Seramsee

in Wikipedia, die vrye ensiklopedie
Jump to navigation Jump to search
Seramsee
Maluku Islands en.png
Topografiese kaart van die Molukke met die Seramsee
Koördinate:2°20′S 128°00′O / 2.333°S 128.000°O / -2.333; 128.000Koördinate: 2°20′S 128°00′O / 2.333°S 128.000°O / -2.333; 128.000
Ligging:Indonesië
Soort:See van die Stille Oseaan
Oppervlakte:12 000 km²
Maksimum diepte:5 318 m
Eiland/e:Seram, Nieu-Guinee

Die Seramsee (Indonesies: Laut Seram) is 'n see aan die weste van die Stille Oseaan in Suidoos-Asië. Dit lê tussen die Soela- en Obi-eilande in die noorde, Boeroe en Seram in die suide en Nieu-Guinee in die ooste net suid van die ewenaar. Die Seramsee grens in die noordweste aan die Molukkesee, in die noordooste aan die Halmaherasee, in die suidooste aan die Arafurasee en in die suide aan die Bandasee.

Ligging van die Seramsee

Die see het 'n oppervlakte van sowat 12 000 km² en 'n maksimale diepte van 5 318 m. Die Seramsee is na die eiland Seram genoem, wat in die suide van dié see geleë is. Dit is binne die Maleise argipel geleë en van die eilande behoort tot die Molukke. Die Seramsee is 'n tropiese see.

Die hele kus van die Seramsee behoort aan die eilandnasie Indonesië.