Bellingshausensee

in Wikipedia, die vrye ensiklopedie
Jump to navigation Jump to search
Bellingshausensee
Sea ice by fruchtzwerg's world.jpg
Met ys bedekte Bellingshausensee
Koördinate:71°0′S 85°0′W / 71.000°S 85.000°W / -71.000; -85.000Koördinate: 71°0′S 85°0′W / 71.000°S 85.000°W / -71.000; -85.000
Ligging:Wes-Antarktika
Soort:See van die Suidelike Oseaan
Oppervlakte:487 000 km² (188 000 myl²)
Maksimum diepte:4 500 m (2 800 voet)
Eiland/e:Alexander-eiland, Peter I-Eiland, Thurston-eiland
Gevries:Feitlik die hele jaar

Die Bellingshausensee is 'n see van die Suidelike Oseaan aan die westelike kus van Antarktika, dit wil sê in die Westelike Halfrond. Die Bellingshausensee is ná die Balties-Duitse ontdekkingsreisiger in Russiese diens Fabian Gottlieb von Bellingshausen genoem, wat die see in 1821 vir die eerste keer bevaar het. Die see het 'n oppervlakte van sowat 487 000 km² en 'n maksimum diepte van 4 500 m.

Kaart van Antarktika met die Bellingshausensee links

Die Bellingshausensee is tussen Kaap Flying Fish op Thurston-eiland in die weste, Alexander-eiland in die ooste en Peter I-Eiland in die noorde geleë. Die Bellingshausensee grens in die weste aan die Amundsensee en in die ooste aan die Antarktiese Skiereiland, sowat 1000 km verder noordoos is die Scotiasee geleë. Die 60ste suidelike breedtegraad vorm die noordelike grens. Soos al die seë van Antarktika is die Bellingshausensee noord van die Suidpool geleë en feitlik die hele jaar gevries. Die Bellingshausensee word deur Argentinië (Argentyns-Antarktika), Chili (Antártica Chilena) en die Verenigde Koninkryk (Brits-Antarktiese Gebied) geëis en tot hul Antarktis-gebied gereken, maar omdat dit volgens internasionale reg nie erken word nie, val die see soos die res van Antarktika onder die saak van die Antarktis-verdrag.

Eksterne skakels[wysig | wysig bron]