Magnesiumchloried

in Wikipedia, die vrye ensiklopedie
Eienskappe

Algemeen

Naam Magnesiumchloried
Struktuurformule van
Struktuurformule van
Chemiese formule MgCl2
Molêre massa 95,21 [g/mol][1]
CAS-nommer 7786-30-3[1]  
Voorkoms Wit vastestof[1]  
Reuk reukloos[1]
Fasegedrag  
Selkonstantes a=364; c=596 pm[2]  
Ruimtegroep P3m1 
Nommer 164  
Strukturbericht C6
Smeltpunt 708 °C[1]
Kookpunt 1412 708 °C[1]
Digtheid 2,31 [g/cm3][2]
Oplosbaarheid oplosbaar; stel hitte vry

Suur-basis eienskappe

pKa

Veiligheid

Flitspunt  
LD50 2 800 [mg/kg] (rot; oraal)

Tensy anders vermeld is alle data vir standaardtemperatuur en -druk toestande.

 
Portaal Chemie

Magnesiumchloried is 'n sout van magnesium en soutsuur met die formule MgCl2. Dit is 'n higroskopiese en diamagnetiese stof.

Strukture[wysig | wysig bron]

Watervrye magnesiumchloried kristalliseer in die gelaagde trigonale CdI2-struktuur (C6 in die strukturbericht-klassifikasie[3]). Die magnesiumione is oktaëdries omring deur chloriedione.

Die sout vorm 'n paar hidrate. Wat verhandel word is gewoonlik die heksahidraat MgCl2·6H2O, wat as die mineraal bischofiet in die natuur voorkom. Verhitting onder stikstof kan egter ook die tetrahidraat MgCl2·4H2O (teen 90°C) en die dihidraat MgCl2·2H2O (teen 120 °C) vrystel. Hoër temperature lei tot verlies van HCl en uiteindelik die vorming van die oksied MgO.[4]

Produksie[wysig | wysig bron]

Magnesiumchloried kan uit seewater of uit soutneerslae ontgin word. Dit kom veral in die vorm van die mineraal carnalliet voor. Dit is 'n dubbelsout van KCl en MgCl2. [5]

Gebruike[wysig | wysig bron]

Magnesiumchloried word medies as dieetaanvulling gebruik.[6]

Gesmelte magnesiumchloried word vir die vervaardiging van die metaal magnesium gebruik deur dit aan elektrolise te onderwerp. Gekonsentreerde oplossings van die sout kan gemeng word met MgO-poeier om 'n pap te maak wat tot 'n soort sement verhard deur die vorming van oxichloriede.[5]

Die stof het ook heelparty industriële toepassings:[7]

  1. Dit word as katalisator of draermateriaal vir katalisators gebruik
  2. Dit word in rubberkabels, mynkabels, mariene kabels en ander nywerhede gebruik . Dit kan die kabel se weerstand teen roes, sure en hoë temperatuur verbeter. Dit vergroot die werkstabiliteit onder strawwe toestande.
  3. Dit word vir mediese rubberprodukte, kleefmiddels ensomeer gebruik.
  4. Dit word by die industriële vervaardiging van gekonsentreerde salpetersuur gebruik, hoofsaaklik vanweë sy waterabsorpsie-effek in die produksieproses
  5. Dit word by die vervaardiging van gevorderde kleefmiddels gebruik. Dit verbeter die stoorstabiliteit van die gom.
  6. Dit word as vlamvertrager gebruik om die brandweerstand te verbeter.
  7. Dit word as 'n bymiddel in veevoer gebruik. Dit kan siektes van die senustelsel, wat veroorsaak word deur onvoldoende magnesium, vermy.
  8. Industriële magnesiumchloried word in hoëtemperatuurbedrywighede gebruik, soos in oonde vir staalvervaardiging in die yster- en staalindustrie.

Verwysings[wysig | wysig bron]

  1. 1,0 1,1 1,2 1,3 1,4 1,5 "sds". Fisher.
  2. 2,0 2,1 "MgCl₂ mp-570259". Materials Project.
  3. "ω (C6) Phase: AB2_hP3_164_a_d". Aflow.
  4. Herbstein, F.H., Kapon, M., Weissman, A. (1982). "X-ray Diffraction as a Tool for Studying Stoichiometry and Kinetics of Solid State Thermal Decomposition Reactions. Application to the Thermal Decomposition of Bischofite MgCl2 · 6H2O". Isr. J. Chem. 22: 207–213. doi:10.1002/ijch.198200041.{{cite journal}}: AS1-onderhoud: gebruik authors-parameter (link)
  5. 5,0 5,1 Prins, Ada; Groot, Grada P. de (1935). Leidraad voor de anorganische en organische scheikunde. Met toepassingen in industrie en huishouding.{{cite book}}: AS1-onderhoud: gebruik authors-parameter (link)
  6. "Magnesium DR - Uses, Side Effects, and More". WebMD.
  7. "What Are the Applications of Industrial Grade Magnesium Chloride?". Sta-fluxes.