal Iere op dié eiland gevestig.[3] Die Iere was bondgenote van die Franse weens hul gemeenskaplike afkeur van die Engelse en dit het Frankryk in 1666 genooi om Montserrat op te eis, maar geen troepe is ná dié eiland ontplooi nie. Montserrat is egter deur Engeland verower en Frankryk het dié eiland volgens die Verdrag van Breda in 1667 aan Engeland afgestaan. In 1782 het Frankryk Montserrat tydens die Amerikaanse Rewolusionêre Oorlog ter ondersteuning van die jong Verenigde State teen Groot-Brittanje beset, maar nie beplan om dié eiland by die Franse koloniale ryk in te lyf nie. Hulle het Montserrat egter volgens die Vrede van Parys in 1783 aan Groot-Brittanje teruggegee en dié eiland is by die Britse Ryk ingelyf.[4] Vanaf 1871 tot 1958 is Montserrat as deel van die federale kroonkolonie Britse Leeward-eilande bestuur. Tussen 1958 en 1962 het dit saam met ander Britse kolonies in die Karibiese gebied deel uitgemaak van die Wes-Indiese Federasie. Montserrat word deur die Verenigde Nasies as 'n gebied sonder eie regering beskou.[5]

Ernstige vulkaniese aktiwiteit, wat in Julie 1995 begin het, het 'n demper op die klein ekonomie van Montserrat geplaas. Weens 'n katastrofale vulkaniese uitbarsting in Junie 1997 moes die lughawe en die seehawens gesluit word, wat tot 'n verdere ekonomiese en sosiale ontwrigting gelei het. Twee derde van die 12 000-bevolking het van dié eiland gevlug, veral na die Verenigde Koninkryk. Sommige kon in 1998 terugkeer, maar die gebreek an behuising en grond vir landbou het die ekonomiese situasie moeilik gemaak. Meer as die helfte van dié eiland is tans onbewoonbaar.[6]

Krieket is Montserrat se gewildste sportsoort en spelers mag vir die Wes-Indiese nasionale krieketspan uitdraf.

Verwysings[wysig | wysig bron]

  1. (en) Minahan, James (1 Desember 2009). The Complete Guide to National Symbols and Emblems: Volume 2. Greenwood Press. p. 724. ISBN 978-0-313-34500-5. 
  2. (en) "Montserrat". Encyclopædia Britannica. Besoek op 21 Mei 2018. 
  3. (en) Roberts-Wray, Kenneth (1966). Commonwealth and Colonial Law. Londen: Stevens. p. 855. 
  4. (en) O'Shaughnessy, A. J. (2006). "Caribbean". In Boatner, III, M. M. Landmarks of the American Revolution: Library of Military History (2nd uitg.). Detroit, MI: Charles Scribner's Sons. p. 33. ISBN 9780684314730 – via Gale Virtual Reference. 
  5. (en) "Non-Self-Governing Territories". Algemene Vergadering van die Verenigde Nasies. Besoek op 21 Mei 2018. 
  6. (en) "Montserrat". CIA World Factbook. Central Intelligence Agency. Besoek op 21 Mei 2018. 

Eksterne skakels[wysig | wysig bron]


Vlag van die Verenigde Koninkryk Verenigde Koninkryk Wapen van die Verenigde Koninkryk
LandeEngelandSkotlandWallisNoord-Ierland
Oorsese gebiedeAnguillaBermudaBrits-Antarktiese GebiedBritse Indiese OseaangebiedBritse Maagde-eilandeFalkland-eilandeGibraltarKaaimanseilandeMontserratPitcairneilandeSint Helena, Ascension en Tristan da CunhaSuid-Georgië en die Suidelike SandwicheilandeTurks- en Caicoseilande
KroongebiedeEiland ManGuernseyJersey
Sowereine militêre basisseAkrotiri en Dhekelië


 
Lande en gebiede in Noord-Amerika
Lande: Antigua en Barbuda | Bahamas | Barbados | Belize | Costa Rica | Dominica | Dominikaanse Republiek | El Salvador | Grenada | Guatemala | Haïti | Honduras | Jamaika | Kanada | Kuba | Meksiko | Nicaragua | Panama | St. Kitts en Nevis | St. Lucia | St. Vincent en die Grenadine | Trinidad en Tobago | Verenigde State van Amerika
Afhanklike gebiede: Koninkryk van Denemarke: Groenland | Frankryk: Clipperton - Guadeloupe - Martinique - Saint-Martin - Sint Bartolomeus‎ - Sint Pierre en Miquelon | Koninkryk van die Nederlande: Aruba - Curaçao - Sint Maarten | Nederland: Bonaire - Saba - Sint Eustatius | Verenigde Koninkryk: Anguilla - Bermuda - Britse Maagde-eilande - Kaaimanseilande - Montserrat - Turks- en Caicoseilande | Verenigde State: Amerikaanse Maagde-eilande - Navassa - Puerto Rico

Lande van: Afrika - Asië - Europa - Oseanië - Suid-Amerika