BRICS

in Wikipedia, die vrye ensiklopedie
Die lidlande van die BRICS en hulle verteenwoordigers tydens spitsberade.
BRICS-lande
Vlag van Brasilië Brasilië (Federale Republiek Brasilië)
President: Luiz Inácio Lula da Silva
Vlag van Rusland Rusland (Russiese Federasie)
President: Wladimir Poetin
Eerste minister: Dmitri Medwedef
Vlag van Indië Indië (Republiek Indië)
President: Droupadi Murmu
Eerste minister: Narendra Modi
Vlag van die Volksrepubliek China Volksrepubliek China
President: Xi Jinping
Eerste Minister: Li Keqiang
Vlag van Suid-Afrika Suid-Afrika (Republiek van Suid-Afrika)
President: Cyril Ramaphosa

Die BRICS is 'n akroniem vir die saamsluiting van vyf ontluikende markte, hulle is Brasilië, Rusland, Indië, die Volksrepubliek China en Suid-Afrika. Oorspronklik is die vier eersgenoemde lande as BRIC gegroepeer, met die aansluiting van Suid-Afrika in 2010. Al vyf BRICS-lande behoort tot die voorste nuut geïndustrialiseerde lande en is lidlande van die Groep van 20.

Samestelling[wysig | wysig bron]

Die term "BRIC" is oorspronklik deur die Amerikaanse Beleggingsbank- en sekuriteitsverhandelingsmaatskappy Goldman Sachs omtrent einde 2001 vir die groot opkomende markte met 'n jaarlikse ekonomiese groei tussen vyf en tien persent, naamlik Brasilië, Rusland, Indië en die Volksrepubliek China, gebruik.[1] Sedert 2009 vergader die vier lande jaarliks vir ekonomiese en politieke ooreenkomste,[2] sedert 2010 is Suid-Afrika 'n volle lid van die BRICS.[3]

Die BRICS is weens hul groeiende ekonomie, groot bevolkings, groot oppervlaktes en ryk hulpbronne baie belangrik vir die wêreldekonomie. Rusland is met 'n oppervlakte van 17 098 242 km² by verre die grootste land ter wêreld, die Volksrepubliek China is met 'n bevolking van 1 403 500 365 in 2016 die wêreld se mees bevolkte land, gevolg deur Indië se 1 324 171 354 in 2016. Brasilië is volgens oppervlakte sowel bevolking die wêreld se vyfde grootste land.

Die vyf BRICS-lande vorm die leidende lande in hul streke: Brasilië in Latyns- en Suid-Amerika, Rusland in Oos-Europa en Noord-Asië, Indië in Suid-Asië, die Volksrepubliek China in Oos-Asië en Suid-Afrika in Afrika.

Doelwitte en ekonomiese agtergrond[wysig | wysig bron]

Die doele van die BRICS-lande sluit in die wedersydse ondersteuning in ekonomiese en politiese kwessies asook die oprigting van eie internasionale instellings vir wedersydse beleggings, soos die Nuwe Ontwikkelingsbank.

Sedert die middel-2010's word die ekonomieë van die vyf BRICS-lede deur krisisse en dalende groei gekenmerk. As gevolg van die Krim-anneksasie deur Rusland is die Russiese ekonomie deur die Europese Unie en die Verenigde State aan sanksies onderwerp. Brasilië en Suid-Afrika moet met wydverspreide korrupsie en min ekonomiese groei veg. Net die Volksrepubliek China en Indië toon sedert baie jare 'n konstante ekonomiese groei van meer as vyf persent per jaar.

Amerikaanse beleggings[wysig | wysig bron]

Die Amerikaanse Handelskamer in Ierland (American Chamber of Commerce in Ireland) wys daarop dat die kumulatiewe uitvloei van regstreekse buitelandse beleggings (RBB) van Amerikaanse ondernemings tussen 2008 en 2016 'n voorkeur vir Ierland toon van waar markte in die Europese Unie en elders bedien kan word:

RBB in miljard $[4]
Land RBB
Flag of Ireland Ierland 326,0
Vlag van Brasilië Brasilië 45,3
Vlag van die Volksrepubliek China Volksrepubliek China 43,6
Vlag van Rusland Rusland 2,4

Spitsberade[wysig | wysig bron]

No. Datum(s) Gasland Gasheer Plek Notas
1ste 16 Junie 2009 Vlag van Rusland Rusland Dmitri Medwedef Jekaterinburg
2de 15 April 2010 Vlag van Brasilië Brasilië Luiz Inácio Lula da Silva Brasília Gaste: Jacob Zuma (President van Suid-Afrika) en Riyad al-Maliki (Palestina se Minister van Buitelandse Sake)
3de 14 April 2011 Vlag van die Volksrepubliek China Volksrepubliek China Hu Jintao Sanya Eerste spitsberaad met Suid-Afrika langs die oorspronklike BRIC-lande.
4de 29 Maart 2012 Vlag van Indië Indië Manmohan Singh Nieu-Delhi Die BRICS-kabel kondig 'n optiese vesel ondersese kommunikasiekabel-stelsel vir telekommunikasie tussen die BRICS-lande aan.
5de 26–27 Maart 2013 Vlag van Suid-Afrika Suid-Afrika Jacob Zuma Durban
6de 14–17 Julie 2014 Vlag van Brasilië Brasilië Dilma Rousseff Fortaleza[5]
Brasília		 Ooreenkomste vir die Nuwe Ontwikkelingsbank en die Voorwaardelike Reserweraad onderteken.
Gaste: Leiers van die Unie van Suid-Amerikaanse Nasies (UNASUR)[6][7]
7de 8–9 Julie 2015 Vlag van Rusland Rusland Wladimir Poetin Oefa[8] Gemeenskaplike beraad met SCO-EEU
8ste 15–16 Oktober 2016 Vlag van Indië Indië Narendra Modi Benaulim Gemeenskaplike beraad met BIMSTEC
9de 3–5 September 2017 Vlag van die Volksrepubliek China Volksrepubliek China Xi Jinping Xiamen Gemeenskaplike beraad met EMDCD
10de 3–5 September 2018 Vlag van Suid-Afrika Suid-Afrika Cyril Ramaphosa Johannesburg
11de 13–14 November 2019 Vlag van Brasilië Brasilië Luiz Inácio Lula da Silva Brasília
12de 17 November 2020 Vlag van Rusland Rusland Wladimir Poetin Sint Petersburg Videokonferensie
13de 9 September 2021 Vlag van Indië Indië Narendra Modi Nieu-Delhi Videokonferensie
14de 23 Junie 2022 Vlag van die Volksrepubliek China Volksrepubliek China Xi Jinping Beijing Videokonferensie
15de 2023 Vlag van Suid-Afrika Suid-Afrika Cyril Ramaphosa

Hedendaagse BRICS-leiers[wysig | wysig bron]

Sien ook[wysig | wysig bron]

Verwysings[wysig | wysig bron]

  1. ↑ (en) Jim O' Neill (2001). "Building Better Global Economic BRICs". Goldman Sachs. Besoek op 30 Desember 2017.
  2. ↑ (en) "First summit for emerging giants". BBC. 16 Junie 2009. Geargiveer vanaf die oorspronklike op 7 September 2019. Besoek op 30 Desember 2017.
  3. ↑ (en) Graceffo, Antonio (21 Januarie 2011). "BRIC Becomes BRICS: Changes on the Geopolitical Chessboard". Foreign Policy Journal. Geargiveer vanaf die oorspronklike op 30 April 2020. Besoek op 30 Desember 2017.
  4. ↑ American Chamber of Commerce Ireland: US-Ireland Business 2019, bl. 21: Figure 3 – Most Favoured Nation: Ireland vs. the BRICs
  5. ↑ (pt) "A Cúpula de Durban e o futuro dos BRICS". Post-Western World. 4 Julie 2013. Besoek op 30 Desember 2017.
  6. ↑ (es) "Los líderes del BRICS, Unasur, Cuba, México y Costa Rica se citan en Brasilia". LaVanguardia.com. LaVanguardia. 15 Julie 2014. Geargiveer vanaf die oorspronklike op 9 Oktober 2019. Besoek op 30 Desember 2017.
  7. ↑ (en) "BRICS summit: PM Modi to leave for Brazil tomorrow, will seek reforms". Hindustan Times. 13 Julie 2014. Geargiveer vanaf die oorspronklike op 9 Oktober 2019. Besoek op 30 Desember 2017.
  8. ↑ (en) "Ufa to host SCO and BRICS summits in 2015". UfaCity.info. 9 Augustus 2012. Geargiveer vanaf die oorspronklike op 11 Oktober 2017. Besoek op 30 Desember 2017.

Eksterne skakels[wysig | wysig bron]

Ontsluit van "https://af.wikipedia.org/w/index.php?title=BRICS&oldid=2549722"