Andamanse See

in Wikipedia, die vrye ensiklopedie
Spring na: navigasie, soek
Andamanse See
AndamanSeaNASA1.jpg
Satellietbeeld van die Andamanse See
LocationAndamanSea.png
Ligging van die Andamanse See
Koördinate: 10°N 96°O / 10°N 96°O / 10; 96Koördinate: 10°N 96°O / 10°N 96°O / 10; 96
Ligging: Indië, Mianmar, Thailand, Indonesië, Maleisië
Soort: See van die Indiese Oseaan
Oppervlakte: 600 000 km² (231 700 myl²)
Gemiddelde diepte: 1 096 m (3 596 vt)
Maksimum diepte: 4 198 m (13 773 vt)
Volume: 660 000 km³ (158 000myl³)
Lengte: 1 200 km (746 myl)
Breedte: 645 km (401 myl)
Invloei: Irrawaddy, Salween
Eiland/e: Andaman- en Nicobar-eilande
Nedersettings: Yangon

Die Andamanse See (Hindi: अंडमान सागर, Birmaans: မုတ္တမ; Thai: ทะเลอันดามัน) of Birmaanse See is 'n waterliggaam in die noordelike Indiese Oseaan, suidoos van die Baai van Bengale, suid van Mianmar, wes van Thailand en oos van die Andaman-eilande. Die see is ongeveer 1 200 kilometer lank (noord-suid) en 645 kilometer wyd (oos-wes), met 'n oppervlak van 600 000 km². Die gemiddelde diepte daarvan is 1 096 meter, en die maksimum diepte is 4 198 meter.

By die see se suidoostelike punt word dit nouer om die Straat van Malakka te vorm wat die Maleise Skiereiland van die eiland Sumatra skei.

Die Andamanse See is biologies ryk aan diversiteit en veelheid. Thailand se bes bewaarde en mees ekstensiewe koraalriwwe kom in die Andamanse See voor, veral in die Surineilande. Hoewel die see slegs 'n derde van Thailand se kuslyn beslaan, kom meer as die helfte van die land se koraalriwwe daarin voor. Meer as 210 koraal spesies en 100 rifvisspesies is in die see aangeteken.

Seebodemtektonika[wysig | wysig bron]

Die Andamanse See met die tektoniese plaatgrense sigbaar

Die grens tussen twee tektoniese plate, die Birmaplaat en die Sundaplaat loop in 'n noord-suid lyn op die seebodem van die Andamanse See. Daar word geglo dat die plate (of mikroplate) vroeër deel gevorm het van die groter Eurasiese Plaat, maar dat dit gevorm is toe transformasiefoutaktiwiteit vererger het soos die Indiese Plaat se substantiewe botsing met die Eurasiese kontinent begin het.

As gevolg hiervan is 'n seebodemuitspreding sentrum geskep wat die marginale bekken begin vorm het wat tot die Andamanse See ontwikkel het. Die huidige stadoium het ongveer 3-4 miljoen jaar gelede begin.

Vulkaanaktiwiteit[wysig | wysig bron]

Die Barren-Eilande is 'n aktiewe vulkaan in die Andamanse See oos van die hoof Groot Andaman eiland groep. Dit is die enigste tans aktiewe vulkaan geassosieer met die Indiese subkontinent. Die vulkaanaktiwiteit is te wyte aan die volgehoue subduksie van die Indiëplaat onder die Andaman-eilandboog wat magma dwing om in die omgewing van die Birmaplaat te styg. Die vulkaniese eiland Narcondam, wat verder noord geleë is, is ook deur die proses geskep, maar dit was nie onlangs aktief nie.

Eksterne skakels[wysig | wysig bron]