Chroom(III)chloried

Eienskappe

Algemeen
Naam	Chroom(III)chloried
Struktuurformule van
Chemiese formule	CrCl3
Molêre massa	158,35[g/mol]
CAS-nommer	10025-73-7
Voorkoms	pers vastestof
Reuk	reukloos
Fasegedrag
Selkonstantes	a=601,7; c= 1730,0 pm
Ruimtegroep	P3112
Nommer	151/153
Strukturbericht	D0₄
Smeltpunt	1152 °C
Kookpunt	>1300 °C (ontbind)
Digtheid	2,87 [g/cm3
Oplosbaarheid	onoplosbaar;
ΔsublHɵ	220,9 [kJ/mol] @298K
Suur-basis eienskappe
pKa
Veiligheid
Flitspunt	onbrandbaar
Tensy anders vermeld is alle data vir standaardtemperatuur en -druk toestande.
Portaal Chemie

Chroom(III)chloried is 'n sout van chroom in sy +3 oksidasietoestand met soutsuur. Sy chemiese formule is CrCl₃

Kristalstruktuur

Watervrye chroomtrichloried kristalliseer in 'n trigonale struktuur wat die argetipe van die D0₄-struktuur van die strukturbericht-klassifikasie is. Dit is 'n gelaagde toebroodjiestruktuur met chroomione in oktaëdriese holtes tussen twee chloriedioonlage met digpakking.

Chroom(III)chloried vorm hidrate soos die heksahidraat CrCl₃.6H₂O. Dit het 'n romboëdriese, trigonale struktuur (ruimtegroep R3c, nommer 167; a=1183,4; c=1189,9 pm) wat die argetipe van die J2₂ struktuur van die strukturbericht-klassifikasie is.

Die heksahidraat het twee isomere wat geskryf kan word as [Cr(H₂O)₄Cl₂]Cl.2H₂O wat donkergroen is en [Cr(H₂O)₅Cl]Cl₂.2H₂O wat liggroen is.

Ontleding met TGA het gewys dat die stowwe albei water en HCl verloor teen hoër temperature en uiteindelik Cr₂O₃ oplewer pleks van die watervrye chloried.

Magnetiese en elektriese eienskappe

CrCl₃ is 'n gelaage verbinding met Van der Waals-binding tussen die lae. Dit maak die eienskappe baie anisotroop. Dit is ook moontlik om lae te vervaardig wat uit net een Cl-Cr-Cl-toebroodjie bestaan, analoog aan grafeen en grafiet. Die chroomione het 'n konfigurasie met hoëspintoestand met drie 3d-elektrone (t_2g³). In die toebroodjielae is ferromagnetiese ordening, onder T_c=16K orden die lae antiferromagneties aan mekaar. Die magnetiese moment het 'n waarde dig by die teoretiese

Die materiaal is 'n Mott-isolator as gevolg van sterk exchangekorrelasies in die halfgevulde t_2g-band. Die bandgaping is ongeveer 3,1 eV.

De chloried vorm 'n volledige reeks mengkristalle met CrBr₃ waarin die bandgaping lineêr afneem tot ongeveer 2,5 EV en die T_c toeneem tot 31K. Al die meetgegewes van die magnetiese susseptibiliteit kan met 'n Curie-Weiss-wet verklaar word. Die Curie-Weiss-temperatuur Θ_CW neem lineêr toe van 30K vir die chloried na ongeveer 47K vir die bromied. Die magnetiese moment van al die mengkristalle lê dig by die teoretiese waarde van μ_eff=3,87 Bohrmagneton.