Olimpiese eed

in Wikipedia, die vrye ensiklopedie
Spring na: navigasie, soek
Vlag van die Olimpiese Spele.

Die Olimpiese eed is die teks wat tydens die openingseremonie van elke Olimpiese Spele uitgespreek word deur 'n atleet en 'n amptenaar. Deur die uitspreek van die eed belowe die atlete en amptenare dat hulle tydens die spele by die reël en regulasies sal hou.

Hoofstuk 5 van die Olimpiese grondwet beskryf hoe die eed afgelê moet word. Hier word voorgeskryf dat 'n atleet van die organiserende land die eed uitspreek namens al die atlete. Die eed word in Engels uitgespreek en lui as volg:

In the name of all the competitors I promise that we shall take part in these Olympic Games, respecting and abiding by the rules which govern them, committing ourselves to a sport without doping and without drugs, in the true spirit of sportsmanship, for the glory of sport and the honour of our teams.

Terwyl die atleet die eed aflê moet hy die Olimpiese vlag in sy linkerhand vashou en sy regterhand opgesteek hou. Die vlagdraers van al die deelnemende lande vorm 'n halwe sirkel voor die podium waar die atleet wat die eed aflê op staan.

Daarna lê een van die amptenare van die organiserende land die eed af namens al die amptenare. Dit gebeur op dieselfde wyse as by atlete. Die teks hiervoor is:

In the name of all the judges and officials, I promise that we shall officiate in these Olympic Games with complete impartiality, respecting and abiding by the rules which govern them, in the true spirit of sportsmanship.

Die Olimpiese Spele van 1920 in Antwerpen was die eerste waar die Olimpiese eed vir atlete afgelê was. Die Olimpiese eed vir amptenare word ingevoer op die Olimpiese Spele van München in 1972.

Atlete wat die Olimpiese eed afgelê het[wysig]

Plek Jaar Naam Sport
Antwerpen Olimpiese Somerspele 1920 Victor Boin Skerm
Parys Olimpiese Somerspele 1924 Georges André Atletiek
Amsterdam Olimpiese Somerspele 1928 Henri Dénis Sokker
Los Angeles Olimpiese Somerspele 1932 George Calnan Skerm
Berlyn Olimpiese Somerspele 1936 Rudolf Ismayr Gewigstoot
Londen Olimpiese Somerspele 1948 Donald Finlay Atletiek
Helsinki Olimpiese Somerspele 1952 Heikki Savolainen Gimnastiek
Melbourne Olimpiese Somerspele 1956 John Landy Atletiek
Rome Olimpiese Somerspele 1960 Adolfo Consolini Atletiek
Tokio Olimpiese Somerspele 1964 Takashi Ono Gimnastiek
Meksikostad Olimpiese Somerspele 1968 Pablo Lugo Garrido Atletiek
München Olimpiese Somerspele 1972 Heidi Schüller Atletiek
Montreal Olimpiese Somerspele 1976 Pierre Saint-Jean Gewigstoot
Moskou Olimpiese Somerspele 1980 Nikolay Andrianov Gimnastiek
Los Angeles Olimpiese Somerspele 1984 Edwin Moses Atletiek
Seoel Olimpiese Somerspele 1988 Hah Jae en Son-Mi Na Seil
Barcelona Olimpiese Somerspele 1992 Luis Doreste Blanco Seil
Atlanta Olimpiese Somerspele 1996 Teresa Edwards Basketbal
Sydney Olimpiese Somerspele 2000 Rechelle Hawkes Hokkie
Salt Lake City Olimpiese Winterspele 2002 Jim Shea jr. Skeleton
Athene Olimpiese Somerspele 2004 Zoï Dimoschaki Swem
Turyn Olimpiese Winterspele 2006 Giorgio Rocca Ski
Beijing Olimpiese Somerspele 2008 Zhang Yining Tafeltennis
Vancouver Olimpiese Winterspele 2010 Hayley Wickenheiser Yshokkie
Londen Olimpiese Somerspele 2012 Sarah Stevenson Taekwondo

(In 1984 vergeet Edwin Moses die teks van die eed tydens die openingseremonie).

Eksterne skakels[wysig]