Olimpiese Winterspele 2026

in Wikipedia, die vrye ensiklopedie
Jump to navigation Jump to search
Gnome globe current event.svg Die artikel beskryf ’n sportgebeurtenis wat in die toekoms gaan plaasvind.
Die inligting is moontlik spekulatief en kan vinnig verander soos data beskikbaar raak.
Sport
XXVe Olimpiese Winterspele
Olimpiesespele van 2026

Gehou in Milaan en Cortina d'Ampezzo, Italië
Deelnemende lande
Deelnemende atlete
Items
Openingseremonie 6 Februarie 2026
Sluitingseremonie 22 Februarie 2026
Amptelik geopen deur President van Italië (verwag)
Atlete-eed
Beampte-eed
Olimpiese vlam
Vorige Spele 2022: Beijing (China)
Volgende Spele 2030: nog nie bekend nie

Die Olimpiese Winterspele 2026 (Italiaans: XXV Giochi olimpici invernali), amptelik bekend as die XXVste Olimpiese Winterspele, sal tussen 6 en 22 Februarie 2026 in Milaan en Cortina d'Ampezzo, Italië, aangebied word.[1][2]

Olimpiese medaljes sal op die Piazza del Duomo van Milaan oorhandig word
Kaart van deelnemende nasies in 2026:

   Neem vir die eerste keer deel

   Het reeds vantevore deelgeneem

   Neem nie deel nie

     Gasheerstad Milaan en Cortina d'Ampezzo

Dit sal ná die Olimpiese Winterspele van 1956 in Cortina d'Ampezzo en die Olimpiese Winterspele van 2006 in Turyn die derde wees wat in Italië gehou word. In die Italiaanse hoofstad Rome is ook die Olimpiese Somerspele van 1960 beslis.

Die openingseremonie sal in San Siro van Milaan plaasvind, terwyl die sluitingseremonie in die Verona Arena van Verona gehou sal word. Soos gebruiklik sal die lande in alfabetiese volgorde die stadion instap met Griekeland die eerste en die gasheer Italië die laaste, maar aangesien die plaaslike taal Italiaans is, sal dié taal se alfabet gebruik word om die volgorde te bepaal.

Die Paralimpiese Winterspele 2026 sal tussen 6 en 15 Maart in Milaan en Cortina d'Ampezzo gehou word.

Toewysing[wysig | wysig bron]

Giovanni Malagò, hoof van Italië se bod-komitee
Logo van die Italiaanse bod vir die Olimpiese Winterspele 2026

Milaan en Cortina d'Ampezzo is op 24 Junie 2019 in Lausanne deur die Internasionale Olimpiese Komitee gekies as die gasheer vir die Olimpiese Winterspele in 2026. Die enigste ander kandidaat was Stockholm, Swede.

Die gasheerstad sou oorspronklik in Oktober 2019 deur die Internasionale Olimpiese Komitee (IOK) in Milaan, Italië, aangekondig word. Die IOK het die stemming egter na 'n ander plek – en datum – verskuif, nadat Italië 'n bod vir die Olimpiese Winterspele 2026 ingedien het wat die stad Milaan insluit. Die stemming is op 24 Junie 2019 in die hoofkantoor van die IOK in Lausanne, Switserland, gehou.[3][4] Die eerste aansoekfase vir die Spele het in September 2017 begin.[5]

Die stemming het as volg verloop:

Stemming vir gasheer van die Olimpiese Winterspele 2026[6]
Stad Land Rondte 1
Milaan en Cortina d'Ampezzo Vlag van Italië Italië 47
Stockholm Vlag van Swede Swede 34

Sportplekke[wysig | wysig bron]

Milaan[wysig | wysig bron]

Die openingseremonie sal in die San Siro van Milaan plaasvind
Die sluitingseremonie sal in die Verona Arena gehou word
  • San Siro – openingseremonie
  • Mediolanum Forum – kunsskaats, kortbaanskaats
  • PalaItalia Santa Giulia – hoofyshokkiestadion (onafhanklik van die spele beplan)
  • PalaLido – tweede hoofyshokkiestadion (onafhanklik van die spele beplan)
  • Piazza del Duomo – Medaljeseremonies

Valtellina[wysig | wysig bron]

  • Stelvio slope, Bormio – alpeski
  • Mottolino/Sitas – Tagliede/Carosello 3000, Livigno – sneeuplankry, vryski

Cortina d'Ampezzo[wysig | wysig bron]

  • Olimpia delle Tofane-helling, Cortina d'Ampezzo – alpeski (tegniese oord is in konstruksie vir FIS Alpeskiwêreldkampioenskap 2021)
  • Pista Eugenio Monti]], Cortina – bobslee, skeleton, rodel (modernisering en beligtingswerke)
  • Stadio Olimpico Del Ghiaccio, Cortina – ysbal
  • Südtirol Arena, Antholz – tweekamp

Val di Fiemme[wysig | wysig bron]

  • Stadio del salto "Giuseppe Dal Ben", Predazzo – skansspring, Noorse kombinasie (wind net required)
  • Lago di Tesero Heg-en-steg-stadion, Tesero – heg-en-steg-ski, Noorse kombinasie
  • Ice Rink Piné, Baselga di Piné – langbaanskaats (plek moet nog herbou word)

Verona[wysig | wysig bron]

  • Verona Arena – sluitingseremonie

Sporte[wysig | wysig bron]

7 Olimpiese sporte in 15 dissiplines sal tydens die Spele beoefen word.

Sien ook[wysig | wysig bron]

Verwysings[wysig | wysig bron]

  1. (en) "'Italia! Italia!' IOC awards 2026 Winter Olympics to Milan-Cortina d'Ampezzo". The Washington Post. 24 Junie 2019. Besoek op 30 September 2019.
  2. (en) "Milan-Cortina Wins 2026 Olympic And Paralympic Winter Games Bid". Internasionale Olimpiese Komitee. 24 Junie 2019. Besoek op 30 September 2019.
  3. (en) "Lausanne To Host Vote For Winning 2026 Winter Olympic Bid Instead of Milan After Italy Enters Race". GamesBids. 20 September 2018. Besoek op 30 September 2019.
  4. (en) "IOC To Move Up 2026 Olympic Bid Vote Three Months, Now June 2019". GamesBids. 9 Oktober 2018. Besoek op 30 September 2019.
  5. (en) "IOC Approves New Candidature Process for Olympic Winter Games 2026". Internasionale Olimpiese Komitee. 11 Julie 2017. Besoek op 30 September 2019.
  6. (en) "Past Olympic Host City Election Results". GamesBids. Besoek op 30 September 2019.

Eksterne skakels[wysig | wysig bron]


Olimpiese Spele Logo van die Olimpiese Spele

Olimpiese Somerspele: 1896  • 1900  • 1904  • 1906*  • 1908  • 1912  • 1916  • 1920  • 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1996  • 2000  • 2004  • 2008  • 2012  • 2016  • 2020  • 2024  • 2028  • 2032

Olimpiese Winterspele: 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1994  • 1998  • 2002  • 2006  • 2010  • 2014  • 2018  • 2022  • 2026  • 2030
Internasionale Olimpiese KomiteeNasionale Olimpiese Komitee
(*) Die spele van 1906 is deur die IOK georganiseer, maar word nie amptelik deur die IOK erken nie.